logo

суханрониҳо

Суханронии Эмомалӣ Раҳмон, Президенти Ҷумҳурии Тоҷикистон, дар мулоқот бо роҳбарони ҳайатҳои прокуратураҳои генералӣ - иштирокдорони ҷаласаи 28-уми Шӯрои ҳамоҳангсози давлатҳои аъзои Иттиҳоди Давлатҳои Мустақил ва ҷаласаи 16-уми прокуророни генералии кишварҳои аъзои Созмони ҳамкории Шанхай, шаҳри Душанбе, 20 сентябри соли 2018

Муҳтарам роҳбарони ҳайатҳо!
Меҳмонони азиз!
Пеш аз ҳама, мехоҳам шуморо ба пойтахти Тоҷикистон хайрамақдам гӯям ва ба кори ҳамоиши дарпешистода ба шумо муваффақият таманно намоям.
Прокуратура яке аз сохторҳои муҳими дастгоҳи давлатӣ ва ҷомеаи ҳуқуқбунёд мебошад. Дар назди он вазифаҳои бағоят мураккабу масъул дар самти таъмини волоияти қонун ва тартибот, ҳифзи ҳуқуқу озодиҳои конститутсионии инсон, арзишҳои демократӣ, дар маҷмӯъ манфиатҳои давлат ва ҷомеа меистанд.
Дар ин қатор масъалаҳои мубориза бар зидди ҷинояткорӣ, аз ҷумла бо шаклҳои фаромиллӣ ва муташаккили он, мавқеи хосро ишғол менамоянд. Аз ин рӯ, таъмини ҳимояи боэътимоди давлатҳои мо ва шаҳрвандони онҳо аз намудҳои гуногуни суиқасди ҷинояткорона аз самаранокии фаъолияти муштараки шумо дар сатҳҳои зарурӣ вобаста аст.
Фикр мекунам, ки мулоқотҳои имрӯзаи шумо имконияти хубе барои хулосагирӣ аз таҷрибаи мусбати мутақобилаи ҳамгироӣ ва муайян намудани самтҳои нави кӯшишҳои муштарак ҷиҳати тақвият додани қонуният, амният ва субот дар кишварҳои мо мегардад.
Ҷаласаи шумо дар давраи душвор, ки вазъ дар ҷаҳон босуръат тағйир меёбад, доир мегардад. Дар минтақаҳои мухталифи ҷаҳон вазъ торафт пуршиддат гардида, таҳдидҳо ба амният дар миқёси ҷаҳон ва минтақа меафзоянд. Омилҳои алоқаманд бо терроризм, зуҳуроти зӯроварии экстремизм, радикализми динию сиёсӣ ва амалҳои тахрибкоронаи дигар ва ҳаракатҳои иртиҷоӣ дар минтақаҳои гуногуни сайёра оқибатҳои фоҷиаангез ба бор меоранд.
Тавре маълум аст, Тоҷикистон ҳанӯз дар оғози соҳибистиқлолии худ тамоми сангинии ин зуҳуроти хатарнокро санҷид. Он замон мо ҳамаи зуҳуроти даҳшатангезеро, ки имрӯз дар Сурия, Яман, Ироқ ва Афғонистон ба чашм мерасанд, аз сар гузарондем.
Дар натиҷаи бесарусомонӣ ва ҷанги шаҳрвандӣ, ки аз ҷониби неруҳои муайяни берунӣ дастгирӣ меёфтанд, садҳо ҳазор нафар ҳалок гардиданд, беш аз як миллион мардуми осоиштаи кишвар хонаҳои худро аз даст дода, гуреза шуданд. Хисороти умумӣ бар асари ин бархӯрдҳо беш аз 10 миллиард доллари амрикоиро ташкил дод.
Ҳодисаҳои фоҷиабори солҳои охир ба таври возеҳ нишон медиҳанд, ки қувваҳои радикалӣ ва террористӣ аз ниятҳои нопоки худ нагаштаанд ва минбаъд низ фаъолиятҳои тахрибкоронаи худро дар минтақаи мо афзоиш доданианд. Далели равшани ин ҳамлаи мусаллаҳонаи террористон ба сайёҳони хориҷӣ дар охири моҳи июли соли ҷорӣ дар ҷануби Тоҷикистон мебошад. Дар ин замина, мехоҳам махсус таъкид намоям, ки ба даст овардани муваффақият дар мубориза  бар  зидди  таҳдидҳои  глобалӣ  ба  амният  ҳамоҳангии  фаъолияти ҷомеаи байналмилалӣ ва азми қатъии давлатҳоро тақозо мекунад.
Омили муҳими самаранокии кӯшишҳои мо дар ин ҷабҳа таҳия ва қабули муносибати ягона ба мафҳумҳои «терроризм ва экстремизм» мебошад. Он ки ҳамдигарфаҳмии мутақобилаи ҳамаҷониба дар ин масъала дар сатҳи Иттиҳоди Давлатҳои Мустақил ва Созмони ҳамкории Шанхай мавҷуд аст, боиси хушҳолист.
Дар айни замон, дар сатҳи байналмилалӣ, мутаассифона, то имрӯз дар муайян намудани моҳияти терроризму экстремизм муносибати ягона мавҷуд нест. Дар баробари ин, таҷриба нишон медиҳад, ки муборизаи самарабахш бо ин таҳдидҳо ба сиёсати «стандартҳои дугона» номутобиқ аст.
Бо дарназардошти ин омил, гурӯҳҳои мухталифи радикалии дорои хусусияти террористию экстремистӣ аз ташкилотҳо ва ҷонибҳои алоҳидаи сиёсию иттилоотӣ, молиявӣ ва ҳомиёни онҳо истифода мебаранд.
Гардиши ғайриқонунии маводи мухаддир ҳамчун яке аз манбаъҳои дастгирии молиявии терроризми байналмилалӣ як мушкилоти дигари миқёси ҷаҳонӣ мебошад.
Тоҷикистон, ки бо Афғонистон қариб ҳазору панҷсад километр сарҳад дорад, ҳамчун сипар дар роҳи интиқоли маводи мухаддир ба қаламрави ИДМ ва минтақаи масъули СҲШ хидмат мекунад. Бо дарки дараҷаи ҷиддияти мушкилоти мазкур мо ҳамаи чораҳои имконпазирро барои мубориза бо ин таҳдиди хатарнок меандешем.
Танҳо дар соли гузашта бо талошҳои мақомоти ҳифзи ҳуқуқи Ҷумҳурии Тоҷикистон тақрибан чору ним тонна маводи мухаддир аз гардиши ғайриқонунӣ гирифта шуд. Фаъолияти тақрибан 140 гурӯҳ, аз ҷумла 7 гурӯҳи муташаккил, ки ба қочоқи маводи мухаддир машғул буд, ошкор ва қатъ карда шуд.
Ноил шудан ба муваффақият дар мубориза бар зидди гардиши ғайриқонунии маводи мухаддир аксаран аз амалҳои муштарак ва ҳамоҳангшуда дар сатҳи минтақавӣ вобаста буда, нақши прокуророн дар ин масъала бағоят муҳим аст.
Дар шароити кунунӣ масъалаи таъмини амнияти иттилоотӣ барои кишварҳои мо аҳамияти махсус дорад. Дар ин самт андешидани тадбирҳои дахлдори қонунии вокуниш ҷиҳати пешгирии ҷойгиркунии маводҳои гуногуни радикалию экстремистӣ дар интернет-сегментҳои миллии кишварҳоямон аз масъалаҳои аввалиндараҷа маҳсуб меёбад. Ҳамзамон, пайгирӣ ва пешгирии ҳама гуна зуҳуроти дар кишварҳои мо паҳнкунандаи ғояҳои гуногуни динии радикалӣ, аз ҷумла тавассути шабакаҳои иҷтимоӣ ва дигар воситаҳои алоқаи электронӣ, зарур аст.
Кӯшиши таъсиси ҳизбҳо ва ҳаракатҳои ғайриқонунии дорои хусусияти экстремистӣ дар назди мо ҳамин гуна масъала мегузорад.
Пӯшида нест, ки гурӯҳҳои гуногуни экстремистӣ ва тамоюлҳо бо истифода аз захираҳои мавҷудаашон, аз ҷумла захираҳои сиёсию иттилоотӣ ва молиявӣ, кӯшиш мекунанд, ки дар минтақа мустақар бошанд.
Дар ин замина, эҳтимоли зиёди ба Ватан баргаштани шаҳрвандони мо, ки ба фаъолияти созмонҳо ва гурӯҳҳои террористӣ дар нуқтаҳои гуногуни «даргир» ҷалб гардидаанд, боқӣ мемонад.
Қисми зиёди сохторҳои шумо мақомоти ваколатдори марказии мамлакатҳои худ оид ба расондани кумаки ҳуқуқӣ дар масъалаҳои ҷиноӣ, шаҳрвандӣ ва оилавӣ, инчунин, дар масъалаи дастгир ва истирдод намудани шахсони дар кофтуковбуда мебошанд.
Дар робита ба ин, масъалаҳои эҳтироми мутақобилаи қарорҳое, ки аз тарафи ҷонибҳо оид ба дастгир ва супурдани ҷинояткорон барои ба ҷавобгарӣ кашидан қабул мешаванд, муҳим мебошанд.
Муҳтарам роҳбарони ҳайатҳо!
Тамоюлҳои манфӣ дар рушди вазъи байналмилалӣ ба фазои ИДМ, СҲШ ва атрофи онҳо таъсири бевосита доранд. Дар ин замина, «омили Афғонистон» дар назди мо вазифаҳои иловагии умумӣ мегузорад.
