logo

иҷтимоиёт

ДУШАНБЕ. БЕШ АЗ 100 ҲАЗОР КОРТИ НАҚЛИЁТӢ БА ИСТИФОДА ДОДА ШУД

Аз 3 октябри соли ҷорӣ дар хатсайри автобуси 22 пардохти ҳаққи роҳкиро тавассути корти электронӣ ба роҳ монда шуд. Пардохти ғайринақдӣ бори нахуст 18 июни ҳамин сол дар хатсайрҳои автобуси 3 ва троллейбуси 1 роҳандозӣ гардида буд. Доир ба ҷузъиёти бештари мавзӯъ Бежан Азонов, роҳбари лоиҳаҳои инвеститсионии ҶДММ «Авесто - гурӯҳ», чунин шарҳ дод:
- Иқдоми мазкур дар доираи татбиқи лоиҳаи «Низоми пардохти электронии роҳкиро ва назорати он дар нақлиёти мусофирбари автомобилии истифодаи умуми шаҳри Душанбе» амалӣ  гардида, мақсад беҳтар кардани сатҳи хизматрасонӣ дар соҳаи нақлиёти автомобилӣ мебошад. Татбиқи лоиҳа аз моҳи феврали соли 2018 оғоз шуда, марҳила ба марҳила идома меёбад. Аллакай аз 18 сентябр пардохти роҳкирои автобусу троллейбуси хатсайрҳои 8 ва 10 пурра ба шакли ғайринақдӣ гузаронда шуд. 3 октябр дар хатсайри автобуси 22 низ пардохти ҳаққи роҳкиро тавассути кортҳои электронӣ роҳандозӣ гардид. Мусофирон ва меҳмонони пойтахт метавонанд кортҳои электрониро аз терминалҳои «Express Pay» ва нуқтаҳои фурӯши рӯзномаю маҷаллаҳо дар истгоҳҳои пойтахт дастрас намоянд. Барои сода кардани кори мусофирон, инчунин, барномаи махсус таҳия шудааст, ки тавассути он пардохти ҳаққи роҳкиро тариқи телефони мобилӣ сурат мегирад. Онро метавон аз манбаъҳои иттилоотии Play Market ва App Store дастрас намуд.
Ҳоло сокинону меҳмонони пойтахт аз фаъолияти ин низом қаноатманданд. Мувофиқи Қонуни Ҷумҳурии Тоҷикистон «Дар бораи нақлиёт» наврасони то панҷсола ҳуқуқ доранд ҳаққи роҳкироро пардохт накунанд, яъне онҳо метавонанд аз воситаҳои автомобилии истифодаи умум ройгон истифода баранд. Наврасони аз 6 то 12 - сола метавонанд ҳаққи роҳкироро 50 дарсад пардохт намоянд. Шумораи зиёди шаҳрвандоне, ки аз имтиёзҳо бархӯрдоранд, аллакай соҳиби кортҳои имтиёзнок гаштанд. Барои наврасон низ аз ҷониби лоиҳа кортҳои махсус пешбинӣ шудааст. Инчунин, тибқи қарори дахлдори раиси шаҳри Душанбе Рустами Эмомалӣ барои донишҷӯён низ имтиёзҳо ҳангоми хариди корти нақлиётӣ ба миқдори 50 сафар ва зиёда аз он тахфиф ба андозаи 30 дарсад барои пардохти ҳаққи роҳкиро пешбинӣ гардидааст.
Айни замон аз ҷониби Ҷамъияти дорои масъулияташ маҳдуди «Авесто – гурӯҳ»  якчанд намуд кортҳои пардохти электронии роҳкиро омода шудаанд ва яке аз инҳо корт барои истифодаи доимӣ автобус ва троллейбусҳои пойтахт мебошад. Корт 10 сомонӣ арзиш дорад. Аз ин 4 сомониаш дар тавозуни корт ҳамчун масрафнашаванда боқӣ мемонад. Тавозуни кортро ба воситаи терминалҳои «Express Pay» пурра кардан мумкин аст. Арзиши сафар баробари арзиши муайяннамудаи хатсайр мебошад. Муҳлати истифодабарии корт 3 сол мебошад. Корти имтиёзнок ба шахсони маъюб ва дорои имконияташон маҳдуд низ дода мешавад. Он танҳо бо пешниҳоди ҳуҷҷати тасдиқкунандаи истифодабарандаи имтиёз амалӣ шуда, ройгон аст. Инчунин, корт барои кӯдакони аз 7 то 12 - сола пешбинӣ шудааст. Сафар бо корти мазкур бо тахфифи 50 дарсад аз маблағи тасдиқшудаи тарофаи сафар амалӣ карда мешавад. Корти дигар ин барои меҳмонон ва сайёҳони хориҷӣ буда, барои 4 - 8 сафар пешбинӣ шудааст. Арзиши корт 5 -  10 сомонӣ ба муҳлати 10 рӯз аст. Корти эҳтиром барои шахсони аз 75 - сола боло пешбинӣ шуда, ройгон мебошад.
Ҳоло сокинону меҳмонони пойтахт метавонанд пурра аз ин низом истифода баранд. Дар 340 воситаи нақлиёт валидатор - таҷҳизоти қабулкунандаи корти ҳаққи пардохт насб шудааст. То имрӯз зиёда аз сад ҳазор кортҳои нақлиётӣ ба гардиш дароварда шудаанд. Аммо ин ҳанӯз аввали кор аст. Нақша дорем марҳила ба марҳила хатсайрҳои  дигареро, ки берун аз ин низом фаъолият мекунанд, бо ин тарзи хизматрасонии ҷавобгӯ ба талаботи муосир пайваст намоем.
Фишурда аз АМИТ "Ховар"


Баёни ақида (0)    Санаи нашр: 05.10.2018    №: 196 -197    Мутолиа карданд: 236

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед