logo

сиёсат

САУД БИН АБДУЛЛО АЛ МУЪҶАБ: "ТОҶИКИСТОН ЯКЕ АЗ КИШВАРҲОИ ОРОМУ ОСОИШТА ВА ОБОДУ ХУРРАМ ДАР ҶАҲОН АСТ"

Тавре иттилоъ дода будем, 20 сентябри соли равон дар Қасри миллат мулоқоти Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо прокуророни генералии кишварҳои аъзои Иттиҳоди Давлатҳои Мустақил ва Созмони ҳамкории Шанхай баргузор шуд. Прокуророни генералӣ бо ҳадафи ширкат дар кори ҷаласаи 28 - уми Шӯрои ҳамоҳангсозии давлатҳои аъзои ИДМ ва ҷаласаи 16 - уми прокуророни генералии кишварҳои аъзои СҲШ дар шаҳри Душанбе қарор доштанд.
Дар ҷаласаҳо масъалаҳои муборизаи муштарак бар зидди ҷинояткорӣ, таҳдидҳои терроризму экстремизм ва мушкилоти амниятӣ дар сатҳи ҷаҳон ва минтақа мавриди баррасӣ қарор гирифт. Пешгирии гардиши ғайриқонунии маводи мухаддир ва яроқ, таҳкими ҳифзи сарҳади давлатии Тоҷикистон бо Афғонистон, таъмини амнияти иттилоотӣ, мубориза бо ҷинояткории кибернетикӣ ва дигар зуҳуроти барои ҷамъият хавфнок дар меҳвари гуфтугӯҳо қарор доштанд.
Сауд бин Абдулло ал Муъҷаб, Прокурори генералии Шоҳигарии Арабистони Саудӣ, ки ба ҳайси меҳмон дар ҷаласаҳо даъват шуда буд, таассуроташро аз кишвари мо чунин баён намуд, ки фишурдаи он манзури хонанда мегардад:
Шарафмандам, ки бо гурӯҳи кориамон ҷиҳати иштирок дар ҷаласаҳои Шӯрои ҳамоҳангсозии давлатҳои аъзои ИДМ ва прокуророни генералии кишварҳои аъзои СҲШ бо сафари расмӣ ба Ҷумҳурии Тоҷикистон омадем. Мо бо Президе нти Ҷумҳурии Тоҷикистон муҳтарам Эмомалӣ Раҳмон мулоқоти судманду пурарзиш доштем. Ҷаноби Президент прокуратураро яке аз сохторҳои муҳимтарини дастгоҳи давлатӣ ва ҷомеаи қонунӣ арзёбӣ карда, изҳори умед намуданд, ки ҷаласаҳои доиршуда барои табодули таҷриба ва муайян кардани самтҳои нави кӯшишҳои муштарак ҷиҳати тақвияти волоияти қонун, амният ва субот дар кишварҳо имкон фароҳам меорад. Ҷонибдории худро ба ин андешаи Ҷаноби Президент изҳор намуда, гуфтаниям, ки ин мулоқот барои мубодилоти таҷрибаи корӣ дар соҳаи прокуратура муҳим аст. Мамнунам, ки мулоқоти мазкур дар сатҳи олӣ, ҷавобгӯ ба меъёрҳои сатҳи ҷаҳонӣ ташкил ва гузаронда шуд.
Дар хотимаи сафари кориам ба ин кишвари меҳмоннавоз мехоҳам сипоси худро баён намоям. Бо мамнуният ба Президенти Ҷумҳурии Тоҷикистон муҳтарам Эмомалӣ Раҳмон барои ба сатҳи баланд расондани муносибати ҳасана байни Шоҳигарии Арабистони Саудӣ ва Ҷумҳурии Тоҷикистон изҳори сипос менамоям.
Мо дар доираи сафар ба Тоҷикистон аз вилояти Суғд боздид кардем. Дар он ҷо мардуми ҳунарманду бунёдкорро дидем, ки ба ҳунарҳои қадимаи миллии худ арҷ мегузоранд. Ҷойҳои таърихиро тамошо карда, пешравиҳои зиёдеро мушоҳида намудем. Воқеан, сарзамини гуҳарбори тоҷикон, бо обу ҳавои роҳатбахш, дарёву чашмаҳои мусаффо, гиёҳҳои шифобахш, кӯҳҳои сарсабзу қуллаҳои осмонбӯс, роҳҳои мумфаршу обод, боғҳои шаҳдофарин мафтункунанда аст, ки мо шоҳиди ин ҳақиқат будем.   
Воқиф гаштем, ки бо ташаббуси Президенти Ҷумҳурии Тоҷикистон муҳтарам Эмомалӣ Раҳмон соли 2018 дар кишвар Соли рушди сайёҳӣ ва ҳунарҳои мардумӣ эълон гардидааст. Ин ташаббуси хубест, чунки он чизҳое, ки ман дар ин сарзамин дидам, бароям гуворо буд ва аминам, ки меҳмонони ба Тоҷикистон омада танҳо диду хотираҳои нек бо худ мебаранд. Меҳмоннавозии хоси тоҷикона, шаҳрҳои бостонӣ ва ёдгориҳои зиёди таърихӣ аз бузургии ин миллату ин кишвар далолат медиҳанд. Ман Тоҷикистонро дар сатҳи ҷаҳон яке аз кишварҳои орому осоишта ва ободу хуррам мешиносам.
Ҳамеша барои ин кишвари азиз пешравию шукуфоӣ ва ба мардуми шарифаш амониву сарбаландӣ орзумандам.
“Ҷумҳурият”

 

 


Баёни ақида (0)    Санаи нашр: 26.09.2018    №: 188    Мутолиа карданд: 238

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад


Дар сомонаҳои дигари Тоҷикистон хонед