logo

туризм

ГАРМЧАШМА. МАКОНИ ДАРМОН ВА САЙЁҲӢ

Гармчашма. Ин осоишгоҳ, ки дар ҳудуди ноҳияи Ишкошими Вилояти Мухтори Кӯҳистони Бадахшон ҷойгир аст, бо оби гарму дармонбахш на танҳо дар атрофу акнофи кишвар, балки берун аз он ҳам маълуму машҳур аст. Беморону сайёҳон аз ноҳияҳои ҳамсоя то вилоятҳои Хатлону Суғд, шаҳру ноҳияҳои тобеи ҷумҳурӣ ва давлатҳои Қирғизистону Ӯзбекистону Русия барои табобат ва саёҳат меоянд. Оби дармонбахшу ба дардҳо малҳами он барои шифо ёфтани пӯст, гардиши хун, узвҳои такяву ҳаракат, миёну сутунмуҳра ва бемориҳои дигар маъҷуну мумиёст.

Ин муъҷизаи табиат, ки қариб 70 дараҷа гармӣ дорад, аз дили харсанги бузурге ҷӯш зада ба ҳавзи доирашакл мерезад. Ва аз болои харсанг ҷӯйчае ба чанд ҳавзи алоҳида рехта, оби давоӣ дар хизмати беморон қарор мегирад. Қабули об тартибу реҷаи муайян дорад. Муоинаи беморон пеш аз қабули об бар зиммаи Азорабек Мирзоев, табиби варзидаву собиқадори осоишгоҳ, вогузор шудааст, ки хеле судбахш аст.
Як намуди дигари табобат нури офтоб мебошад. Беморон бо тавсияи табиб ба ҷойҳои оризадори бадан равғани ангат молида, дақиқае чанд дар ҳавои кушод сокит мешинанд. Нури офтоб  ва равған василае барои даво ёфтани бемории онҳо мешавад.
Ҳамшираҳои шафқату табибон бо мизоҷони осоишгоҳ бо лаҳни ширину дилнавоз сухан мегӯянду поккорон ҳуҷраҳои меҳмонхонаҳову саҳни ҳавлӣ ва гулгаштҳоро тозаю озода рӯбучин мекунанд. Беморон дар баробари табобат аз ҳавои тозаву беғубори кӯҳистон нафас гирифта, шод мешаванд, ки ин макони дармонбахшро интихоб кардаанд.
Ғайр аз меҳмонхонаҳои дохили осоишгоҳ, ки озода ва бо оби гарм таъминанд, чанд меҳмонхонаи хусусӣ ҳам ба мизоҷон хизмат мерасонанд.
- Гармчашма имрӯз номи "Сомон–ТМ" –маҷмаи шифобахшию сайёҳиро гирифтааст.
Ҳар сайёҳи хориҷие, ки сафари вилоят ва ноҳияҳои Ишкошиму Мурғобро дорад, сари роҳ меҳмони мо мешавад ва аз ин муъҷизаи табиат ба ваҷд меояд. Муддате истироҳат мекунад, навору суратҳо мегирад ва роҳи худро идома медиҳад, - мегӯяд сарвари маҷмаа Робия Шозедова.
Робиямо ҳақиқатро мегӯяд. Чанд рӯз дар осоишгоҳ табобату истироҳат доштам ва шоҳид будам, ки чандин сайёҳи хориҷии бо мошину мототсиклу велосипед сафардошта сурату навор мебардоштанд ва чеҳраҳои хандонашон аз болида будани табъашон гувоҳӣ медод. Ва кас мутмаин мешавад, ки таассуроти неку хотирмони онҳо садҳо сайёҳи хориҷии дуру наздикро  имсолу солҳои дигар ба сайри Тоҷикистони сарсабзу офтобиамон меорад.
У. МУРОД, «Ҷумҳурият»


Баёни ақида (0)    Санаи нашр: 02.10.2018    №: 193    Мутолиа карданд: 409

22.09.2019


Ҷаҳон дар як сатр

Душанбе пойтахти фарҳангии ИДМ дар соли 2021 интихоб шуд

ММД Тоҷикистон 7,4 дарсад боло рафт

Путин бо шоҳзодаи саудӣ ҳамла ба иншооти нафтиро баррасӣ намуд

Сӯхтор дар Малайзия боиси бастани яку ним ҳазор мактаб гашт

Дар Ӯзбекистон сабти телефонҳои мобилӣ пулакӣ мешавад

18.09.2019


Харбузаҳои 25 - килограмма

Суиқасд ба ҷони Президенти Афғонистон Ашраф Ғанӣ

Дар Душанбе ба ифтитоҳи масҷиди калонтарин дар Осиёи Марказӣ омодагӣ мебинанд

Вохӯрии нахустини Путин ва Зеленский мумкин аст моҳи октябр баргузор шавад

Медведев давраи нави муносиботи Москва ва Пекинро эълом дошт

Низомиёни Ироқ ба марҳилаи нави мубориза алайҳи «Давлати исломӣ» шурӯъ карданд

17.09.2019


“ДУШАНБЕ – ҚАЛБИ ТОҶИКИСТОН”. САЗОВОРИ ҶОЙИ АВВАЛ

16.09.2019


Мулоқоти Маҳмадсаид Убайдуллоев бо Муҳаммадтақии Собирӣ

Ҳамкориҳо бо Созмони ҷаҳонии гумрук густариш меёбанд

Дар шаҳри Хоруғ маркази нави хизматрасонии ширкати Тсеll кушода шуд

ЧЕМПИОНАТИ ҶАҲОН

ҚАЛЪАИ ҲУЛБУК. Бозёфти таърихии мансуб ба асрҳои IX – X

Ҷаҳон дар як сатр

Тоҷикистону Британия Палатаи савдо таъсис доданд

Сарвазири Шӯрои давлатии Чин Россияро барои кишвараш шарики калидӣ хонд

Пристайко: «Дар муносиботи Киев ва Москва «ях об мешавад»

05.09.2019


Ҷаҳон дар як сатр

СОҲИБКОР СОҲИБВАТАН АСТ

НОҲИЯИ АЙНӢ. Зиндагӣ ранги тоза мегирад

03.09.2019


Россия ба пешниҳоди ҳамкорӣ ба Макрон посух дод

Миллион нафар амрикоӣ ба ҷойҳои бехавф кӯчонда хоҳанд шуд

Ҳалокати 20 сарбози неруҳои амниятӣ дар вилояти Қундуз

ИМА ва Чин ба молҳои якдигар боҷҳои нав ҷорӣ карданд

ТАЭКВОН – ДО. Дурахши варзишгарони тоҷик дар чемпионати ҷаҳон

Ҷаҳон дар як сатр

РОFУН. Таъсиси хатсайрҳои нави сайёҳӣ

29.08.2019


Раҳмон Озода Эмомалӣ сафири Созмони байналмилалии «Занони сиёсатмадори роҳбар» дар Тоҷикистон таъйин гардид

Вохӯрии Сироҷиддин Муҳриддин бо Ҷейми Флай


Дар сомонаҳои дигари Тоҷикистон хонед