logo

туризм

ҚУБОДИЁН - МАВЗЕИ БОСТОНИИ ТОҶИКИСТОН

Ба ақидаи таърихнигорон, Қубодиён аз куҳантарин сарзамини Осиёи Марказӣ  ба шумор меравад. Дар ин ҷо ёдгориҳои  бешумор вуҷуд доранд, ки мутаассифона, то ҳол теъдоди аниқи онҳо муайян нашудааст. Тахти Сангин, Қалъаи Мир, Кайқубодшоҳ, Тахти Қубод, Шоҳтеппа, Хушдормулло, Қуммазорот, Сафедмазор, Хоҷа Салим, Дижи Тӯс, Хоҷа Машҳад, Хоҷа Дурбод, Хоҷа Сарбоз, Мунҷоқтеппа, Ҳазратбобо, Масҷиди Намозгоҳ, Хазрати Кон, Бешкентқалъа, Тиллоҳаллоҷӣ, Дурахшонтеппа, Қалъаи Кофарниҳон – ёдгориҳои машҳури ин минтақа мебошанд, ки аз диёри бостонӣ будани он шаҳодат медиҳанд. Қубодиёни таърихӣ қаламрави имрӯзаи ноҳияи Қубодиён ва ноҳияҳои Шаҳритузу Носири Хусравро дар бар мегирад.
Гуфтан ба маврид аст, ки дар натиҷаи ҳафриётҳои бостоншиносӣ дар ҳудуди ноҳия 4 ёдгории меъморӣ ва 22 ёдгории бостоншиносӣ кашф шудаанд. Бо вуҷуди ин, таърихшиносон бар онанд, ки ҳоло ҳам дар ин ҷо мавзеъҳои кашфношуда зиёданд.
Ёдгории аҷибе, ки ҳам сайёҳони хориҷӣ ва ҳам сайёҳони дохилиро бетафовут гузошта наметавонад - ин Тахти Сангин мебошад. Ёдгорӣ дар қисми ҷанубии ноҳияи Қубодиён воқеъ аст. Он дар замони Ҳахоманишиён бунёд шуда, дар аҳди юнониёну мақдуниҳо рушду тараққӣ меёбад. Маъбад сангин буда, на танҳо сохти меъморӣ, балки ҳамаи ҷузъиёти он то ба имрӯз пойдор мондааст. Дар натиҷаи ҳафриётҳои бостоншиносӣ, садҳо тангаҳои Юнон, Бохтар, Ҳинд, Ашкониёну Кӯшониён, боқимондаҳои ҳайкалҳои аз гаҷ ва гил сохташудаи замони элинӣ, маҳсулоти ҳунармандии аз устухони фил омодашуда, зиёда аз 3000 найзаи оҳанӣ, корду ханҷарҳои  бохтариву артиши савора ва пиёданизоми юнонӣ, ашёи санъати тасвирӣ ва ғайра ёфт шудаанд. Аз рӯйи бозёфтҳо метавон тахмин кард, ки ҳунарварон маснуоти гуногунро истифода мебурданд. Мазмуну мундариҷаи  нигораҳо ҷолиб ва пурмуҳтавоянд. Ҳаккокӣ, тасвир, тиллокорӣ, ангобидан, андудани ашё аз ҳунари олии ҳунармандони ҳамон давра гувоҳӣ медиҳанд.
Тахти Сангин ба шарафи олиҳаи Ому бунёд ёфтааст. Ин ёдгорӣ дар якҷоягӣ бо Тахти Қубод, деворҳои пурқуввати сангин, бандари дорои гузаргоҳ ва шаҳраки соҳили чапи Амударё комплекси ягонаро ташкил медод. Ақидае роиҷ аст, ки ганҷинаи беҳамтое, ки бо номи Хазинаи Амударё (клад Окса) ёд мешавад ва дар Осорхонаи миллии Британияи Кабир маҳфуз мебошад, маҳз аз ҳамин ҷо ёфт шудааст.
Шаҳраки Кайқубодшоҳ маркази қадимаи Қубодиён мебошад. Деворҳои он аз хишти хом бино шудаанд. Шаҳрак дорои чаҳор дарвоза буда, аз он ашёи гуногуни  бостонӣ ёфт шудааст. Онҳо мавҷудияти ҳаёт дар Кайқубодшоҳ дар замони Кӯшониён ва давраҳои  минбаъда шаҳодат медиҳанд.
Ибодатхонаи буддоии Хушдормуллоро Уштурмулло низ меноманд ва он дар соҳили рости  Амударё, дар қисмати шимолии Хишттеппа, ҷойгир аст.
Ҳамаи ин ёдгориҳо Қубодиёнро ба яке аз мавзеъҳои бостонии Ватани азизамон – Тоҷикистон табдил додаанд. Бинобар ин, роҳандозии сайёҳии таърихӣ – фарҳангӣ дар ноҳия аз манфиат холӣ нахоҳад буд. Хусусан, тартиб додани хатсайри серӯза барои сайёҳони ватанӣ ва хориҷӣ ҷолиби диққат хоҳад буд. Сайёҳон дар ин муддат ҷойҳои таърихии ноҳияҳои Қубодиён ва Шаҳритузро дидан  карда,  дар  истироҳатгоҳи  «Кӯли Раҳматулло» - и ноҳияи Қубодиён ва «Чилучорчашма» - и ноҳияи Шаҳритуз истироҳат менамоянд. Бо итминон метавон гуфт, ки бо шарофати Соли рушди сайёҳӣ ва ҳунарҳои мардумӣ эълон шудани соли 2018 сайёҳии дохилӣ ва воридотӣ дар ин ноҳияи дурдаст ва кӯҳии кишварамон рушду тараққӣ хоҳад кард.
Шаҳноз  ҚУРБОН, «Ҷумҳурият»


