logo

фарҳанг

КИТОБ ВА ПОЙДОРИИ МИЛЛАТ

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мулоқот бо аҳли зиёи кишвар зимни маросими ифтитоҳи Китобхонаи миллӣ дар суханронии пурмуҳтавои худ, аз ҷумла аз фарҳанги волои китобдориву китобнависии аҷдодон, китобхонаҳои бузурги фарҳангистони “Гунди Шопур” - и даврони Сосонӣ ва “Сивон-ул-ҳикма” - и даврони Сомонӣ, инчунин  аз китобсӯзиҳову тороҷгариҳои аҷнабиён дар давраҳои гуногуни таърих, ёдовар шуда, ибрози эътимод намуданд, ки он ҳама китобҳои сӯхта, китобхонаҳои оташгирифта, ёдгориҳои барбодрафтаи таърихии халқи тоҷик имрӯз дар симои Китобхонаи миллии мо аз сари нав эҳё гардида, дар роҳи боло бурдани ҷаҳони маънавии халқамон нақши арзанда мебозанд.
Ин суханҳои  илҳомбахши Пешвои миллат аз рӯзҳои аввали фаъолияти ин кохи илму маърифат сармашқи фаъолияти кормандон қарор гирифта, дар ҳама самтҳои фаъолият дастовардҳои зиёде ба назар мерасад.
Айни ҳол дар Китобхонаи миллӣ, ки бо 28 махзан барои нигаҳдории 10 миллион китоб пешбинӣ шудааст, 5,5 - 6 млн. нусха адабиёт маҳфуз буда, теъдоди аъзои он ба беш аз 160 ҳазор расидааст. Толорҳои хизматрасонӣ аз соати 08:00 то 20:00 ва аз рӯйи мавсимҳои сол, инчунин, то соати 22:00 кору фаъолият менамоянд. Китоби дархостгардида аз ҷониби кормандон дар муддати 10 - 15 дақиқа дастраси хонанда мегардад. Соле ду маротиба доир ба сифати хизматрасонӣ дар Китобхонаи миллӣ байни хонандагон назарсанҷиҳо гузаронда мешавад. Хушбахтона, назарсанҷиҳо нишон медиҳанд, ки имрӯз дар ин муассисаи бонуфузи фарҳангӣ сатҳи хизматрасонӣ ба муштариён хуб ба роҳ  монда шудааст. Китобхона  бо дош- тани 25 толори хониш барои 1500 ҷойи нишаст ҳамарӯза, ба ҳисоби миёна, ба 1450 хонанда  хизмат мерасонад. Баргузории  конфронсҳо, вохӯриву симпозиумҳо, чорабиниҳои фарҳангиву маҳфилҳои адабӣ  яке аз самтҳои муҳими фаъолияти муассиса мебошад.
Бахшида ба Рӯзи китоб ва Рӯзи Истиқлолияти давлатии Ҷумҳурии Тоҷикистон дар  Китобхонаи миллӣ нақшаи чорабиниҳо  қабул гардида, ҷиҳати дар сатҳи баланд  таҷлил намудани ин санаҳои муҳими ҷашнӣ тадбирҳои зарурӣ андешида шудаанд. Аз ҷумла:
- Ташкили намоиши китобҳо ва дастовардҳои КМТ - Конференсияи ҷумҳуриявии илмӣ - амалӣ дар мавзӯи «Роҳҳои татбиқи инноватсионӣ дар фаъолияти китобхонаҳои Ҷумҳурии Тоҷикистон» бахшида ба 85 - солагии Китобхонаи  миллии  Тоҷикистон  ва Рӯзи китоб;
- Чорабинии тантанавӣ ба ифтихори Рӯзи китоб бо иштироки намояндагони Дастгоҳи иҷроияи Президенти Ҷумҳурии Тоҷикистон, Академияи илмҳо, Вазорати фарҳанг, Вазорати маориф ва илм, Иттифоқи нависандагони Тоҷикистон, донишгоҳу донишкадаҳо ва китобхонаҳои ҷумҳурӣ;
- Чорабинии фарҳангии маҳфили «Ҳамешабаҳор» таҳти унвони «Ғазалиёти Абдураҳмони Ҷомӣ ва Алишери Навоӣ», ки ба дӯстии Тоҷикистону Ӯзбекистон бахшида шудааст;
- Рӯзи «Дарҳои боз» дар Китобхонаи миллии Тоҷикистон дар ҳамкорӣ бо донишгоҳу донишкадаҳои дар шаҳри Душанбебуда;
- Мизи мудаввар таҳти унвони «Нақши китоб дар ташаккули фарҳанги маънавӣ» дар ҳамкорӣ бо Академияи илмҳо ва Сарредаксияи илмии Энсиклопедияи миллии Тоҷикистон;
- Ҳамоиши илмӣ - оммавӣ таҳти унвони «Китобхонаи миллӣ ва таҳкими арзишҳои Истиқлолият» дар ҳамкорӣ бо кумитаи иҷроияи ҲХДТ дар ноҳияи Исмоили Сомонӣ, Иттифоқи журналистони Тоҷикистон;
- Маҷлиси тантанавӣ ба ифтихори Ҷашни 27 - солагии Истиқлолияти давлатии Ҷумҳурии Тоҷикистон;
- Мизи мудаввар дар мавзӯи «Дурнамо ва ҳалли мушкилоти таъмини китобҳои брайлӣ ба забони тоҷикӣ» дар ҳамкорӣ бо ассотсиатсия ва ҷамъиятҳои махсус, маркази таҳия, нашр ва муомилоти китобҳои дарсӣ, илмию методии Вазорати маориф ва илми Ҷумҳурии Тоҷикистон.
Баргузории чорабиниҳои мазкур дар таҳкими раванди китобдорӣ, ташвиқи бештари китобу китобхонӣ миёни аҳли ҷомеа ва ҳамин тавр, дар сайқалёбии андешаи миллӣ ва таҳкими пояҳои давлатдориямон аҳамияти бузург хоҳад дошт.
На танҳо худи мо, балки тамоми миллати мутамаддини ҷаҳон аз ин ҳақиқати бебаҳс огоҳанд, ки тоҷикон аз қадимулайём соҳиби фарҳанги баланди китобдорӣ буда, таъриху тақдирашон ба килку қалам ва девону дафтар алоқаи ногусастанӣ дорад. Чунонки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъкид намудаанд: «Китоб аст, ки таърихи куҳанбунёди мо, ганҷинаҳои тамаддуни башарӣ, дурдонаҳои назми ҳазорсолаи мо, достонҳо ва илму дониши давраи бостонӣ, хираду заковати халқҳо ва наслҳоро зинда нигоҳ медорад. Китоб аст, ки бо нури донишу маърифат роҳи мардумонро равшан сохта, боиси ҳастиву пойдории миллат, таърих, забон, адабиёт ва фарҳанг гардидааст».
Абдусалом МИРАЛИЗОДА, директори Китобхонаи миллии Тоҷикистон,
профессор

 

 

 

 


 


Баёни ақида (0)    Санаи нашр: 04.09.2018    №: 174    Мутолиа карданд: 413

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед