logo

сиёсат

ХОРУҒ. МОДАРОН ҚОНУНШИКАНИРО ҚОТЕОНА МАҲКУМ МЕКУНАНД!

Солҳои охир шаҳри маҳбубамон - Хоруғ бо дастгириҳои бевоситаи Пешвои муаззами миллат муҳтарам Эмомалӣ Раҳмон, Ҳукумати Тоҷикистон ва заҳмати аҳлонаи сокинони меҳнатқаринаш ба шаҳри зебои афсонавӣ монанд мешавад, ба шаҳре, ки аҷдодонамон дар афсонаҳо орзуи онро доштанд. Ин шаҳри гаҳвораи умеди хурду бузурги Боми Ҷаҳон нигини Бадахшон ном гирифт ва ҳар фарди вилоят барои тақдири ояндаи он худро масъул мешуморад. Бахусус, аз мо - сокинон ва ҷавонони шаҳр вобаста аст, ки то чӣ андоза бо амалҳои наку ва писандидаи хеш ояндаи боз ҳам дурахшону равшани наслҳои ояндаамонро таъмин менамоем.
Мутаассифона, амалҳои ҷиноятӣ ва ғайриқонунии бархе аз ҷавонон боиси ноором гардидани авзоъ дар шаҳри азизамон гардидаанд. Ҳар як бесуботӣ ва нооромӣ чун тир, пеш аз ҳама, ба ҷони модарон мехалад, зеро Зан - Модар мавҷуди нозук, латиф, ҳассос, қишри аз ҳама осебпазири ҷомеа буда, оқибати ҳар ҷангу хунрезӣ бештар аз ҳама ба қалби модарон чанг мезанад, чаро ки модар азизтарин офаридаи хеш - фарзандро аз даст медиҳад.
Омилҳои асосии нооромиҳо бештар ба мавҷудияти силоҳ дар дасти иддае аз ҷавонон ва гардиши ғайриқонунии маводи мухаддир алоқаманд мебошанд. Аз силоҳ, ҳамчун манбаи хатар ва куштор дар натиҷаи муноқишаҳои мусаллаҳона солҳои охир дар шаҳр ва ноҳияҳои вилоят чандин шаҳрванд ба ҳалокат расид ва ё маъюбу маслуқ шуд. Силоҳ ғайр аз бадбахтӣ ба хонаводаи касе, ки онро дар даст дорад, чизи дигаре намеорад. Мо ба ҳамаи ҷавононе, ки дар даст силоҳ доранд, ҳамчун ба фарзандони худ муроҷиат намуда, мегӯем, ки силоҳашонро ихтиёран супоранд. Ихтиёрӣ супурдани силоҳ шахсро аз ҷавобгарии ҷиноятӣ озод мекунад ва, аз тарафи дигар, дар шаҳри мо амнияту осудагӣ таъмин мегардад, ки орзуи ҳамаи сокинони ВМКБ мебошад.
Қочоқ ва фурӯши маводи мухаддир ҷомеаи моро ба хатари нобудӣ кашонда, ҳамасола теъдоди зиёди ҷавонон ҷони худро аз даст медиҳанд, он боиси бадбахтӣ дар хонаводаҳо мешавад ва ин амали нангину ноҷавонмардонаи зомин шудан ба ҷони онҳо бар дӯши нафаронест, ки ба гардиши ғайриқонунии маводи мухаддир даст доранд. Мо - занону модарон гардиши ғайриқонунии маводи мухаддирро қотеона маҳкум менамоем ва бовар дорем, ки ба хотири таъмини наслҳои солими оянда тамоми қишрҳои ҷомеа моро дастгирӣ мекунанд.
Дар сафаре, ки чанд рӯз пеш Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Бадахшон доштанд, як зумра иншоотро мавриди баҳрабардорӣ қарор дода, бо мақсади тараққӣ додани минтақа санги асоси иншооти зиёди гуногунро гузоштанд.
Мо дар симои Эмомалӣ Раҳмон фарзанди вафодори халқу Ватанро мебинем, ки бо қотеияти хос ва меҳри падарона хостори бартараф намудани камбудиҳо гардиданд. Бовар дорем, ки сокинони шаҳр, бахусус ҷавонон дар роҳи халъи силоҳи худихтиёрӣ ба мақомоти маҳаллӣ ҳамкорӣ менамоянд. Итминон дорем, ки ақлу иродаи солим ғалаба мекунад ва дар шаҳри азизу зебоямон осудагӣ ва амонӣ ҳукмфармо гашта, Хоруғ ба шаҳри намунавӣ табдил хоҳад ёфт,- иброз доштанд бонувони ВМКБ дар ҳамоиши худ.
Таҳияи Раҳмони ГУЛЗОР, "Ҷумҳурият"

 

 

 


Баёни ақида (0)    Санаи нашр: 02.10.2018    №: 193    Мутолиа карданд: 310

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад


Дар сомонаҳои дигари Тоҷикистон хонед