logo

суханрониҳо

Суханронии Президенти Ҷумҳурии Тоҷикистон муҳтарам Эмомалӣ Раҳмон дар маросими ифтитоҳи Донишгоҳи Осиёи Марказӣ, 14 сентябри соли 2018, шаҳри Хоруғ

Устодону омӯзгорон ва донишҷӯёни азиз!
Меҳмонони арҷманд ва ҳозирини гиромӣ!
Ба фаъолият оғоз кардани боз як муассисаи таҳсилоти олии касбӣ - Донишгоҳи Осиёи Марказиро ба ҳамаи шумо - устодону омӯзгорон, донишҷӯён, меҳмонони гиромӣ, падару модарон ва кулли сокинони мамлакат табрик мегӯям.
Ҳукумати Тоҷикистон, дар давоми солҳои охир, баробари бомаром амалӣ намудани ислоҳоти ҳамаи зинаҳои таҳсилот дар ҷодаи ба меъёрҳои байналмилалӣ мутобиқ гардондани зинаи таҳсилоти олии касбӣ корҳои зиёдеро ба анҷом расондааст.
Бояд гуфт, ки, пеш аз ҳама, ба шарофати соҳибистиқлолӣ имрӯз дар кишвар 43 муассисаи таҳсилоти олии касбӣ фаъолият намуда, барои соҳаҳои мухталифи иқтисоди миллӣ кадрҳои баландихтисос тайёр мекунанд.
Донишгоҳи Осиёи Марказӣ дар шаҳри Хоруғ, ки имрӯз фаъолияти худро дар асоси барномаҳои байналмилалӣ оғоз мекунад, саҳифаи нав дар низоми таҳсилоти олии касбии мамлакат мебошад.
Ба хотири тарбияи кадрҳои ба талаботи меъёрҳои ҷаҳонӣ ҷавобгӯ, Ҳукумати мамлакат як силсила чорабиниҳоро амалӣ намуда, дар ин замина Маркази барномаҳои байналмилалӣ ва стипендияи Президенти Ҷумҳурии Тоҷикистон - «Дурахшандагон»-ро таъсис додааст, ки бо истифода аз ин имкониятҳо ҳар сол ҷавонони болаёқати кишвар барои таҳсил ба муассисаҳои бонуфузи кишварҳои хориҷӣ фиристода мешаванд.
Ҳозирини гиромӣ!
Ҷумҳурии Тоҷикистон ҷиҳати таҳкими заминаҳои моддиву техникии зинаҳои гуногуни таҳсилоти кишвар ва, дар навбати аввал, муассисаҳои таҳсилоти олӣ ҳамкориҳои бисёрҷонибаро бо шарикони рушд ба роҳ мондааст. Дар заминаи ҳамин ҳамкориҳо, бо мақсади таъсис додани Донишгоҳи Осиёи Марказӣ, моҳи августи соли 2000 - ум якҷо бо ҷумҳуриҳои Қирғизистон, Қазоқистон ва Имомати Исмоилиён шартнома ба имзо расонда шуд.
Дар асоси шартномаи мазкур дар як муддати кӯтоҳ корҳои сохтмони донишгоҳ ба анҷом расонда шуданд ва муассисаи навбунёд имрӯз дар ҳузури шумо ифтитоҳ гардид.
Ташаббускори амалишавии ин лоиҳаи маърифатӣ Ҳукумати Ҷумҳурии Тоҷикистон буда, пеш аз ҳама, мо бунёди чунин як муассисаи байналмилалиро якҷо бо Фонди Оғохон барои кишварҳои Осиёи Марказӣ амри зарурӣ донистем ва онро дастгирӣ кардем.
Бовар дорам, ки фаъолияти муассисаи навтаъсис на танҳо ба нафъи мамлакати мо мебошад, балки барои густариши ҳамкориҳои бисёрҷонибаи кишварҳои минтақа дар соҳаи маориф хизмат хоҳад кард.
Муассисони донишгоҳ кампусҳои муосири таълимиву истиқоматиро дар шаҳрҳои Хоруғи Тоҷикистон, Норини Ҷумҳурии Қирғизистон ва Текеллии Ҷумҳурии Қазоқистон бо тарҳи ягона бунёд кардаанд, ки дар онҳо тамоми шароити зарурӣ барои таҳсилу фароғати устодону донишҷӯён фароҳам оварда шудааст.
Дар айни ҳол шумораи умумии донишҷӯёни Донишгоҳи Осиёи Марказӣ дар шаҳри Хоруғ 150 нафар мебошад, ки онҳо аз Ҷумҳурии Исломии Афғонистон, ҷумҳуриҳои Қазоқистон, Қирғизистон ва Тоҷикистон буда, 55 фоизи онҳоро духтарон ташкил медиҳанд.
Мо имрӯз бо шароити кориву таълимии донишгоҳ шинос шуда, итминон ҳосил намудем, ки дар он заминаи бисёр пешрафтаву муосири таълим муҳайё карда шудааст.
 Донишгоҳ дорои биноҳои таълимии муҷаҳҳаз бо таҷҳизоти муосири таълим, озмоишгоҳи компютерӣ, толори барҳавои истироҳату фароғат, утоқҳои маъмурӣ, китобхона, майдончаҳои гуногуни варзишӣ ва дигар инфрасохтори зарурӣ мебошад.
Дар ин муассисаи таълимӣ аз рӯи ихтисосҳои ҳифзи муҳити зист, истифодаи оқилонаи захираҳои табиӣ ва иқтисодиёти ҷаҳон мутахассисони баландихтисос омода карда мешаванд. Дар донишгоҳ, инчунин, фаъолияти шуъбаи тайёрӣ ба роҳ монда мешавад. Таълим ба забони англисӣ сурат гирифта, ҳайати омӯзгорони донишгоҳ аз Тоҷикистон ва дигар кишварҳои хориҷӣ ҷалб гардидаанд.
 Нақшаҳои таълимии донишгоҳ, тибқи талаботи қонунгузории Тоҷикистон, бо дарназардошти фанҳои ҳатмии миллӣ таҳия гардида, аз ҷониби Вазорати маориф ва илми кишвар тасдиқ карда шудаанд.
Роҳбарият ва устодону омӯзгорони донишгоҳро зарур аст, ки фаъолияти худро дар доираи барнома ва нақшаҳои таълимии аз ҷониби вазорат тасдиқгардида ба роҳ монда, эҳтироми анъанаҳои милливу умумибашариро таъмин созанд ва донишҷӯёнро дар ҳамин рӯҳия тарбия намоянд. Дар оянда дар ин муассисаи таълимӣ намояндагони халқу миллатҳои гуногун аз кишварҳои мухталифи олам ба таҳсил ҷалб мешаванд.
Аз ин рӯ, зарур аст, ки дар баробари ба роҳ мондани таълиму тарбия дар доираи меъёрҳои муассисаҳои таҳсилоти олии касбии байналмилалии пешрафта ва риояи қонунҳои амалкунандаи Ҷумҳурии Тоҷикистон анъанаву суннатҳои неки миллати тоҷик, инчунин урфу одатҳои халқҳои дигар риоя карда шаванд.
Ҳамзамон бо ин, хотирнишон менамоям, ки ба муассисаи байналмилалии имрӯза довталабони беҳтарин аз ҳамаи шаҳру ноҳияҳо қабул карда мешаванд.
Дар донишгоҳ, ҳамчунин, барои ятимони кулл ва маъюбони гурӯҳҳои якуму дуюм, ғолибони олимпиадаҳои байналмилалӣ, минтақавӣ ва ҷумҳуриявӣ имтиёзҳо муқаррар шудаанд.
Донишгоҳ барои гирифтани таҳсилоти ибтидоии касбӣ, яъне омода кардани кадрҳои коргарӣ низ, заминаи хуб фароҳам овардааст. Аллакай, чанд сол аст, ки донишгоҳ аз рӯи якчанд касбҳои коргарӣ кадр омода менамояд. Бовар дорам, ки бо васеъ гардидани имкониятҳои молиявии донишгоҳ номгӯи ихтисосҳои коргарӣ низ бештар мегардад.
Инчунин, хотирнишон месозам, ки баробари ба фаъолият оғоз кардани донишгоҳ даҳҳо нафар шаҳрвандони кишвар, аз ҷумла сокинони маҳаллӣ, бо ҷойи кор таъмин мегарданд.
Дӯстони азиз!
Бо дарназардошти он ки барои кишвари мо таъсиси чунин муассисаи таҳсилоти олии касбӣ таҷрибаи нахустин мебошад, устодону шогирдони ин даргоҳи маърифат масъулияти зиёд доранд. Устодони донишгоҳро зарур аст, ки шогирдонро дар рӯҳияи хислатҳои неки инсонӣ, аз қабили ватандӯстиву инсонпарварӣ, зебоипарастиву меҳнатдӯстӣ, таҳаммулгароӣ ва масъулиятшиносӣ тарбия намоянд. Зеро дар шароити имрӯза риояи ин рукнҳои ахлоқиву маънавӣ беш аз ҳар вақти дигар муҳиму зарур мебошад.
Дар интиҳо, бори дигар, ифтитоҳи Донишгоҳи Осиёи Марказиро дар шаҳри Хоруғ ба устодону омӯзгорон, донишҷӯёни ин муассисаи навбунёд ва тамоми кормандони соҳаи маорифи кишвар табрик гуфта, ба ҳар яки шумо саломатӣ, хушбахтӣ ва барору комёбӣ орзу менамоям.
Ҳамеша сарбаланду муваффақ бошед, дӯстони азиз!


