logo

иқтисод

НОҲИЯИ БОБОҶОН ҒАФУРОВ. БЕШ АЗ ҲАЗОР ИНШООТ БУНЁД МЕЁБАД

Бешубҳа, ободию сарсабзӣ ва рушду шукуфоии кишвар самари неки даврони истиқлолият ва талошу такопӯҳои пайвастаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошанд. Имрӯз аз кӯчаву хиёбонҳои зебо бо иморатҳои гуногуни сар ба болову гулгаштҳои хуррам аз гулу буттаҳо, дарахтони сояафкани ҳамешасабз гузар карда, шукри Истиқлолияти давлатӣ, шукри соҳибдавлатӣ  мекунем, ки дар идомаи 27 соли ин даврон ба дастовардҳои зиёду чашмраси иқтисодиву иҷтимоӣ  ва фарҳангиву варзишӣ  муваффақ шудем.
Бобоҷон Ғафуров бо аҳолии 360 ҳазор нафар дар миқёси кишвар аз ноҳияҳои калонтарин маҳсуб меёбад. Табиист, ки  барои бо ҷойи кору таълиму хизматрасонӣ  фаро гирифтани  ин миқдор мардум   иншооти зиёди истеҳсоливу иҷтимоӣ, фарҳангию хизматрасонӣ  бояд бунёд карда шавад. Бино ба иттилои Вализода Зариф Назирӣ, раиси ноҳия, ҷиҳати беҳтар кардани шароити таълиму таҳсили муҳассилин, таъсиси ҷойҳои нави корӣ ва таъминот бо манзили истиқоматӣ бо маблағгузорӣ аз ҳамаи сарчашмаҳо теъдоди иншооти сохташаванда сол то сол зиёд мешавад. Масалан, агар дар ҳамин давраи соли гузашта дар миқёси ноҳия 12 иншооти дорои аҳамияти иқтисодиву иҷтимоӣ ва  фарҳангӣ  бунёд ёфта бошад, дар 8 моҳи соли равон 14 иншоот бунёд гардидааст. Фақат маблағи аз ҳисоби буҷети ноҳия барои сохтмону таъмир равонашуда имсол 4 миллиону 853 ҳазор сомонӣ  афзоиш ёфт.
Соли равон дар хиёбони Бобоҷон Ғафуров маҷмааи фарҳангӣ бо харҷи зиёда аз 1 миллиону 200 ҳазор сомонӣ маблағи буҷети маҳаллӣ  бо диди нав таъмиру азнавсозӣ  шуда, ба яке аз ҷойҳои дӯстдоштаи мардум ва маркази баргузории чорабиниҳои оммавӣ  мубаддал гашт.  Даъвати  Президенти мамлакат оид ба вусъат бахшидани корҳои созандагию ободонӣ ба истиқболи Ҷашни 30 - солагии Истиқлолияти давлатии Ҷумҳурии Тоҷикистон дар байни сокинони сарбаланди ноҳия бо рӯҳи болида дастгирӣ ёфт. Ҳоло дар ҳар ҷамоати шаҳраку деҳоти ноҳия гурӯҳҳои корӣ оид ба бунёдкорию ободонӣ таъсис дода шудаанд. Ҳамчунин, нақшаи чорабиниҳои ободонӣ  ва созандагӣ  барои солҳои 2018-2021 таҳия шуда, тибқи вазифагузориҳои роҳбари гурӯҳи корӣ, намояндаи Дастгоҳи иҷроияи Президенти мамлакат  Қурбонбой Ҳакимзода бояд ин нақшаҳо то 1 сентябри соли 2021 пурра амалӣ шаванд. Бо назардошти ташаббусҳои сокинони ноҳия дар се сол бо шумули корҳои  ободонӣ бунёду навсозии 1117 иншоот, аз ҷумла 312 иншоот дар бахши иҷтимоӣ, ба нақша гирифта шудааст. Дар ин радиф дар ҷамоатҳои деҳоти ноҳия бунёд намудани  2 муассисаи таҳсилоти миёнаи умумӣ, беморхона, қасри фарҳанг, 11 кошонаи ҳусн, 3 таваллудхона, 9 гармхона, 3 сардхона, 4 фермаи чорводорӣ , 6 фермаи парандапарварӣ  ва 2 ҳавзи моҳипарварӣ ва марказҳои зиёди хизматрасонӣ дар назар дошта шудааст.
Дар ҳашт моҳи соли равон дар ноҳия чандин иншооти дорои аҳамияти иҷтимоӣ, аз ҷумла мактаб дар деҳаи Овчиқалъача барои 624 хонанда, бинои нави иловагии мактаб дар Ҷамоати деҳоти Дадабой Холматов, варзишгоҳ  дар Ҷамоати деҳоти Ғозиён, кӯдакистони “Зебо” дар Ҷамоати деҳоти Хистеварз ва кӯдакистон дар шаҳраки Ғафуров, 3 беморхонаи рақамӣ  ва 13 хонаи саломатӣ  мавриди баҳрабардорӣ  қарор гирифтанд. Дар пайи иҷрои дастури Пешвои миллат дар бораи дар ҳар ҷамоати деҳот бунёд намудани ҳаммом, толори ҳусн ва сартарошхона дар деҳоти ноҳия 1 кошонаи ҳусн, 5 сартарошхона ва 30 маркази  савдою хизматрасонӣ бо фарогирии  160 ҷойи нави корӣ  ба истифода дода шуданд.
Ҷовиди АШТӢ, “Ҷумҳурият”                                                                             
 


Баёни ақида (0)    Санаи нашр: 03.10.2018    №: 194    Мутолиа карданд: 199

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед