logo

иқтисод

ҶАНГАЛ ИҚТИДОРИ БУЗУРГИ ИСТЕҲСОЛӢ

Тоҷикистон минтақаи камҷангалтарини Осиёи Марказӣ ба ҳисоб рафта, масоҳати умумии фонди давлатии ҷангал ба 1,8 миллион гектар баробар аст ва аз ин заминҳои ҷангалпӯш 422,7 ҳазор гектар мебошанд. Аз ин лиҳоз, дар раванди тағйирёбии иқлим ҳифз ва нигоҳдории ин ҷангалзор хеле муҳим аст.
Ҷангалҳои Тоҷикистон аҳамияти муҳофизатӣ, обнигаҳдорӣ, санитарию гигиенӣ ва солимгардонӣ доранд. Вазифаи  кормандони соҳаи ҷангал, пеш аз ҳама, бунёди ҷангалҳои нав ва барқарор сохтани ҷангалҳои кӯҳна,  нигоҳубин ва ҳифзи онҳо, инчунин истифодаи босамар  мебошад, ки имрӯз яке аз масъалаҳои ҳалталаб ба ҳисоб меравад. Агентии хоҷагии ҷангали назди Ҳукумати Ҷумҳурии Тоҷикистон барои бунёди ҷангалзорҳои нав имкониятҳои зиёд дорад. Ба гуфтаи директори агентӣ Азизулло Исматзода, дар ҷумҳурӣ дар нимсолаи аввали соли ҷорӣ дар майдони 1633,6 гектар замин корҳои бунёду барқарорсозии ҷангал гузаронда шуданд. Фаъолияти хоҷагиҳо танҳо бо иҷрои вазифаҳои экологӣ маҳдуд набуда, онҳо ба коркард ва истеҳсоли маҳсулоти ҷангал низ машғуланд. Ба муассисаҳои давлатии хоҷагии ҷангал (44 адад) 4 мамнӯъгоҳ, ду парки табиӣ, парки миллӣ, 13 парваришгоҳи табиӣ, 5 корхонаи воҳиди давлатии ниҳолпарварӣ, муассисаи давлатии Пажӯҳишгоҳи илмию тадқиқотӣ ва Бозрасии давлатии ҷангал ва шикор шомиланд. Ҳар яки ин муассисаҳо бо иқтидори бузурги табиӣ ва имкониятҳои истеҳсолӣ барои пешрафти соҳаҳои афзалиятнок ва беҳдошти сатҳи зиндагии мардум, хусусан мардуми деҳот, саҳми арзанда гузошта метавонанд. Барои мисол, хоҷагиҳои тобеи агентӣ ҳамасола ба ҳисоби миёна то 20 тонна гиёҳҳои шифобахш, 90 тонна писта, 140 тонна меваи хушк, 300 - 400 тонна ғалладона, 140 тонна чукуриву сиёҳалаф, 30 тонна пиёзи анзур, 11 тонна асал ва 4000 тонна алафҳои табиӣ ҷамъоварӣ менамоянд, ки дар бозори дохилӣ ва хориҷи кишвар нуфузу эътибори баланд пайдо кардаанд. Махсусан ба меваи хушк ва писта, ҳамчунин, ғалладона таваҷҷуҳи бештар равона шудааст. Бо истифода аз усулҳои нави коркард имконияти афзоиши ҳаҷми аз ин ҳам зиёди маҳсулот имконпазир аст. Аз ин лиҳоз, таҳия ва амалисозии барномаи нави рушди чормағзпарварӣ ва писта ин ҷо ба манфиати кор хоҳад буд. Ба роҳ мондани парвариши дарахту буттаҳои ба рӯйхати "Китоби сурхи Ҷумҳурии Тоҷикистон" воридгардида, таҳия ва қабули стандартҳои соҳавӣ оид ба маҳсулоти ҷангал ва ниҳолҳо, ҳамчунин, таҳияи барномаи муҳофизати ҷангал аз ҳашароти зараррасон ва амсоли инҳо низ самаранокии кори ҷангали Тоҷикистонро вусъат мебахшанд. Ба андешаи мутахассисон, роҳи асосии устувор фаъолият кардани соҳаи ҷангал  рушд додани базаи моддӣ – техникии хоҷагиҳои он мебошад.
О. ВАФОБЕК, “Ҷумҳурият”


Баёни ақида (0)    Санаи нашр: 05.10.2018    №: 196 -197    Мутолиа карданд: 159

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед