logo

иҷтимоиёт

ЛИБОСИ МАКТАБӢ. ТАЪМИНИ СИФАТ ВА РАҚОБАТПАЗИРӢ

Саноати дӯзандагӣ ҳамчун соҳаи афзалиятнок дар замони соҳибистиқлолӣ ба таври бесобиқа рушд ёфт. Корхонаю коргоҳҳои нав бунёд ва корхонаҳои амалкунанда аз нав муҷаҳҳаз гардонда шуданд. Бо ин роҳ, сифати маҳсулоти истеҳсолшаванда низ беҳтар гашта, ҳаҷми истеҳсоли маҳсулоти дӯзандагӣ дар соли 2017 ба 203 миллион сомонӣ расонда шуд, ки дар муқоиса ба  соли 2006 сеюним баробар зиёд аст.
Соли гузашта ҳаҷми истеҳсоли либоси мактабӣ 1 миллиону 81 ҳазор ададро ташкил дод. Давоми моҳҳои январ - июли соли равон бошад, корхонаҳои соҳа 523 ҳазор либоси мактабӣ истеҳсол карданд, ки назар ба ҳамин давраи соли гузашта 225 ҳазор зиёд аст.
Бо мақсади иҷрои супоришҳои Сарвари давлат муҳтарам Эмомалӣ Раҳмон дар самти омӯзиши вазъи воқеии истеҳсоли либоси мактабӣ ва муайян намудани омилҳои таъсиррасон ба рушди соҳа аз ҳисоби намояндагони вазорату идораҳои мамлакат гурӯҳи кории байниидоравӣ таъсис дода шудааст. Аъзои гурӯҳи корӣ дар шаҳру ноҳияҳои ҷумҳурӣ якҷо бо масъулони мақомоти иҷроияи ҳокимияти давлатии вилоятҳо ва шаҳру ноҳияҳо бо истеҳсолгарон, соҳибкорон ва шахсони мутасаддӣ вохӯриҳо гузаронда, масъалаҳои ҷории истеҳсоли либоси мактабиро  баррасӣ менамоянд.  
Дар натиҷаи амалисозии тадбирҳои босамар дар самти таъмини хонандагони муассисаҳои таълимӣ бо либоси мактабии истеҳсоли ватанӣ дар як қатор шаҳру ноҳияҳо вазъ ба куллӣ дигаргун шуд. Дар шаҳру ноҳияҳои Ховалинг, Муъминобод, Балҷувон, Қубодиён, Шамсиддин Шоҳин, Носири Хусрав, Рӯдакӣ, Роғун, Айнӣ ва Деваштич, ки соли гузашта истеҳсоли либоси мактабӣ ба роҳ монда нашуда буд, мутахассисон ҷалб гардида, истеҳсоли либоси мактабии писаронаю духтарона ба роҳ монда шуд.
Алҳол масъулони мақомоти иҷроияи ҳокимияти давлатии вилоятҳои Хатлон, Суғд ва шаҳри Душанбе баҳри таъмин намудани толибилмон бо сарулибоси мактабии ватанӣ намоиш – фурӯши либоси мактабиро дар назди чанд корхонаю муассисаҳои шаҳри Душанбе, «Кооператор» - и шаҳри Кӯлоб, «Каёнуш» - и ноҳияи Данғара, «Коргоҳи дӯзандагӣ» - и шаҳри Бохтар, китобхонаи ба номи Тошхӯҷа Асирии шаҳри  Хуҷанд ва ҶДММ «Даҳбед» - и  шаҳри Ҳисор ба таври доимӣ ташкил намудаанд.
Мавсума Муинӣ, муовини раиси шаҳри Душанбе, гуфт, ки тибқи қарори раиси шаҳр, Рустами Эмомалӣ дар ноҳияҳои Исмоили Сомонӣ (назди маркази савдои «Меҳргон»), Шоҳмансур (назди маркази савдои «Ёқут-2000»), Фирдавсӣ (назди маркази савдои «Ганҷина» ва «ИИ Нассоҷии Тоҷик») ва Сино (назди маркази савдои «Ёвар»)  аз 6 августи соли 2018 ярмаркаҳои фурӯши либос ва лавозимоти мактабӣ ташкил карда шудааст, ки то охири моҳ идома меёбанд.
Ҷиҳати рушди истеҳсолот, ҳавасмандгардонӣ ва дастгирии молистеҳсолкунандагони ватанӣ дар самти хуштарҳу замонавӣ ва рақобатпазир истеҳсол намудани либоси мактабӣ аз ҷониби Ҳукумати Ҷумҳурии Тоҷикистон имтиёзҳои андозӣ фароҳам оварда шудаанд. Аз ҷумла, бо мақсади коҳиш додани арзиши либоси мактабӣ воридоти фурнитура барои истеҳсоли либоси мактабӣ барои корхонаҳое, ки рӯйхати онҳоро Ҳукумати Ҷумҳурии Тоҷикистон тасдиқ кардааст, аз пардохти боҷи гумрукӣ, ҳамчунин, фурӯши либосҳои шакли ягонаи мактабӣ ва томактабии истеҳсоли ватанӣ мувофиқи номгӯ аз андоз аз арзиши иловашуда озод карда шуд.
Ш. АБРОР, «Ҷумҳурият»


Баёни ақида (0)    Санаи нашр: 03.09.2018    №: 173    Мутолиа карданд: 181

13.12.2018


Иштироки Азим Иброҳим дар Форуми ҳамкории Чин ва Осиёи Марказӣ

Шаҳри Душанбе бо музофоти Хайнан бародаршаҳр гардид

Вохӯрии Заробиддин Қосимӣ бо Абдулазиз ибни Абдулкарим ал-Исӣ

Мадуро вохӯриашро бо Путин таърихӣ унвон кард

Қазоқистон 50 номгӯи маҳсулотро ба содирот баровард

Дабири кулли СММ: «Лағви шартномаи Париж «худкушист»

Голикова: «Собиқадорони Ҷанги Бузурги Ватанӣ ҳамагӣ 1,4 миллион нафар мондаанд»

Дар Қирғизистон домоди қотил 20 сол зиндонӣ шуд

Ҷаҳон дар як сатр

12.12.2018


Мулоқоти Низомиддин Зоҳидӣ бо Лю Бин

Таҳкими ҳамкориҳо бо Бонки аврупоии таҷдид ва рушд

Таъсиси шӯрои рушди маориф

Қазоқистон калонтарин дар ИДМ неругоҳи барқи офтобиро ба кор даровард

Дар Қирғизистон ба волидони кӯдакони маъюб маош таъйин мекунанд

Чин ваъдаи кам кардани боҷ ба автомобилҳои амрикоиро баҷо меорад

Ҷаҳон дар як сатр

ГӮШТӢ. Тоҷикистон 6 медали тилло ба даст овард

РОҲ БА СӮИ ТОКИО. Ҷаласаи машваратӣ бо федератсияҳои варзишӣ

ХУҶАНД. Бунёди 5 иншооти нав

МУЪМИНОБОД. "Якарча" ба кор даромад

СММ: “Аз коррупсия иқтисоди ҷаҳонӣ соле 2,6 триллион доллар талаф медиҳад”

Дар Стокголм ҷоизаҳои Нобел барои соли 2018 супурда шуданд

Катрунгалос: «Муносиботи мо бо Россия самимитар гашт»

Дар Қазоқистон нархи яклухти барқ ва газро паст мекунанд

Ҷаҳон дар як сатр

Тоҷикистон дар Чемпионати Осиё – 2019

САМБО. Ду медали гӯштигирони тоҷик

10.12.2018


Вохӯрии Сироҷиддин Муҳриддин бо Томас Гремингер

Ҷамъомади тантанавӣ бахшида ба таъсиси воҳидҳои таъйиноти махсуси ВКД

Ба ифтихори солгарди Сайидои Насафӣ Конфронси байналмилалӣ доир мегардад

Вориси Ангела Меркел дар мақоми сарвари ҲНД Аннегрет Крамп-Карренбауэр шуд

Дар ОПЕК+доир ба маҳдудсозии истихроҷи нафт ба мувофиқа расиданд

Боздошти беш аз 1700 нафар дар намоишҳои эътирозӣ дар Фаронса

Беш аз нисфи аҳолии сайёра ба интернет дастрасӣ ёфт


Дар сомонаҳои дигари Тоҷикистон хонед