logo

маориф

БОНУИ ИЛМУ АДАБ

Инсонҳои наҷиб тавоноию бузургиро дар маънавиёт – неруи хираду қудрати тафаккур камолоти ақлониву пирӯзии маънавӣ дарёфтаанд. Адабиётшиноси номвар Матлуба Хоҷаева (Матлубаи Мирзоюнус) дар шумори ҳамин гуна афроди  соҳибсаодате қарор доранд, ки ихлосу садоқат ба суханварӣ  он касро соҳибмактаб намудааст.
Номбурда доктори илмҳои филология, профессори Донишгоҳи давлатии Хуҷанд ба номи академик Бобоҷон Ғафуров буда, бо пажӯҳиши доманадор ва пайкорҳои пурбори илмиашон дар Тоҷикистон ва берун аз кишвар соҳибэҳтиром гардидаанд.
Орзуву нияти дерини муаллима буд, ки дар заминаи факултаи филологияи тоҷик шуъбаи журналистика таъсис ёбад. Ва талошҳои пайваста самар оварда, бо саъйю эҳтимоми ин шахси пуртакопӯ ва навовар соли 1997 дар Донишгоҳи давлатии Хуҷанд шуъбаи журналистика ва назарияи тарҷума кушода шуд. Барои таҳким бахшидани заминаҳои бунёдӣ, таъмини адабиёти дарсӣ, ҳамкорӣ бо нашрияҳои даврӣ, телевизион ва радиои маҳаллӣ заҳматҳои шабонарӯзии устод бесобиқа мебошад. Ҳамин буд, ки бо роҳбарии муаллима студияи радио ва нашрияи махсуси минбари ҷавонон – “Паёми донишҷӯ” таъсис ёфт. Имрӯз бо итминони комил метавон гуфт, ки кафедра дар рушди матбуоти тоҷик дар ҳавзаи вилояти Суғд мактаби бузурги журналистикаро мемонад.
Профессор Матлуба Хоҷаева муаллифи қариб 300 асари илмӣ, илмӣ - оммавӣ ва публитсистӣ мебошанд. Дар дохилу хориҷи кишвар даҳҳо шогирдонашон ба унвонҳои баланди илмӣ расида, дар пештрафти ҷомеа саҳм мегиранд. Хоҷаева дар кишварҳои Русия, Қазоқистон, Эрон, Қирғизистон, Фаронса маърӯзаҳои илмӣ хонда, дар болоравии сатҳи илму маорифи тоҷик ҳиссаи шоиста гузоштаанд.
Маҷмӯаҳои “Дар ҷустуҷӯи ҷони сухан” (1993), рисолаҳои “Масъалаҳои сабкшиносӣ” (1994), “Таҳқиқи услуби осори бадеӣ” (1994), “Пушкин и Восток” (1999), “Голубая родина Фирдуси” (бо ҳаммуаллифии Б. Ҳоҷибоева, 2011), “Адабиёти миллӣ ва муколамаи фарҳангҳо” (2016) ҳамчун асарҳои арзишманд муаррифӣ шудаанд. Ҳамзамон, нақши занони суханвар дар таърихи адабиёт ба сифати силсила китоб таҳти унвони “Хубони порсигӯй” бо номҳои “Сиришке дар лола”, “Шукуфаи андӯҳ”, “Шамъи тироз”, “Ҳамзоди тӯфон” нашр шудаанд. “Девон”-и Моҳшарафхонум мутахаллис ба Мастураи Курдистонӣ бо кӯшиши М. Хоҷаева ба табъ расид.
Боиси тазаккур аст, ки аз соли 2011 бо ташаббуси профессор М. Хоҷаева ва гурӯҳи ҳамкорон дар ДДХ ба номи академик Бобоҷон Ғафуров Институти илмӣ - тадқиқотии илмҳои гуманитарӣ таъсис ёфта, роҳбарии он бар дӯши ин олими пухтакор вогузор шуда буд. Дар ин замина якчанд корҳои арзишманд амалӣ шуданд.
Сурайё ҲАКИМОВА, номзади илмҳои филология,
Ӯғулой ҚОСИДОВА, рӯзноманигор


 


Баёни ақида (0)    Санаи нашр: 25.09.2018    №: 187    Мутолиа карданд: 362

26.01.2020


Тасдиқи рамзи "30 - солагии Истиқлолияти давлатии Ҷумҳурии Тоҷикистон"

Тасдиқи рамзи "Солҳои рушди деҳот, сайёҳӣ ва ҳунарҳои мардумӣ" эълон гардидани солҳои 2019 - 2021

Ноҳияи Дӯстӣ. Қонуншиканиҳо коҳиш меёбанд

ТОҶИКИСТОН ВА ӮЗБЕКИСТОН. Таъсиси корхонаи муштараки истеҳсолӣ

Файзобод. Рӯ ба рушд

ОЗМУНИ ЧИНИИ "ОВОЗИ ТИЛЛОӢ". Ғолибон муайян шуданд

"ҶОМИ РУШД – 2020". Тоҷикистон дар финал

Дар Чин усули табобати коронавирусро пайдо намуданд

Путин вохӯрии панҷ аъзои доимии Шӯрои амнияти СММ - ро пешниҳод намуд

Макрон пешниҳоди Путинро дар бораи вохӯрии кишварҳои аъзои доимии Шӯрои амният хуш пазируфт

Эътилоф амалиёти низомиро дар Ироқ боздошт

Меркел дар Давос бо сарони Ироқ ва Афғонистон вохӯрд

Ҷаҳон дар як сатр

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст

Меркел бо Си Ҷинпин натоиҷи конфронси Берлин оид ба Либияро баррасӣ намуд

Солеҳ ва Трамп масъалаи аз Ироқ баровардани сипоҳи хориҷиро мавриди муҳокима қарор доданд

Котиби давлатии ИМА бори аввал ба Минск меояд

Ба сокинони Ухани бинобар хурӯҷи коронавирус тарки шаҳрро манъ карданд

Ҷаҳон дар як сатр

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад

Барои офаридани ваксинаи русӣ бар зидди коронавируси чинӣ ним сол зарур аст

Дар Лубнон бори нахуст зан вазири мудофиа шуд

Дар Чин собиқ сарвари Интерпол барои пора 13,5 сол паси панҷара меравад

Ҷаҳон дар як сатр

Маъюбон. Махзани ягонаи электронӣ таъсис ёфт

21.01.2020


"ҶОМИ РУШД – 2020". Тоҷикистон тими Исландияро шикаст дод


Дар сомонаҳои дигари Тоҷикистон хонед