 


Баёни ақида (0)    Санаи нашр: 03.10.2018    №: 194    Мутолиа карданд: 522
17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ

ЛЕВАКАНТ. ПАХТАЧИНӢ ВУСЪАТ МЕГИРАД

ТОҶИКИСТОН НОЗИРОНИ ИДМ-РО БА ИНТИХОБОТИ ПРЕЗИДЕНТӢ ДАЪВАТ КАРД

ҶАҲОН ДАР ЯК САТР

15.09.2020


ТОҶИКИСТОН. 86,4 дарсади беморон шифо ёфтанд

НОҲИЯИ ВОСЕЪ. БОЗ 82 ШАҲРВАНД БО КОР ТАЪМИН ГАРДИД

ТАЪСИСИ 86 КОРХОНА ДАР ҲАФТ МОҲ

«ЛИДАР». АКНУН ТАРКИБИ МОЛЕКУЛАВИИ ҲАВО САНҶИДА МЕШАВАД

14.09.2020


ТОҶИКИСТОН. АЗ КОРОНАВИРУС 7816 БЕМОР ШИФО ЁФТ

ПАЙВАНДГАРИ ДИРӮЗУ ИМРӮЗ. БАРДОШТ АЗ ҲАМОИШИ ҶУМҲУРИЯВӢ БАХШИДА БА 90-СОЛАГИИ "ҶАВОНОНИ ТОҶИКИСТОН"

US OPEN. ТИМ ВА НАОМИ ҒОЛИБОНИ ИН МУСОБИҚА

СММ КИШВАРҲОИ ПЕШРАФТАРО ДАЪВАТ НАМУД, КИ АЗ ТАҲРИМОТ АЛАЙҲИ МАМЛАКАТҲОИ РУШДКУНАНДА ДАСТ КАШАНД

ҶАҲОН ДАР ЯК САТР

11.09.2020


ТОҶИКИСТОН. 7 ҲАЗОРУ 714 СИРОЯТЁФТА АЗ COVID – 19 ШИФО ЁФТ

ЛИГАИ БОНУВОН. «ЗЕБОНИСО» БОРИ ДУЮМ ЧЕМПИОНИ ТОҶИКИСТОН ШУД

САФОРАТ ВА ДОМОДЕДОВО ХАБАРҲО ДАР БОРАИ БАНД МОНДАНИ ТОҶИКОНРО ДАР ФУРУДГОҲ РАД КАРДАНД

ҶАҲОН ДАР ЯК САТР

10.09.2020


НИСФИ КӮДАКОНИ РУСИЯГӢ COVID-19-РО САБУК ГУЗАРОНДАНД

ҶАҲОН ДАР ЯК САТР

ОҒОЗИ НАШРИ КИТОБИ «ТОҶИКОН»-И БОБОҶОН ҒАФУРОВ

08.09.2020


ТОҶИКИСТОН. ШАБОНАРӮЗИ ОХИР 32 ҲОДИСАИ НАВИ БЕМОРИИ COVID – 19 ОШКОР ШУД

СҲШ, ИДМ ВА СААД БОРИ АВВАЛ АЛАЙҲИ ТЕРРОРИЗМ МАШҚҲОИ МУШТАРАК МЕГУЗАРОНАНД

ҶАҲОН ДАР ЯК САТР

ФУТБОЛ. ТОҶИКИСТОН БАР ТИМИ ӮЗБЕКИСТОН ҒОЛИБ ОМАД

ТОҶИКИСТОН. 7 ҲАЗОРУ 581 БЕМОРИ COVID – 19 ШИФО ЁФТ

04.09.2020


ТОҶИКИСТОН. ШУМОРАИ ШИФОЁФТАГОН АЗ КОРОНАВИРУС БА 7 ҲАЗОРУ 482 КАС РАСИД

ОЗМУНИ XVII БАЙНАЛМИЛАЛИИ «САНЪАТИ КИТОБ». «УФУҚҲОИ ИСТИҚЛОЛ» СОҲИБИ ШОҲҶОИЗА ГАРДИД

ПЕСКОВ БА АЙБДОРСОЗИИ МОСКВА ДАР ҲОДИСА БО НАВАЛНИЙ ҶАВОБ ГАРДОНД


Дар сомонаҳои дигари Тоҷикистон хонед