logo

иҷтимоиёт

РӮЗГОРЕ БАРОИ ИБРАТ

24 октябри соли ҷорӣ қалби рӯзноманигори шинохтаи тоҷик Турдиалӣ Бойбобоев дар синни 82 – солагӣ аз тапидан монд. Исми ӯ дар саҳафоти таърихи журналистикаи тоҷик бо ҳарфҳои заррин сабт шудааст.  Т. Бойбобоев зиёда аз 50 соли ҳаёти босамари худро сарфи коғазу қалам намуд.

Нахустин навиштаҳояш ҳангоми дар факултаи таъриху филологияи Донишкадаи омӯзгории Ленинобод  (ҳоло Донишгоҳи давлатии Хуҷанд ба номи академик Бобоҷон Ғафуров) таҳсил карданаш дар рӯзномаи «Ҳақиқати Ленинобод» (акнун «Ҳақиқати Суғд») рӯйи чопро диданд. Аз лавҳаҳои равону одӣ сар карда, то очеркҳои мураккаби доманадор силсилаи симоҳои қаҳрамонони ҷабҳаи меҳнатро меофарид. Аз омӯзгорӣ дида ба журналистика шавқи бештар дошт. Ин буд, ки ҳини тақсимот аз ҳайати комиссия хоҳиш кард то ӯро ба Душанбе, ба идораи ягон рӯзнома ба кор фиристанд. Дили ҷавонро нашикастанд, ӯро барои кор на ба Душанбе, балки ба Қӯрғонтеппа (ҳоло шаҳри Бохтар) фиристоданд. Онҷо дар рӯзномаи «Ифтихори Вахш» ба кор оғоз кард.
Сипас, худи қаламаш муаррифгари ҳунараш гардид. Бо пешниҳоди адиб ва рӯзноманигори шинохта Мутеулло Наҷмиддинов ба рӯзномаи «Комсомоли Тоҷикистон» (ҳоло «Ҷавонони Тоҷикистон») ва аз он ҷо бо дархости роҳбарияти «Тоҷикистони советӣ» (ҳоло «Ҷумҳурият») ба ин нашрия ба кор мегузарад. Дар рӯзномаи «Ҷумҳурият» зиёда аз 20 сол, аввал ба сифати хабарнигор ва баъдан дар вазифаи мудири шуъбаи кишоварзӣ ифои вазифа намуд. Тақдири минбаъдаи ӯ бо маҷаллаи «Илм ва ҳаёт» сахт марбут аст.
Дар ёди ҳамкасбон Т. Бойбобоев ҳамчун қаламкаши дорои ҷасорати касбӣ ва мавқеи хосси шаҳрвандӣ боқӣ мемонад. То охири умр ба касби худ содиқ буд. Ҳеҷ гоҳ ба воқеаҳои муҳими ҷомеа бетараф набуд. 
Турдиалӣ Бойбобоев дар нигоштани очерк маҳорати хосса дошт. Панҷоҳ очерки беҳтаринашро зери ҷилди як китоб гирди ҳам оварда буд.  Ҳар як очерк бозгӯ аз маҳорати хосси муаллиф мебошад. Қаҳрамонҳои очеркҳояш мардони майдони меҳнат буданд. «Мо онҳоро ҳамчун намуна барои дигарон нишон медодем», - овардааст муаллиф дар сарсухан  ба маҷмӯаи очеркҳояш. Ғайр аз очерк, ҳикоя ва ҳаҷвияҳои хубе низ иншо кардааст. Китобҳои «Қулла», «Теғи шифо» ва «Ангушти шашум» - ашро ихлосмандони эҷодаш ҳамчун намунаи хуби осори бадеӣ пазируфтаанд ва чакидаҳои хомааш дар 17 маҷмӯа инъикос гардидаанд.
М. ТАБАРӢ, «Ҷумҳурият»


Баёни ақида (0)    Санаи нашр: 02.11.2018    №: 214    Мутолиа карданд: 173

03.05.2019


 ТАВСЕАИ ҲАМКОРИҲОИ СОХТОРҲОИ ГЕОЛОГИИ ТОҶИКИСТОНУ ӮЗБЕ-КИСТОН

 МУЛОҚОТИ ИСМАТУЛЛО НАСРЕДИН БО МЕҲР ХОЛИД

 ФИЛМИ «ТАНГНО» АЗ ҚАЗОН БО ҶОИЗА БАРГАШТ

 ИҶОЗАТНОМА БАРОИ ФАЪОЛИЯТИ ОПЕРАТОРИ НИЗОМИ ПАРДОХТӢ

 ЁВОН. БУНЁДИ 341 ИНШООТ ТО ҶАШНИ ФАРХУНДА

 ВАРЗОБ. ФАРДО АЗ ИМРӮЗ ЗЕБОТАР ХОҲАД ШУД

 ОЛМОН ЗИДДИ ВУРУДИ НИЗОМИЁН БА ВЕНЕСУЭЛА

 ДАР ҲИНДУСТОН АЗ ХАТАРИ ТУНДБОДИ «ФАНИ» БЕШ АЗ 800 ҲАЗОР НАФАР КӮЧОНДА ШУД

 ПАРЛАМЕНТИ ҚИРҒИЗИСТОН КОРКАРДИ КОНҲОИ УРАНРО БОЗДОШТ

 ДАР ТУРКМАНИСТОН НАРХИ ЧИПТАИ ҲАВОПАЙМОҲО ДУ БАРОБАР БОЛО РАФТ

ТУРКИЯ СЕЮМ КИШВАРИ САБЗТАРИНИ ДУНЁ ЭЪТИРОФ ШУД

02.05.2019


 Ҳадияи раиси шаҳр ба ифтихори 74 – умин солгарди Рӯзи Ғалаба

 Мулоқоти Хусрав Нозирӣ бо Муҳаммад ибни Абдураҳмон

 Баррасии фаъолияти ҳуқуқэҷодкунӣ дар кишвар

 ҶОМИ КФО. Пирӯзии «Истиқлол» бар «Дордой»

 Баргузории мизи гирд доир ба дипломатияи мардумӣ дар Тошканд

 Ҷонибҳои тақобули Сурия қисме аз масоили баҳсиро ҳал намуданд

 ЮНИСЕФ: "Беш аз 2 миллион нафар мардуми Ангола аз хушксолӣ дар азоб аст"

Дар Ҷопон давраи нави Рэйва оғоз ёфт

 Ҷаҳон дар як сатр

01.05.2019


Ноболиғони тоҷик ба Ватан баргардонда шуданд

Вохӯрии Сироҷиддин Муҳриддин бо Ҳамад Солим

Рушди иҷтимоиву иқтисодии минтақаҳои кишвар матраҳ гардид

Се собиқадори тоҷик дар паради Ғалаба дар Москва ва Санкт - Петербург ширкат мекунанд

Дар Венесуэла исён зидди ҳукумат бебарор анҷом ёфт

Дар Либия 345 нафар қурбони бархӯрди мусаллаҳона гашт

Истеҳсоли рекордии чой дар Кения

Дар Париж ба барҷастатарин занҳои олим арҷгузорӣ намуданд

ҶАҲОН ДАР ЯК САТР

23.04.2019


ДЗЮ – ДО. Медали нуқраи Темур Раҳимов аз Чемпионати Осиё

Тиб. Муваффақияти камназири ҷарроҳони рус

Пирӯзии Зеленский дар интихоботи Украина

Фоҷиа дар Шри-Ланка Теъдоди қурбониён ба 300 нафар расид

Лукашенко Россияро ҳомии истиқлолияти Беларус номид


Дар сомонаҳои дигари Тоҷикистон хонед