logo

маориф

ҲАДАФҲОИ РУШДИ УСТУВОР ВА НИЗОМИ МАОРИФИ КИШВАРҲОИ ИДМ

Дар шаҳри Бишкеки Ҷумҳурии Қирғизистон анҷумани панҷуми омӯзгорон ва кормандони соҳаи маорифи Иттиҳоди Давлатҳои Мустақил зери унвони «Рушди низоми маорифи кишварҳои узви ИДМ дар доираи ҳадафҳои рушди устувор» бо иштироки беш аз 450 омӯзгору корманди соҳа баргузор гардид, ки дар он намояндагон аз ҷумҳуриҳои Арманистон, Беларус, Қазоқистон, Қирғизистон, Тоҷикистон, Туркманистон, Федератсияи Россия ва намояндагони Кумитаи иҷроияи ИДМ, Фонди байнидавлатии ҳамкориҳои гуманитарӣ, Ассамблеяи байнипарлумонӣ, ЮНЕСКО ширкат варзиданд.
Президенти Ҷумҳурии Қирғизистон С. Жээнбеков вобаста ба вазъи соҳаи маориф дар Ҷумҳурии Қирғизистон сухан ронда, аз ҷумла зикр намуд, ки имрӯз низоми маориф дар кишварҳои ИДМ бояд модели наверо таҳия кунад, ки ба ҳалли мушкилоти соҳа ҷавобгӯ бошад  ва имкон диҳад, ки мубодилаи таҷриба байни омӯзгорон ва кормандони соҳаи  маориф  пайваста сурат гирад.
“Мо бояд модели таҳсилотеро таҳия намоем, ки ба рушди кишвар оварда расонад. Таҳсилот бояд шакле гирад, ки ба мо на танҳо донистани ҷаҳон, балки барои пешравии  ҷомеа, зиндагии шоистаи инсон  имкон диҳад», - зикр кард С. Жээнбеков.
Дар ҷаласаи якуми  кории анҷуман  низоми миллии маорифи кишварҳои аъзои ИДМ дар заминаи ҳадафҳои рушди устувор  мавриди баррасӣ қарор гирифт. Муовини вазири маориф ва илми Ҷумҳурии Тоҷикистон Латофат Назирӣ зикр кард, ки Тоҷикистон дар заминаи ҳадафҳои рушди устувор ва рушди низоми миллии маорифи кишвари худ қадамҳои устувор гузошта, як қатор санадҳои меъёрии ҳуқуқии соҳавиро таҳия ва қабул намудааст. Ислоҳоти соҳаи маориф ботадриҷ идома ёфта, гузариш ба муносибатҳои босалоҳият дар таълим, меъёрҳои нави баҳогузорӣ, санадҳои дахлдор вобаста ба низоми таълими 12  - сола, стандарт ва барномаҳои таълимии ҷавобгӯ ба талаботи бозори дохил ва хориҷ  таҳия шуда истодаанд. Ҳамзамон, масъалаи табодули донишҷӯёни давлатҳои аъзои ИДМ мавриди баррасӣ қарор гирифт. 
Дар маърӯзаҳо дар бораи мақоми нав гирифтани таҳсилоти томактабӣ дар шароити ҷаҳонишавӣ, муҳимияти сармоягузорӣ, инкишофи барвақтии кӯдак, ташкили намудҳои гуногуни муассисаҳои томактабӣ, таъмини раванди таълим бо барномаҳои ҷавобгӯй ба талаботи замони муосир, инчунин, таълиму тарбияи кӯдакони инкишофи физиологию  равониашон маҳдуд ақидаҳо баён шуданд.
Бояд зикр намуд, ки аз ҷониби намояндагони Ҷумҳурии Тоҷикистон муаррифии барномаҳои таълимии томактабӣ, мувофиқати онҳо бо стандартҳои рушди барвақтии кӯдак, фаъолияти педагог барои ба даст овардани натиҷаи ниҳоии дар ин стандартҳо ифодаёфта, мавриди баррасӣ қарор гирифт. Ректори Донишкадаи ҷумҳуриявии такмили ихтисос ва бозомӯзии кормандони соҳаи маориф Хоналӣ Қурбонзода вобаста ба курсҳои такмили ихтисоси омӯзгорон, навоварӣ дар курсҳои такмили ихтисос, тайёр кардани кадрҳои баландихтисос, истифодаи технологияи инноватсионӣ дар курсҳо, тарғиби таҷрибаи пешқадами педагогии омӯзгорони минтақа, табодули таҷриба дар ташкили курсҳои такмили ихтисоси фосилавӣ ибрози андеша намуд.
Сипас, намоиши дастовардҳои соҳаи маорифи кишварҳои иштирокчӣ баргузор гардид. Дар он иштирокдорон намунаи китобҳои дарсӣ, бадеӣ, инчунин, дастовардҳои хонандагону донишҷӯён ва омӯзгоронро тавассути наворҳо ба намоиш гузоштанд.
Иштирокдорони анҷуман аз Ҷумҳурии Тоҷикистон дар гӯшаи намоишӣ намунаи китобҳои дарсӣ, бадеӣ, китобҳо барои донишҷӯёни муассисаҳои таҳсилоти миёна ва олии касбӣ ва намунаи ҳунарҳои мардумӣ, ки хонандагону донишҷӯён дар муассисаҳо омода намуда буданд, инчунин, дастовардҳои соҳаи маориф дар солҳои Истиқлолияти давлатиро тавассути наворҳои видеоӣ ба намоиш гузоштанд. Тамошобинон бештар ба сатҳу сифати китобҳои дарсию бадеӣ таваҷҷуҳ зоҳир намуда, ба таҳия ва чопи китоб барои хонандагон баҳои баланд доданд.
Эҳсони ХУШБАХТ

 

 

 

 

 


Баёни ақида (0)    Санаи нашр: 23.10.2018    №: 206    Мутолиа карданд: 402
12.08.2020


ТОҶИКИСТОН. АЗ COVID – 19 БОЗ 39 БЕМОР ШИФО ЁФТ

ВИДЕОКОНФРОНСИ “ОСИЁИ МАРКАЗӢ + ЯПОНИЯ”

ВОХӮРИИ МУҲАММАДЮСУФ ИМОМЗОДА БО МУҲАММАД ЗОҲИР АҒБАР

ҶАМЪБАСТИ ОЗМУНИ ҶУМҲУРИЯВИИ ФОСИЛАВИИ «ТОЗАГӢ – ГАРАВИ САЛОМАТӢ»

ЛИГАИ АВРУПО. ҶУФТҲОИ ДАВРИ НИМНИҲОӢ МАЪЛУМ ГАРДИДАНД

10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД


Дар сомонаҳои дигари Тоҷикистон хонед