logo

иқтисод

ТАҲЛИЛ. ҲАНӮЗ ҲАМ САНЪАТКОРОНИ АНДОЗГУРЕЗ ҲАСТАНД

Натиҷаи таҳлилҳои кормандони Кумитаи андози назди Ҳукумати Ҷумҳурии Тоҷикистон нишон дод, ки ҳолати бақайдгирӣ ва андозбандии сарояндагон дар маҳалҳо дар сатҳи паст қарор дорад. Бо вуҷуди фаъолият доштани навозанда, сарояндаю раққосаҳои зиёд, мутобиқи маълумот, дар ҷумҳурӣ ба ҳолати 1 августи соли 2018 дар мақомоти андоз ҳамагӣ 1825 нафар аз рӯи намуди фаъолияти сарояндагӣ, навозандагӣ, раққосӣ, хизматрасониҳои мусиқавӣ ва ғайра ба қайди давлатӣ гирифта шудаанду халос.
Собир Исоев, сардори шуъбаи ташкили андозбандии кумита, ба хабарнигори рӯзнома гуфт, ки дар доираи гузарондани корҳои назоратӣ аз ҷониби мақомоти андоз дар давоми 7 моҳи соли равон зиёда аз 300 санъаткор, ки қаблан ҳамчун андозсупоранда дар мақомоти андоз ба қайд гирифта нашуда буданд ва ё фаъолияти худро дар давраҳои гуногун қатъ намудаанд, ба маблағи 252,2 ҳазор сомонӣ ҷарима шуданд.
- Натиҷаи корҳои назоратии мақомоти андоз нишон дод, ки аз тарафи аксарияти роҳбарони ошхона, тарабхона, қаҳвахона ва марказҳои дилхушии ҳудуди шаҳри Душанбе бар хилофи муқаррароти Кодекси граждании Ҷумҳурии Тоҷикистон ва дигар санадҳои меъёрию ҳуқуқии соҳаи мазкур сарояндагон, мутрибон ва раққосаҳо бидуни бастани шартнома (қарордод) ва бе қайд дар мақомоти андоз шабона ба кор ҷалб карда мешаванд, - гуфт С. Исоев.
Аз натиҷаи санҷишҳо бармеояд, ки ба аксарияти ҳунармандон дар тарабхона ва марказҳои дилхушӣ барои ҳар як рӯзи корӣ аз сарояндагӣ  100 - 200 сомонӣ ва барои навозанда, баранда ва раққоса 70 - 100 сомонӣ (ба истиснои даромадҳое, ки аз мизоҷон ба даст меоранд) ҳаққи хизматрасонӣ дода мешавад.
Бино ба гуфтаи ҳамсуҳбати мо, дар рафти санҷишҳо дар тарабхонаҳо ва марказҳои дилхушӣ як қатор қонунвайронкуниҳо ошкор гардид. Тибқи иттилои маркази матбуоти Кумитаи андоз дар тарабхонаи «Помир Лабиринт» ҳангоми гузарондани санҷиш 5 сароянда, 3 навозанда ва 10 раққоса ба фаъолият машғул буданд. Аз шумораи умумии ҳунармандон 11 нафар тибқи шартномаи меҳнатӣ ҳамчун коргар дар тарабхонаи мазкур ба расмият дароварда шуда, андозҳои онҳо аз ҷониби корфармо пардохт мешаванд. Аммо 3 сароянда ва 4 раққоса бе қайд дар мақомоти андоз ба фаъолият машғул буданд. Дар натиҷа нисбати сароянда - роҳбари гурӯҳи эстрадии «Гулшан» Бахтиёр Иброҳимов барои бе қайд дар мақомоти андоз ба фаъолият машғул шудан ба маблағи 1500 сомонӣ протоколи маъмурӣ тартиб дода шуд. Бояд қайд намуд, ки сароянда Бахтиёр Иброҳимов фаъолияти соҳибкории худро аз рӯи патент 30 декабри соли 2017 қатъ намудааст, аммо ҳар шомгоҳ дар тарабхонаи мазкур ҳунарнамоӣ намуда, даромади муайян ба даст меорад.
Инчунин, дар тарабхонаи зикргардида Қурбонова Ширин ва Шарифова Сайёра ба фаъолияти сарояндагӣ ва Иброҳимова Нилуфар, Табарова Моҳира, Устоҷонова Даря ва Ҷӯраева Зебо бе қайд дар мақомоти андоз ба фаъолияти соҳибкории ғайриқонунӣ машғул мебошанд. Тибқи талаботи Кодекси ҳуқуқвайронкунии маъмурии Ҷумҳурии Тоҷикистон, нисбати онҳо ҷамъ ба маблағи 7500 сомонӣ протоколҳои маъмурӣ тартиб дода, барои шаффоф фаъолият намудан ва дар қайди мақомоти андоз гузоштани фаъолияташон корҳои фаҳмондадиҳӣ гузаронда шуд.
Дар тарабхонаҳои «Дидор»,  «Шаҳрисабз», «Осмон», «Яккачинор», «Миленниум», «Сурхоб», «Арбат», «Ҷавонӣ», «Бухоро», «Шарбат», «9 ВАЛ», «Шен Гентсвале» ва «Перевал охотника» низ чунин қонуншиканиҳо муайян ва ошкор гардида, 13 нафар барои ба соҳибкории ғайриқонунӣ машғул гардидан ба маблағи зиёда аз 130 ҳазор сомонӣ ҷарима баста шуданд.
С. Исоев, гуфт, ки қисми зиёди сарояндагон бо баҳонаҳои фаъолият кардан дар муассисаҳои давлатии фарҳангӣ ва ғайра аз гирифтани ҳуҷҷатҳои соҳибкорӣ худдорӣ менамоянд, ки ин амал аз маърифати пасти андозсупории онҳо дарак медиҳад. Набояд фаромӯш кард, ки андозсупорӣ ҷузъи таркибии фарҳанги шаҳрвандӣ дар ҷомеаи мутамаддин аст.
Шаҳбоз АБРОР, «Ҷумҳурият»


Баёни ақида (0)    Санаи нашр: 05.09.2018    №: 175    Мутолиа карданд: 295

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед