logo

фарҳанг

РӮЗИ РӮДАКӢ - РАМЗИ ҶОВИДОНАИ МИЛЛАТИ ФАРҲАНГСОЗИ ТОҶИК

Ҳамасола 22 сентябр дар саросари мамлакат ҳамчун Рӯзи Рӯдакӣ таҷлил мешавад. Рӯзи Иқбол дар Покистон, рӯзи Навоӣ дар Ӯзбекистон, рӯзҳои Саъдиву Ҳофиз дар Эрон ва рӯзи Такур дар Ҳиндустон гувоҳи онанд, ки ин халқҳову кишварҳо ба гузаштаи худ эҳтиром гузошта, пос доштани номи адибону олимони шинохтаи хешро вазифаи муқаддас ҳисобидаанд. Рӯзи Рӯдакӣ ҳам бозгӯи он аст, ки мардуми тоҷик ба Одамушшуаро эҳтироми хосса дошта, панду андарзҳои ӯро дастурамали зиндагии худ қарор додааст.
Панду андарзҳои шоир хеле дилкашу гуворо буда, аз мутолиаи он наметавон дил канд. Абёти панду ахлоқии устод Рӯдакист, ки моро ба ҷавонмардиву ростқавлӣ, илмандӯзиву фарҳангдӯстӣ даъват менамояд ва дар замирамон  некиву накукорӣ ва муҳаббату садоқатро мепарварад.
Имрӯз моро аз ҳарвақта дида бештар зарур аст, ки осори ин абармарди фарҳанги миллатро омӯхта, нисбат ба рӯзгор ва осори ӯ маълумоти кофӣ пайдо намоем, аз таърихи пуршебу фарози халқи худ сабақ омӯзем. Устод  Рӯдакӣ адабиёти моро чунон бунёд ниҳод, то ба рағми ҳама гирдоби воқеаҳои  пурпечутоби  таърих  пойдор бимонад ва бо ҳиммату истеъдоди ворисони  сазовор боз ҳам  муҳташаму тавоно гардад. Имрӯз ҳам шеъри волову сухани миллатсози устод Рӯдакӣ ба рамзи фарҳанги оламгири тоҷик ва хирадмандиву созандагиву накукорӣ табдил ёфта, дар шинохт ва беҳбуди  асолати миллӣ нақши муҳим мегузорад. Фарзандони мо бо шеъри ӯ дарси маърифату одамгарӣ, хираду садоқат, муҳаббат ба Ватан ва парастиши онро меомӯзанд. 
Хушбахтона, дар таълимгоҳҳои мамлакат рӯзгор ва осори устод  Рӯдакӣ ба таври густурда ва амиқ омӯхта мешавад. Аз ҷониби нашриёти мухталиф китобҳои ашъораш пайваста бо тадқиқоту рисолаҳои илмӣ ба нашр мерасанд. Дар Тоҷикистон даҳҳо идораву иншоот, хиёбону созмонҳо ба номи устод Рӯдакӣ гузошта шудаанд. Зиёда аз 200 сол аст, ки донишмандони  Ғарбу Шарқ ба ҷустуҷӯ, таҳлилу тафсир ва ҷамъоварии ашъори Рӯдакӣ машғуланд.
Бахшида ба гиромидошти шоир «Бунёди Рӯдакӣ» таъсис ёфтааст, ки дар аксари кишварҳои олам фаъолият дорад. Мақоми Рӯдакӣ дар шеъру адаби форсӣ то ба ҷоест, ки дигар шоирон ва бузургон бартарӣ ва баландии мақоми ӯро дар шеъру шоирӣ сутуда, ӯро султони шоирони ҷаҳон номидаанд.
Дар зодгоҳи шоир – шаҳри Панҷакент низ ҳар сол  рӯдакихонӣ ташкил  мешавад, ки дар он тамоми хонандагону донишҷуёни муассисаҳои таълимии шаҳр ҷамъ мешаванд. Дар саҳни Осорхонаи ҷумҳуриявии таърихию кишваршиносии  ба номи Рӯдакӣ ҷамъомади аҳли зиёи шаҳр барпо мегардад.
Рӯзи Рӯдакӣ ба ташаккули ҳисси ифтихори миллию ватанпарастии наслҳои имрӯзаву оянда неру мебахшад ва масъулияти онҳоро дар рушду нумуи Тоҷикистон меафзояд.
Фирӯза РУҲУЛОВА,
корманди илмии Осорхонаи  ба номи Рӯдакӣ


Баёни ақида (0)    Санаи нашр: 19.09.2018    №: 185    Мутолиа карданд: 183

14.12.2018


Масъалаи густариши ҳамкориҳо матраҳ гашт

Баргузории ҷаласаи Шӯро оид ба шарикии давлат ва бахши хусусӣ

Машварати сиёсии Тоҷикистону Олмон

Лукашенко: «Бозори Россия барои Беларус якумрӣ кифоят мекунад»

Вазири олмонӣ таҳримоти нави зиддирусиро нахост

Дар Сурия беш аз 30 ҳазор манзилро барқарор намуданд

Таҷлили 90-солагии нависандаи зиндаёд Чингиз Айтматов дар Қирғизистон

Ҷаҳон дар як сатр

Як вохӯрии муҳим

13.12.2018


Иштироки Азим Иброҳим дар Форуми ҳамкории Чин ва Осиёи Марказӣ

Шаҳри Душанбе бо музофоти Хайнан бародаршаҳр гардид

Вохӯрии Заробиддин Қосимӣ бо Абдулазиз ибни Абдулкарим ал-Исӣ

Мадуро вохӯриашро бо Путин таърихӣ унвон кард

Қазоқистон 50 номгӯи маҳсулотро ба содирот баровард

Дабири кулли СММ: «Лағви шартномаи Париж «худкушист»

Голикова: «Собиқадорони Ҷанги Бузурги Ватанӣ ҳамагӣ 1,4 миллион нафар мондаанд»

Дар Қирғизистон домоди қотил 20 сол зиндонӣ шуд

Ҷаҳон дар як сатр

12.12.2018


Мулоқоти Низомиддин Зоҳидӣ бо Лю Бин

Таҳкими ҳамкориҳо бо Бонки аврупоии таҷдид ва рушд

Таъсиси шӯрои рушди маориф

Қазоқистон калонтарин дар ИДМ неругоҳи барқи офтобиро ба кор даровард

Дар Қирғизистон ба волидони кӯдакони маъюб маош таъйин мекунанд

Чин ваъдаи кам кардани боҷ ба автомобилҳои амрикоиро баҷо меорад

Ҷаҳон дар як сатр

ГӮШТӢ. Тоҷикистон 6 медали тилло ба даст овард

РОҲ БА СӮИ ТОКИО. Ҷаласаи машваратӣ бо федератсияҳои варзишӣ

ХУҶАНД. Бунёди 5 иншооти нав

МУЪМИНОБОД. "Якарча" ба кор даромад

СММ: “Аз коррупсия иқтисоди ҷаҳонӣ соле 2,6 триллион доллар талаф медиҳад”

Дар Стокголм ҷоизаҳои Нобел барои соли 2018 супурда шуданд

Катрунгалос: «Муносиботи мо бо Россия самимитар гашт»

Дар Қазоқистон нархи яклухти барқ ва газро паст мекунанд

Ҷаҳон дар як сатр


Дар сомонаҳои дигари Тоҷикистон хонед