logo

фарҳанг

САДБАРГИ ЗАРИН

Номи нависандаи тавонову машҳуру маҳбуби рус Константин Георгиевич Паустовский (1892 – 1968) ба хонандагону алоқамандони адабиёт ошност. Нигоҳи ӯ ба табиат ва муъҷизаҳову зебоиҳои он аз дигар адибон тафовути зиёд дорад. Ба ҳар як гулу гиёҳ ва дарахтони кишвараш  чун шоиру ошиқи содиқ менигарад. Нозукбаёну дақиқназар мебошад. Барои шинохти истеъдоду шуҳрати нависандагияш ин қадар кофист, зикр бишавад, ки барои дарёфти ҷоизаи Нобел пешбарӣ шуда буд.
«Садбарги зарин» аз ҷумлаи асарҳои беҳтарини ин адиб мебошад, ки дар кишвари муаллиф, яъне Русия ва дигар мамолики пешрафтаи ҷаҳон борҳо ба табъ расида, дастраси хонандагони сершумор гардидааст.
Муаллиф дар мавриди таълифи ин китоб таъкид медорад, ки он «асари тадқиқотии назариявӣ ва хусусан, дастурнома нест. Ман дар ин ҷо қайдҳо ва таҷрибаи эҷодии худро роҷеъ ба кори нависандагӣ фароҳам овардаам… Агар бо ҳамин навиштаҳо ҳам аз ҷавҳари зебои заҳмати нависандагӣ ба хонанда қадре расонда бошам, вазифаи худро дар назди адабиёт анҷомёфта меҳисобам».
«Садбарги зарин» - ро нахустин бор ба забони тоҷикӣ соли 1983 нашриёти «Ирфон» дар тарҷумаи Бахтиёр Муртазо нашр намуд. Нашриёти «Адиб» тасмим гирифт, ки ин китоби ҷолибу хонданиро дар таҳрири нав бори дигар барои дилбастагони адабиёт ва мутахассисони соҳа ба нашр бирасонад.
Мавриди зикр аст, ки асари мазкур дар миёни хонандагони тоҷик солҳои 80 – уми асри гузашта маҳбубияти зиёд пайдо кард ва яке аз асарҳое маҳсуб мешуд, ки мутолиакунандаи бисёр дошт. Албатта, мутарҷим он замон саъю кӯшиш ба харҷ дода буд, то назокати асар дар тарҷумаи тоҷикии он боқӣ бимонад ва ба ин мақсаде, ки дошт ноил гардид. Тавре дар нашри дувуми асар ӯ иброз доштааст: «Мувофиқи талаботи замон тарҷумаи худро аз нав таҳриру тасҳеҳ намуда, боберо, ки аз нашри аввал бо сабабе афтода буд, илова кардам». Дар таҳрири нав бо иловаи як боби дигар асар боз бештар ҷолибу хонданӣ шудааст. Тӯли ин солҳо, бешак, ҳунару истеъдоди адибу мутарҷими шинохтаи тоҷик афзудааст. Ин ҳақиқат дар тарҷумаҳо ва асарҳояш равшан ба назар мерасад.
Рустам Ваҳҳобзода, сармуҳаррири маҷаллаи «Садои Шарқ», номзади илмҳои филология, дар сарсухани ин китоб барҳақ таъкид доштааст: «Мутарҷими китоб Бахтиёр Муртазо ҳамон гуна, ки муаллифи «Садбарги зарин» ба забони асари бадеъ муносибати фавқулода бодиққат ва ҳунармандона дорад, ин китобро ба забони сара ва шевою ғанӣ тарҷума кардааст ва маълум аст, ки тарҷума бо илҳоми саршор анҷом гардида, мутарҷим ба ҷаҳони маънавии соҳиби матни асл на танҳо ошноии хуб дорад, балки онро барои худ қарин медонад, ба арзишҳое, ки Константин Паустовский онҳоро васф мекунад, арҷу эҳтиром қоил аст».
Ҳамин тавр, «Садбарги зарин» бо таҳриру такмил падидаи неки адабӣ маҳсуб мешавад ва ҳамзамон, туҳфаи хубест ба ҳаводорону мутахассисони каломи бадеъ ва тарҷумаи адабӣ.
Абдулқодири РАҲИМ, «Ҷумҳурият»

 

 

 

 


Баёни ақида (0)    Санаи нашр: 31.08.2018    №: 172    Мутолиа карданд: 458
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед