logo

иҷтимоиёт

РӮЗГОРЕ БАРОИ ИБРАТ

Давлат Гадоев, котиби Президиуми Совети Олии Республикаи Советии Сотсиалистии Тоҷикистон, дар 5 даъват вакили мардумӣ дар порлумони кишвар, 57 сол умр дид. Соли 1978 бар асари беморӣ аз дунё даргузашт. Даргузашт, аммо аз дилҳои мардум, зеҳну хотираҳои онҳо нарафт. Ҳамчунон, бо он муҳаббату садоқату самимияте, ки нисбати онҳо дошт, монд, ки монд. Ба ҳеҷ рӯзгоре маҳбубияташ андаке ҳам кам нагардид. Баръакс, дар борааш мегуфтанду мегӯянд, менавиштанду менависанд. Ин ҳама на танҳо ба хотири поси заҳмату меҳру адолатҷӯияш ҳаст, балки барои тарбияи наслҳо мебошад. Бо зикри бисёр лаҳзаҳои ибратомӯзаш, бешак, накукорӣ, ватандӯстӣ, мушкилнописандӣ ва бисёр дигар хислатҳои ҳамидаро тарғиб мекарданду мекунанд.
Дар пойтахти кишвар - шаҳри Душанбе кӯчаеро ба номаш гузоштанд.
Муассисаи таҳсилоти миёнаи умумии № 33 – и ноҳияи Ховалинг ё худ зодгоҳаш чанде пеш номи ӯро гирифт. Ба ин муносибат дар муассисаи мазкур ҷашни бошкӯҳ баргузор гардид. Адибон Абдулҳамид Самад, Раҷаб Мардон, Садриддин Ҳасанзода, Ёқуб  Ҳикматуллоев дар ин чорабинӣ аз хизматҳои шоён, хислатҳои ҳамидаи Давлат Гадоев ёдовар шуданд. Инчунин, ба китобхонаи ин муассисаи таълимӣ аз китобҳои худ ва дигар адибону адабиётшиносон тақдим намуданд.
Муҳаққиқон Амир Сайиди Мункӣ ва Азизулло Мирзозода китобе бо номи «Сарбаланде аз Баландсар» - ро таълиф карданд. Китоб фарогири фаъолияти пурсамар ва чашмраси ин арбоби сиёсиву вакили мардумӣ аст.
Албатта, ӯ то расидан ба ин пояи баланд бас роҳҳои ноҳамворро тай кард. Дониш андӯхту таҷрибаи кору рӯзгор. Ва пеши ҳеҷ мушкилие сар нафаровард. Ноумедӣ дар лаҳзаҳои бас вазнини ҳаёташ натавонист ба вуҷуди ӯ роҳ биёбад. Баръакс, бас пардаи асрорро барои худ ва ҷомеа кушод.
Асадулло Сӯфизода, номзади илми филология, фолклоршинос, ёдовар мешавад, ки ӯ дар фаҳмиши илми мардумшиносӣ камназир буд ва суханашро бо назми баланду панду зарбулмасалҳо зинат медоду тақвият мебахшид. Устодон Мирзо Турсунзода, Боқӣ Раҳимзода, Мирсаид Миршакар, Саидалӣ Вализода аз дӯстону иштирокдорони ин гуна маҳфилҳо маҳсуб мешуданд.
Низорамоҳ Зарифова, ходими сиёсӣ, зикр мекунад, ки Давлат Гадоев дар вазифаи котиби Президиуми Совети Олии РСС Тоҷикистон 23 сол, то охири умр, бо се раис: Мирзо Раҳматов, Назаршо Додхудоев ва Маҳмадулло Холов кор кард. Ҳамаи онҳо Давлат Гадоевро ба хотири донишу кордонӣ, нексириштиву доштани беҳтарин хислатҳои инсонӣ дӯст медоштанд. Сарварони вақти давлат Бобоҷон Ғафуров, Турсун Улҷабоев, Ҷаббор Расулов аз фаъолияташ қаноатманд буданду дар борааш суханони нек мегуфтанд ва тавсифаш менамуданд. Инчунин, изҳор медоштанд, ки кору рӯзгораш  ибратбахшу ибратомӯз аст.
Хидматҳои Давлат Гадоевро, аз ҷумла бо ду ордени «Байрақи сурхи меҳнат» (соли 1957 барои  дастовардҳо дар соҳаи пахтакорӣ, соли 1976 барои ба даст овардани муваффақиятҳо дар омӯзиш ва тарбияи ҷавонон дар рӯҳияи ватандӯстӣ), медали «Барои шарафи меҳнатӣ», медали ҷашни «30 – солагии Ғалаба ба иштирокчии фронти меҳнат" ва медали Намоишгоҳи комёбиҳои хоҷагии халқи ИҶШС қадр намуданд. Дар баробари ин, албатта, мукофоти дигар маҳбубияту эҳтироми мардум маҳсуб мешавад.
Воқеан, шахсиятҳои барҷаста ва ҷонфидоиёни кишвару  дӯстдорони миллат, аз қабили Давлат Гадоев бо хидматҳои мондагор, ёди нек пас аз маргашон низ дар тарбияи наслҳои баъдӣ ҳамеша саҳм мегиранд. Аз ин рӯ, онҳо дар шумори зиндагонианд.
Абдулқодири РАҲИМ,
«Ҷумҳурият»


Баёни ақида (0)    Санаи нашр: 18.09.2018    №: 184    Мутолиа карданд: 178

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад


Дар сомонаҳои дигари Тоҷикистон хонед