logo

сиёсат

ДАРВОЗ. ДАСТОВАРДҲО АЗ БАРАКАТИ ҚУДУМИ ПЕШВОИ МИЛЛАТАНД

Ташрифи  навбатии  Асосгузори  сулҳу  ваҳдати  миллӣ- Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон ба ноҳияи Дарвози Вилояти Мухтори Кӯҳистони Бадахшон ба рӯзҳое рост омад, ки сокинони кишвари азизамон 27-умин солгарди Истиқлолияти давлатиро бо рӯҳу илҳоми тоза ва бо шукргузорӣ аз давлату миллати хеш ботантана ҷашн гирифтанд. 
Воқеан, аз файзи сиёсати  Сарвари давлат дар давраи соҳибистиқлолӣ ба дастовардҳои зиёде ноил гардидем. Бузургтарини онҳо, аз ҷумла пойдор гардидани сулҳу субот ва ваҳдати миллӣ дар кишвар, кушодашавии роҳи Кӯлоб- Қалъаихумб - Хоруғ - Қулма - Қароққурум ва сохтмони ҳазорон километр шоҳроҳҳои замонавии мутобиқ ба стандартҳои байналмилалӣ, сохтмони роҳи оҳани Қӯрғонтеппа - Кӯлоб,  сохтмони нақбҳои Истиқлол, Озодӣ, Хатлон ва Шаҳристон, сохтмони неругоҳҳои барқии обии Сангтӯда -1 ва Сангтӯда - 2, Помир -1, идомаи босуръати неругоҳи азими аср - Роғун кушодашавии даҳҳо донишгоҳу донишкадаҳои нав ва филиалҳои донишгоҳҳои бонуфузи кишварҳои хориҷӣ дар кишвар мебошанд.
Боиси ифтихори ҳар тоҷику тоҷикистонӣ аст, ки пешниҳодҳои Президенти мамлакат аз минбари олии Созмони Милали Муттаҳид дар бораи масъалаҳои ҳалталаби ҷаҳонӣ аз ҷониби ҷомеаи башарӣ дастгирии амиқ пайдо намудаанд.
Аз ҷониби Пешвои муаззами миллат эълон гардидани соли 2018 ҳамчун Соли рушди сайёҳӣ ва ҳунарҳои мардумӣ ба зиёд гардидани шумораи сайёҳон ба кишвар мусоидат намуда, дар ин раванд барои муаррифии таъриху фарҳанги халқи тоҷик дар байни сокинони дигар кишварҳои минтақа ва ҷаҳон, бо шуғл фаро гирифтани шаҳрвандон, беҳтар гардидани сатҳу сифати зиндагии сокинони ҷумҳурӣ ва боло рафтани иқтисодиёти кишвар мусоидат мекунад.
Бешак, ҳамаи ин дастоварду муваффақиятҳо туфайли сиёсати хирадмандонаи Президенти Ҷумҳурии Тоҷикистон муҳтарам Эмомалӣ Раҳмон мебошанд.   
Чуноне ки ҳамагон медонем, ҳар ташрифи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ҳар гӯшаи Ватан ободиву созандагӣ ва шукуфоӣ меорад.
Дар ноҳияи мо низ пас аз ташрифҳои Пешвои миллат созандагию ободкориҳои зиёд рӯйи кор омаданд. Аз ҷумла, сохт-мони бинои шашошёнаи меҳмонхонаи «Карон - Палас», биноҳои филиали «Тоҷиксодиротбонк», комиссариати ҳарбӣ, шуъбаи Агентии мубориза бар зидди маводи нашъаовари назди Президенти Ҷумҳурии Тоҷикистон, бинои чорошёнаи дорои маркази савдо ва хонаҳои истиқоматӣ, бинои панҷошёнаи маркази савдои «Нидо» дар маркази ноҳия, корхонаи «Карон-мармар», бинои бахши ҳифзи муҳити зисти ноҳия ва майдонҳои варзишии мутобиқ ба стандартҳои байналмилалии «Авесто - Арена» дар деҳаи Даштак ва «Карон - Арена», «Ахтари меҳр» дар деҳаи Сағирдашт, корхонаҳои дӯзандагии «Меҳри Модар» дар деҳаи Умарак, толорҳои варзишии замонавӣ дар маркази ноҳия ва деҳаҳои Зинг, Ёгед, Сағирдашт, Қалъаиҳусайн, инчунин, сохтмони садҳо муассисаҳои таълимию тиббӣ ва фарҳангию маишӣ далели ин гуфтаҳост.
Тибқи дастуру супоришҳо ва дастгирии Сарвари давлат имсол дар ноҳия биноҳои мақомоти иҷроияи маҳаллии ҳокимияти давлатӣ, шуъбаи маориф, муассисаҳои таълимии № 8 дар деҳаи Рузвай, №41 дар деҳаи Паткуноб ва боғи хеле зебои Парчам ва Нишони давлатии Ҷумҳурии Тоҷикистон сохта шудаанд. Дар рӯзи ташрифи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ноҳия бо буридани лентаи рамзии онҳо аз ҷониби Сарвари давлат ин иншооти хеле зебову назаррабо ба фаъолият оғоз намуданд. Ин ҳама, албатта, зебоӣ ва шукӯҳи ноҳияро афзуданд.
Мардуми бофарҳанги ноҳияи Дарвоз доимо шукронаи Истиқлолияти давлатӣ ва сулҳу ваҳдати миллиро намуда, сиёсати пешгирифтаи давлат ва Ҳукумати кишварро якдилона дастгирӣ намуда, миннатдории хешро ба Ҷаноби Олӣ муҳтарам Эмомалӣ Раҳмон барои дастгириашон дар ободию шукуфоии диёри зебоманзари Дарвоз баён намуда, ҳамзамон саломатӣ, сарбаландӣ, хушбахтӣ, барори кор ва ободии рӯзгорашонро таманно менамоянд.
АБДУРАҲМОНЗОДА Саидбурҳони Саидраҳмон,
раиси ноҳияи Дарвоз, узви Маҷлиси миллии Маҷлиси Олии Ҷумҳурии Тоҷикистон


 


Баёни ақида (0)    Санаи нашр: 26.09.2018    №: 188    Мутолиа карданд: 198

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед