logo

сиёсат

ИЗҲОРОТИ МАТБУОТИИ ЭМОМАЛӢ РАҲМОН, ПРЕЗИДЕНТИ ҶУМҲУРИИ ТОҶИКИСТОН, ПАС АЗ МУЗОКИРОТ БО ПРЕЗИДЕНТИ ҶУМҲУРИИ ҲИНДУСТОН ШРИ РАМ НАТҲ КОВИНД, ШАҲРИ ДУШАНБЕ, 8 ОКТЯБРИ СОЛИ 2018

Ҷаноби Олӣ, Президенти Ҷумҳурии Ҳиндустон!
Муҳтарам намояндагони воситаҳои ахбори омма!
Сараввал аз номи худ ва мардуми меҳмоннавози тоҷик боз як бори дигар ташрифи Ҷаноби Олӣ Шри Рам Натҳ Ковинд ва ҳайати ҳамроҳашонро ба Тоҷикистон хайрамақдам мегӯям. Ҷониби Тоҷикистон ин сафари Президенти Ҷумҳурии Ҳиндустонро идомаи муколамаи байнидавлатии роҳбарияти ду кишвар медонад.
Мулоқоту музокироте, ки имрӯз мо анҷом додем, дар фазои анъанавии дӯстона, созандагӣ ва ҳусни тафоҳум сурат гирифтанд. Тарафҳо бар онанд, ки густариши дарозмуддати муносибатҳои неки дӯстӣ ва ҳамкориҳои гуногунҷанбаи Тоҷикистону Ҳиндустон ҷавобгӯи манфиатҳои милливу давлатии ҳар ду ҷониб буда, ба таҳкими сулҳу истиқрори минтақавӣ мусоидат менамояд.
Дар ишора ба аҳамияти машваратҳои сиёсӣ дар сатҳи баланду олӣ мо зарурати тақвияти минбаъдаи онҳоро ҷиҳати боз ҳам таҳким бахшидан ба ҳамкориҳои мутақобилан судманди миёни кишварҳоямон таъкид намудем. Дар ин зимн, зикр гардид, ки ҳамкориҳои иқтисодиву тиҷоратӣ рукни муҳими муносибатҳои тарафайн мебошанд ва барои рушди минбаъдаи онҳо бояд ба таври лозимӣ тамоми имкониятҳои мавҷуда мавриди истифода қарор гиранд.
Ҳар ду ҷониб ба манзури рушди самти мазкури ҳамкорӣ омодагии худро ҷиҳати фаъолтар сохтани кори Комиссияи байниҳукуматии Тоҷикистону Ҳиндустон таъкид намуд.
Ҷониби Тоҷикистон ҳамоно хоҳони ба сатҳи сифатан наву баланд баровардани ҳамкориҳояш бо Ҳиндустон дар соҳаи ҷалби сармояҳо мебошад. Мо омодаем, ки фаъолияти сармоягузорони Ҳиндустонро дар ин соҳа минбаъд низ пуштибонӣ намоем.
Ҷониби Тоҷикистон манфиатдор аст, то сармояи ҳиндустонӣ барои татбиқи лоиҳаҳои инфрасохториву истеҳсолӣ, саноативу кишоварзӣ ва тиҷоративу хизматрасонӣ ворид шавад.
Ҷонибҳо густариши робитаҳои фарҳангиву башариро, бахусус дар чунин арсаҳои иҷтимоӣ, ба монанди илму маориф, тиб ва сайёҳӣ, таъкид карданд. Дар ҷараёни мулоқот ва музокирот мавзӯоти муҳими минтақавӣ ва байналмилалӣ мавриди баррасию арзёбӣ қарор гирифтанд.
Тарафҳо нигаронии амиқи худро дар ростои идомаи нооромиҳо ва боз ҳам мураккабтар гардидани вазъ дар Афғонистон изҳор намуданд. Ҷумҳурии Тоҷикистон алоқамандии худро барои ҳамкории васеъ дар самти истиқрори сулҳу субот дар Афғонистон бори дигар таъкид кард.
Мо мувофиқ бар он будем, ки дарёфти роҳҳои самараноки ҳалли қазияи Афғонистон ва истиқрори ҳаёти осоишта дар он ҳамоҳангии бештари амалҳои муштараки ду кишвар ва дигар ҷонибҳои манфиатдорро тақозо менамояд. Дар ин робита ҷониби Тоҷикистон аҳамияти андешидани тадбирҳои ғайринизомӣ, қабл аз ҳама, татбиқи лоиҳаҳо дар соҳаи энергетика, нақлиёт ва иртибототро омили муҳими истиқрори сулҳу субот ва ҳаёти осоишта дар Афғонистон арзёбӣ кард.
Тоҷикистон ва Ҳиндустон перомуни аксари масъалаҳои минтақавию байналмилалӣ мавқеи муштарак ё ба ҳам наздик доранд.
Зикр гардид, ки муносибатҳои Тоҷикистону Ҳиндустон дар доираи созмонҳои байналмилалӣ, минҷумла Созмони Милали Муттаҳид хуб ба роҳ монда шудаанд.
Тарафҳо бо дарназардошти хатару таҳдидҳои рӯзафзуни глобалӣ, аз қабили терроризми байналмилалӣ, экстремизм, ифротгароии динӣ, қочоқи маводи мухаддир ва ҷиноятҳои муташаккилонаи фаромиллӣ ҷонибдории худро аз тақвият бахшидан ба ҳамкорӣ дар арсаи амниятӣ таъкид намуданд.
Умедворам, ки сафари мазкур дар таърихи навтарини муносиботи ҳамкории шарикии ду кишвари дӯст ҷойи муносиберо ишғол хоҳад кард.
Ташаккур.

 

 


Баёни ақида (0)    Санаи нашр: 09.10.2018    №: 199    Мутолиа карданд: 268

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед