logo

маориф

НОҲИЯИ ШАМСИДДИНИ ШОҲИН. РАВАНДИ ТАЪЛИМ БЕҲТАР МЕГАРДАД

Мактаб даргоҳи илму маърифат ва асоси камолоти инсон ба ҳисоб меравад. Аз ин лиҳоз, таваҷҷуҳи роҳбарияти олии мамлакат ба ин соҳаи ҳаётан муҳим ҳамаҷониба эҳсос мешавад. Сол ба сол шароити донишомӯзӣ дар муассисаҳои таълимӣ беҳтар шуда, раванди он рӯ ба болоравӣ дорад. Ҳамасола бо дастгирии Сарвари давлат мактабҳои замонавӣ, муҷаҳҳаз бо фановарии ҷадид сохта шуда, марҳила ба марҳила мавриди баҳрабардорӣ қарор мегиранд. «Бо назардошти бунёди муассисаҳои нави таълимӣ давра ба давра сатҳу сифати таълиму тарбия дар муқоиса ба солҳои қаблӣ хеле беҳтар гардидааст.  Моро лозим аст, ки ҷавобан ба ғамхориҳои Ҳукумати мамлакат сифати таълиму тарбияро боз ҳам боло бардошта, ҷавононро дар рӯҳияи ватандӯстӣ, арҷгузорӣ ба меросу анъанаҳои миллӣ тарбия карда, ба воя расонем», - гуфт зимни суҳбат мудири шуъбаи маорифи ноҳияи Шамсиддини Шоҳин Насимҷон Ғоибзода.
Бо назардошти таъмини пурраи кадрҳои омӯзгорӣ аз ҳисоби хатмкунандагони ҷавон имсол дар муассисаҳои таълимии ноҳия ба маълумоти миёнаи умумӣ фаъолият намудани омӯзгорон аз байн рафт. 13 омӯзгори ҷавон бо қитъаи замини наздиҳавлигӣ таъмин шуд, рӯйхати 20 нафар барои гирифтани қарзҳои имтиёзнок пешниҳод шудааст. Ҳоло дар 61 муассисаи таълимии ноҳия 1154 омӯзгор ба таълиму тарбияи 11 ҳазору 250 нафар хонанда машғул аст. Аз ҷумла, дар ноҳия як мактаб - интернати ҷумҳуриявии ятимони бепарастор арзи ҳастӣ дорад. Ҳамзамон, аз моҳи январи соли 2018 дар назди шуъбаи маориф маркази дарёфт ва рушди истеъдодҳо бо таъсиси 7 маҳфил ба фаъолият шурӯъ намуд. Рушди ҳаракати олимпӣ ва дарёфти истеъдодҳо ба зиммаи ин марказ вогузор мебошад. Бо  мақсади омода намудани кӯдакони то синни  7 - сола ба зинаи якуми таҳсилот, дар назди 13 муассисаи таълимӣ марказҳои инкишофи кӯдак ташкил карда шудаанд. Ҷамъбасти рейтинги соли хониши 2017 - 2018 дар муассисаҳои таълимӣ муайян намуд, ки сифати хониши хонандагон беҳтар шудааст. Сатҳи дониши хонандагон дар соли хониши равон, дар маҷмӯъ 3,7 холро ташкил дод, ки нисбат ба солҳои пешин баландтар аст.
- 870 нафар хатмкунанда тавассути Маркази миллии тестӣ ба коллеҷу донишгоҳҳо дохил шуд. Мувофиқи маълумоти оморӣ аз соли 1997  то соли 2018 аз ноҳияи баландкӯҳи Шамсиддин Шоҳин 414 нафар тариқи Квотаи президентӣ шомили донишгоҳу донишкадаҳои гуногуни кишвар шуд. Хонандагоне, ки тибқи квота сазовори номи донишҷӯ мегарданд, таҳти назорати ҳамешагии мақомоти иҷроияи маҳаллии ҳокимияти давлатии ноҳия қарор гирифта, пайваста ба онҳо кумак расонда мешавад, - гуфт муовини раиси ноҳия Санам Ғаффорзода.
Дар соли хониши 2018-2019 барои муассисаҳои таълимии ноҳия аз ҳисоби Вазорати маориф ва илми Ҷумҳурии Тоҷикистон 94 номгӯй китобҳои дарсӣ ва бадеӣ, 29 номгӯй барномаҳои таълими фаннӣ (ба миқдори 790 нусха) ва 1730 ҷуфт либоси мактабӣ аз корхонаҳои ноҳия ва шаҳри Бохтар дастрас шуданд.
Дар 5 соли охир аз ҳисоби ҳамаи сарчашмаҳои маблағгузорӣ дар ноҳия  29 бинои наву иловагӣ бо 4 ҳазору 750 ҷои нишаст сохта мавриди баҳрабардорӣ қарор гирифт. То Ҷашни 30-солагии Истиқлолияти давлатии Ҷумҳурии Тоҷикистон боз 5 муассисаи таълимӣ бо 1550 ҷои нишаст бунёд хоҳад ёфт.
Холназар КАСИРОВ,
«Ҷумҳурият»


Баёни ақида (0)    Санаи нашр: 22.10.2018    №: 205    Мутолиа карданд: 312

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД

ДАР ӮЗБЕКИСТОН ТӮЙҲОИ ПУРДАБДАБАРО МАНЪ НАМУДАНД

25.12.2019


"RIAS Ingineering" телевизору яхдонҳои тоҷикӣ месозад

Қазоқистон ҳукми қатлро пурра бекор карданист

Дар Австралия аз сӯхтори ҷангал шаҳр ба коми оташ рафт

Сарвари Индонезия тарҳи пойтахти нави кишварро интихоб намуд

Чин боҷи қариб ҳазор моли хориҷиро кам месозад

Ҷаҳон дар як сатр

24.12.2019


"ПЕШВОИ МИЛЛАТ ПОЯГУЗОРИ СУЛҲ ВА МЕЪМОРИ ВАҲДАТ"

Баррасии густариши ҳамкориҳо дар соҳаи сайёҳӣ

Қурбон Ҳакимзода ҳайати шаҳри Вэйнанро ба ҳузур пазируфт

Нуробод. Пешгирии шомилшавии ҷавонон ба ҳаракатҳои ифротгаро

Ҷаҳон дар як сатр

Арчаи солинавии Тоҷикистон рамзи Истиқлолияти давлатӣ

Лавров: Трамп ба муколама бо Россия доир ба масоили ҳалталаб омода аст

Москва ва Киев шартномаи таҳвили газро барои панҷ сол имзо мекунанд

Комиссияи Аврупо таҳримоти ИМА зидди «Маҷрои шимолӣ - 2»-ро маҳкум намуд

Дар Тошканд маркази рушди «ҳукумати электронӣ» ифтитоҳ меёбад

23.12.2019


Путин: «Соли гузашта дар Россия 33 амали террористӣ пешгирӣ гардид»

Минск ба ҳамгироӣ бо Россия дар асоси баробарӣ омода аст

Комиссияи интихоботии Афғонистон Ашраф Ғаниро президенти кишвар эълом дошт

Дар Қазоқистон хароҷоти соҳаи тандурустӣ то 5 дарсади ММД боло меравад

Ҷаҳон дар як сатр

БОКС. Ду медали тиллои варзишгарони тоҷик

20.12.2019


Дурнамои густариши ҳамкориҳо матраҳ гардид

Шиносоии Раҷаббой Аҳмадзода бо ҷараёни сохтмони муассисаҳои таълимии нав

Мулоқоти Акрамшо Фелалиев бо Эмилио Певида Пупо

19.12.2019


Шиносоии Қоҳир Расулзода бо ҷараёни сохтмони як қатор иншооти шаҳри Кӯлоб


Дар сомонаҳои дигари Тоҷикистон хонед