logo

иқтисод

СУҒД. НАХУСТАНҶУМАНИ СОҲИБКОРОНИ БУРУНМАРЗӢ

Даъватҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар иртибот ба ҷалби  ҳамватанони бурунмарзӣ ҷиҳати ободонии кишвар ва бунёди иншооти гуногуни дорои аҳамияти иқтисодиву иҷтимоӣ аз ҷониби аҳли ҷомеа, хусусан соҳибкорони бурунмарзӣ, ҳамаҷониба дастгирӣ меёбад. Дар ҳамин радиф, дар арафаи таҷлили Ҷашни Истиқлолияти давлатии Тоҷикистон дар шаҳри Гулистон Анҷумани нахустини соҳибкорони бурунмарзӣ - зодагони  шаҳру навоҳии вилояти Суғд, ки дар манотиқи гуногуни кишварҳои Русия, Қазоқистон ва Ӯзбекистон ба фаъолияти соҳибкорӣ машғуланд, доир гардид.
Давлаталӣ   Саид,  муовини  аввали   Сарвазири мамлакат,   ширкатдорони Анҷумани нахустини  соҳибкорони  бурунмарзиро  аз  номи  Сарвари давлат ва Ҳукумати Ҷумҳурии Тоҷикистон  ба ин ҳамоиш хайрамақдам гуфта, зикр кард, ки мардуми Тоҷикистон 27 - солагии соҳибистиқлолии кишвари худро дар ҳамаи самтҳои хоҷагии халқ бо дастовардҳои шоиста истиқбол мегирад. Талошу заҳматҳои ҳамарӯзаи Сарвари давлат ҷиҳати гузоштани заминаи мустаҳкам ва боэътимоди рушд дар ҳамаи самтҳои хоҷагии халқ самари нек мебахшанд. Бо ҳаллу фасли мубрамтарин масоили иқтисодиву иҷтимоӣ дар солҳои охир  имрӯз дар кишвар марҳилаи нави рушди босуръати иқтисодиву иҷтимоӣ оғоз гардида, барои таъмини зиндагии шоистаи мардум шароити созгор фароҳам омадааст. Барои комёб шудан дар ин марҳилаи рушд сарҷамъии соҳибкорони ватаниву бурунмарзӣ нақши муассир дорад. Тавре таҷрибаи Туркия, Арманистон, Ӯзбекистон ва кишварҳои дигар оид ба ҷалби сармояи моливу зеҳнии ҳамватанони бурунмарзӣ собит месозад,  чунин иқдом аз ҷумлаи беҳтарин омилу роҳҳост ҷиҳати ободию шукуфоии кишвар ва расидан ба рушди воқеии иқтисодиёт.
- Татбиқи муваффақонаи дастуру супоришҳои Пешвои муаззами миллат оид ба ҷалби сармояи хориҷии ҳамватанони бурунмарзӣ аз бисёр ҷиҳат ба чашмикордонӣ, ҳисси баланди масъулиятшиносию ватандории роҳбарони мақомоти иҷроияи ҳокимияти давлатии вилоятҳо ва шаҳру  навоҳӣ робитаи зич дорад, - таъкид кард муовини аввали Сарвазир. Барои бе ягон мушкилӣ, монеа ва расмиятчигии аз меъёр зиёд дар корҳои ободонӣ, бунёди иншооти гуногуни иқтисодиву иҷтимоӣ, фарҳангӣ ва варзишӣ  фаъолона ширкат намудани соҳибкорони бурунмарзӣ заминаҳои устувори меъёрию ҳуқуқӣ фароҳам оварда шудаанд.
- Бахшида ба 30 - солагии Истиқлолияти давлатии Тоҷикистон дар қаламрави вилоят 1300 рӯзи ободонӣ эълон шудааст. Дар ин радиф мо тасмим гирифтаем, ки барои боз ҳам  рангину гуворотар шудани зиндагии мардуми диёр 1300 иншооти дорои аҳамияти иқтисодиву иҷтимоӣ, фарҳангӣ ва варзишӣ, аз қабили корхонаҳои истеҳсоливу коркарди маҳсулот, ҳаммому кошонаи ҳусн, меҳмонхона, толорҳои варзишиву майдонҳои футбол, мактабу муассисаҳои томактабӣ, кӯдакистон ва муассисаҳои савдову хизматрасонӣ бунёд созем ва насли наврасро дар рӯҳияи ватандориву ватандӯстӣ, ифтихор аз миллату сарзамини аҷдодӣ тарбия намоем. Дар ин ҷода шумо, соҳибкорони бурунмарзӣ, саҳми муносиб ва арзанда гузошта метавонед, - иброз дошт Раҷаббой Аҳмадзода, раиси вилояти Суғд.
Соҳибкорон Самандар Болтабоев аз шаҳри Самара, Абдураззоқ Раззоқов аз шаҳри Чита, Абдусалом Абдулҳамидов аз шаҳри Барнаул, Мухтор Ашӯров аз шаҳри Челябинск, Зиёваддин Ёров аз шаҳри Москва ва Мирзоазиз Усмонов аз Қазоқистон аз иқдоми мақомоти иҷроияи ҳокимияти давлатии вилояти Суғд барои баргузор кардани чунин як ҳамоиши  ҷавобгӯй ба талаботи рӯз изҳори сипос карда, омодагии ҷиддии худро ҷиҳати саҳм гузоштан дар ободонию шукуфоии Тоҷикистон иброз доштанд.
Мазмуну мундариҷаи суханронии ҳамаи соҳибкорони бурунмарзӣ саршор аз меҳру муҳаббат ба Ватани аҷдодӣ ва омодагӣ ҷиҳати ҳиссагузорӣ дар пешрафту гулгулшукуфии Тоҷикистон буд.
Ҷовиди АШТӢ, “Ҷумҳурият” 


Баёни ақида (0)    Санаи нашр: 14.09.2018    №: 181    Мутолиа карданд: 236

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал

ХАТЛОН. Таъсиси 31 корхона дар 6 моҳ

МАРКАЗИ ТАДҚИҚОТИ СТРАТЕГӢ. Ҳамкориҳо самар медиҳанд

"ТОҶИК ЭЙР". Парвозҳо аз нав шурӯъ гаштанд

Таъсиси 26 ширкати сайёҳӣ дар ним сол

ДДК. Шумораи омӯзгорони унвондор меафзояд

Ҷаҳон дар як сатр

ВАЗОРАТИ МЕҲНАТ, МУҲОҶИРАТ ВА ШУҒЛИ АҲОЛӢ. Музди миёнаи меҳнат – 1350 сомонӣ

ТИББИ ОИЛАВӢ МУҲИМТАРИН РУКНИ ТАНДУРУСТӢ


Дар сомонаҳои дигари Тоҷикистон хонед