Якбора бад шудани вазъи ҳарбию сиёсӣ дар ин кишвари ба мо ҳамсоя боиси нигаронии махсусамон мегардад. Комилан аён аст, ки барқарорсозии сулҳу субот дар Афғонистон омили асосии таъмини амнияти кишварҳои минтақа мебошад.
Муҳтарам иштирокдорони мулоқот!
Воқеиятҳои рӯзҳои мо нишон медиҳанд, ки ҳеҷ як давлати дунё, новобаста аз шакли ҳокимият ва иқтидори иқтисодӣ, ҳарбию сиёсӣ, аз амалҳои ҷиноии террористон ва зуҳуроти хушунатомези ифротгароён эмин нест.
Дар ин шароит ҳамкории мақомоти ҳифзи ҳуқуқ, аз ҷумла мақомоти прокуратура, хусусияти комилан муҳим касб мекунад ва дар самти мубориза бар зидди ҷинояткории муташаккили фаромиллӣ давлатҳои мо иттифоқчии табиӣ мебошанд.
Густариши миқёси фаъолияти қувваҳои терроризм, экстремизм, радикализми динӣ, гардиши ғайриқонунии маводи мухаддир ва силоҳ, киберҷиноят ва дигар зуҳуроти хавфноки рӯзҳои мо таҳкими ҳамгироии мутақобиларо дар таъмини амният ва суботи муштарак тақозо мекунад.
Муттаҳид намудани талошҳо дар ин самт аз авлавиятҳои фаъолияти минбаъдаи муштараки мост. Пеш аз ҳама, тақвияти ҳамоҳангсозии фаъолияти хадамоти амниятӣ ва мақомоти ҳифзи ҳуқуқи кишварҳоямонро дар сатҳи минтақавӣ ва байналмилалӣ, аз ҷумла дар доираи ИДМ ва СҲШ, бисёр муҳим мешуморем. Дар ин раванд Шӯрои ҳамоҳангсози прокуророни генералии давлатҳои аъзои ИДМ, ки аллакай беш аз 20 сол боз фаъолият дорад, саҳми муҳим гузошт ва гузошта истодааст.
Шӯрои ҳамоҳангсоз, ҳамчун воситаи муҳими ҳамгироии мутақобилаи минтақавии мақомоти прокуратура, дар ин муддат дорои таҷрибаи комил ва бисёр муфиди фаъолияти муштарак гардид.
Ҷаласаҳои прокуророни генералии давлатҳои аъзои СҲШ дар пешбурди муваффақонаи ҳамкории ҳуқуқии кишварҳоямон нақши муҳим мебозанд.
Солҳои охир ҷуғрофияи иштирокдорони ин механизми ҳамгироии мутақобила ба таври назаррас васеъ гардид. Мо иштироки ҳайатҳои Ҳиндустону Покистон, инчунин, намояндагони давлатҳои нозир ва шарикони муколамаи СҲШ - ро дар кори ҷаласаи имрӯзаи прокуророни генералии давлатҳои аъзои СҲШ бо хушнудӣ истиқбол мекунем.
Мутмаинам, ки васеъ гардидани минтақаи фаъолияти Созмон ва ҳайати зерсохторҳои он барои ба сатҳи нав баровардани ҳамкории байни прокурорҳо мусоидат хоҳад кард. Бо таъкиди ҳамоҳангсозии талошҳо барои муқовимат ба ҷинояткорӣ ва дигар таҳдидҳои замони мо, нақши калидии Маркази зиддитеррористии ИДМ ва Сохтори минтақавии зиддитеррористии СҲШ - ро мебояд зикр намуд.
Соли гузашта ман ба узвияти Прокуратураи генералии Тоҷикистон ба Ассотсиатсияи байналмилалии прокуророн – ягона созмони ғайриҳукуматӣ ва махсусгардондашудаи прокуророни ҷаҳон розигӣ додам. Бешубҳа, иштироки роҳбарияти он дар чорабиниҳои имрӯза аз нуқтаи назари расидан ба натиҷаҳои мусбат дар таҳкими ҳамкории байналмилалии ҳуқуқӣ нишонаи нек аст.
Дар ин замина, мехоҳам омодагии доимиамонро барои тақвият ва густариши чунин ҳамкорӣ бо ҳамаи кишварҳои дӯст таъкид намоям. Умедворам, ки аз рӯи натиҷаҳои вохӯриҳои дарпешистодаатон оид ба рушди минбаъдаи ҳамгироии мутақобилаи ҷонибҳо дар самти мубориза бар зидди ҷинояткорӣ ва таъмини қонуният, амният ва субот дар кишварҳоямон қарорҳои муҳим қабул хоҳанд шуд.
Дар фарҷоми суханронии худ бори дигар мехоҳам ба ҳамаи иштирокдорони ҷаласа кори пурсамар ва будубоши хуш дар сарзамини меҳмоннавози Тоҷикистонро таманно намоям.
Ташаккур барои таваҷҷуҳ.