Баёни ақида (0)    Санаи нашр: 17.09.2018    №: 182-183    Мутолиа карданд: 663
10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД

ДУШАНБЕ. ТАҲТИ РАЁСАТИ АЗИМ ИБРОҲИМ ҶАЛАСАИ КОРӢ БАРГУЗОР ШУД

ШАҲРИ ТУРСУНЗОДА. КОРҲОИ ФАҲМОНДАДИҲӢ САМАР ДОРАНД

«ОВОЗИ САМАРҚАНД» КИТОБҲОИ ХУДРО РӮНАМОӢ КАРД

ВАНҶ. ОБ АСТ, КИ ОБОДИСТ

ТАБИБОНИ ЛАХШ: «ҒАМХОРИҲОИ ПЕШВОИ МИЛЛАТ БА МО НЕРУ МЕБАХШАД»

ФУТЗАЛ. БОЗИИ СУПЕРҶОМИ ТОҶИКИСТОН – 2020 КАЙ БАРГУЗОР МЕГАРДАД?

ТАЪКИДИ СИ ҶИНПИН АЗ ЗАРУРАТИ ҲАМКОРИИ ГУСТУРДАИ ЧИНУ РОССИЯ

ҶАҲОН ДАР ЯК САТР

08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"


Дар сомонаҳои дигари Тоҷикистон хонед