Баёни ақида (0)    Санаи нашр: 21.09.2018    №: 186    Мутолиа карданд: 296

20.05.2019


 "ФОРМУЛА – 55". ЯК ИҚДОМИ НАҶИБ

 ЧЕМПИОНАТИ ҶАҲОН: МУНТАХАБҲОИ ИШТИРОКЧӢ МУАЙЯН ГАРДИДАНД

 ЛИГАИ ОЛӢ. "ИСТИҚЛОЛ" ПЕШСАФИ ЯГОНА

 ДАР НАЗДИ АҲРОМҲОИ МИСР ТАРКИШ БА АМАЛ ОМАД

 ВАКИЛИ РАДАИ ОЛӢ ТАЛАФОТИ УКРАИНАРО АЗ КОҲИШИ СОДИРОТ БА РОССИЯ $80 МИЛЛИАРД ШУМУРД

 ГУФТУШУНИДИ ТИҶОРАТИИ БАЙНИ ИМА ВА ЧИН БОЗДОШТА ШУД

 НАТИҶАИ «ЕВРОВИДЕНИЕ - 2019» - РО МЕТАВОНАНД БЕКОР СОЗАНД

03.05.2019


 ТАВСЕАИ ҲАМКОРИҲОИ СОХТОРҲОИ ГЕОЛОГИИ ТОҶИКИСТОНУ ӮЗБЕ-КИСТОН

 МУЛОҚОТИ ИСМАТУЛЛО НАСРЕДИН БО МЕҲР ХОЛИД

 ФИЛМИ «ТАНГНО» АЗ ҚАЗОН БО ҶОИЗА БАРГАШТ

 ИҶОЗАТНОМА БАРОИ ФАЪОЛИЯТИ ОПЕРАТОРИ НИЗОМИ ПАРДОХТӢ

 ЁВОН. БУНЁДИ 341 ИНШООТ ТО ҶАШНИ ФАРХУНДА

 ВАРЗОБ. ФАРДО АЗ ИМРӮЗ ЗЕБОТАР ХОҲАД ШУД

 ОЛМОН ЗИДДИ ВУРУДИ НИЗОМИЁН БА ВЕНЕСУЭЛА

 ДАР ҲИНДУСТОН АЗ ХАТАРИ ТУНДБОДИ «ФАНИ» БЕШ АЗ 800 ҲАЗОР НАФАР КӮЧОНДА ШУД

 ПАРЛАМЕНТИ ҚИРҒИЗИСТОН КОРКАРДИ КОНҲОИ УРАНРО БОЗДОШТ

 ДАР ТУРКМАНИСТОН НАРХИ ЧИПТАИ ҲАВОПАЙМОҲО ДУ БАРОБАР БОЛО РАФТ

ТУРКИЯ СЕЮМ КИШВАРИ САБЗТАРИНИ ДУНЁ ЭЪТИРОФ ШУД

02.05.2019


 Ҳадияи раиси шаҳр ба ифтихори 74 – умин солгарди Рӯзи Ғалаба

 Мулоқоти Хусрав Нозирӣ бо Муҳаммад ибни Абдураҳмон

 Баррасии фаъолияти ҳуқуқэҷодкунӣ дар кишвар

 ҶОМИ КФО. Пирӯзии «Истиқлол» бар «Дордой»

 Баргузории мизи гирд доир ба дипломатияи мардумӣ дар Тошканд

 Ҷонибҳои тақобули Сурия қисме аз масоили баҳсиро ҳал намуданд

 ЮНИСЕФ: "Беш аз 2 миллион нафар мардуми Ангола аз хушксолӣ дар азоб аст"

Дар Ҷопон давраи нави Рэйва оғоз ёфт

 Ҷаҳон дар як сатр

01.05.2019


Ноболиғони тоҷик ба Ватан баргардонда шуданд

Вохӯрии Сироҷиддин Муҳриддин бо Ҳамад Солим

Рушди иҷтимоиву иқтисодии минтақаҳои кишвар матраҳ гардид

Се собиқадори тоҷик дар паради Ғалаба дар Москва ва Санкт - Петербург ширкат мекунанд

Дар Венесуэла исён зидди ҳукумат бебарор анҷом ёфт

Дар Либия 345 нафар қурбони бархӯрди мусаллаҳона гашт

Истеҳсоли рекордии чой дар Кения


Дар сомонаҳои дигари Тоҷикистон хонед