logo

иҷтимоиёт

ХИЗМАТИ ҲАРБӢ. ВМКБ АВВАЛИН ШУДА АЗ ИҶРОИ НАҚША ГУЗОРИШ ДОД

Аз оғози даъвати тирамоҳии шаҳрвандон ба сафи Қувваҳои Мусаллаҳи Ҷумҳурии Тоҷикистон як моҳ сипарӣ гардид. Аз аввали моҳи октябри соли равон чорабиниҳои даъватии шаҳрвандон ба хизмати ҳарбӣ дар ҳама шаҳру навоҳии мамлакат дар сатҳи зарурӣ ҷараён дорад. Дар миёни шаҳру вилоятҳо ВМКБ пешсаф буда, аз иҷрои нақша гузориш дод.
Бино ба иттилои Ориф Нозимиён, сардори маркази матбуоти Вазорати мудофиаи Ҷумҳурии Тоҷикистон, иҷрои нақшаи даъват дар вилояти Суғд 90 дарсадро ташкил дода, шаҳрҳои Истиқлолу Бӯстон, Гулистон, ноҳияҳои Айнӣ, Зафаробод, Кӯҳистони Мастчоҳ, Спитамен, Шаҳристон, Деваштич ва Ҷаббор Расулов аз иҷрои нақша баромаданд. Дар вилояти Хатлон иҷрои нақша 85 дарсад буда, ноҳияҳои Носири Хусрав, Темурмалик ва Ховалинг нақшаро иҷро карданд. Дар шаҳру ноҳияҳои тобеи ҷумҳурӣ низ 78 дарсади нақша иҷро шудааст. Шаҳри Роғун аз иҷрои нақша баромад. Дар чор ноҳияи шаҳри Душанбе иҷрои нақша 96 дарсад буда, ноҳияҳои Исмоили Сомонӣ ва Шоҳмансур аз иҷро нақша гузориш додаанд. Дар маҷмӯъ, дар ҷумҳурӣ иҷрои нақшаи даъват 90 дарсад иҷро шудааст.
Натиҷаи солҳои қаблӣ ва ҳозир гардидани ҷавонон дар рӯзҳои аввали даъват ба комиссариатҳои ҳарбӣ нишон дод, ки ташкилу гузарондани чорабиниҳои пеш аз даъватӣ, корҳои фаҳмондадиҳӣ, дарки масъулияти хизмати ҳарбӣ, шаъну шарафи он ва дар таваҷҷуҳ бо хизматчиёни ҳарбӣ ба роҳ мондани ҳамкории доимӣ аз ҷониби сохтору идораҳои масъули даъватӣ ва намояндагони ҳамаи қишрҳои ҷомеа амали воқеӣ ва басо ҳам зарурӣ буда, метавонад омили пеш аз муҳлат иҷро шудани нақшаи даъват дар ҷумҳурӣ гардад.
Қобили зикр аст, ки ҳамакнун ин ҷавонаскарон дар ҳама қисмҳои низомии Артиши миллии кишвар, аз ҷумла дар ҷузъу томҳои Вазорати мудофиа дар фазои дӯстиву бародарӣ, якдигарфаҳмӣ миёни ҳамхизматон, садоқат ба халқу Ватан ва ҳифзи дастовардҳои даврони Истиқлолияти давлатӣ хизмат намуда, барои онҳо беҳтарин шароити дарсу тамрин муҳайё гардонда шудааст.
- Имрӯзҳо дар ҳамаи қисмҳои низомии Вазорати мудофиа мувофиқ ба талаботи ҳарбӣ барои ҳайати шахсӣ ё худ наваскарон синфхонаҳои таълимӣ, мавзеъҳои омӯзишии муҷаҳҳаз бо лавозимоти зарурӣ, ошхона, хобгоҳ, китобхона, шаҳракҳои васеи варзишӣ, мавзеъҳои махсуси суҳбатороӣ, хонаҳои дидорбинии волидони сарбозон ва дигар шароитҳои зарурӣ муҳайё карда шудаанд. Ҳамзамон, дар навъҳои қӯшуни Артиши миллӣ марказҳои таълимии дорои машқгоҳҳо мавҷуд буда, наваскарон зимни омӯзиши дарсҳои назариявӣ ва амалӣ ба онҳо ҷалб мешаванд. Дар ин машқгоҳҳо хаймаҳои муҷаҳҳаз бо лавозимоти зарурӣ барои дашту саҳро, ошхона, хобгоҳҳои саҳроӣ, парки техникӣ, нуқтаи тиббии саҳроӣ, хонаҳои фарҳангӣ - фароғатӣ ва синфхонаҳои зимистонаву тобистона, ҳаммом, майдончаҳои варзиш ва дигар шароити зарурӣ мавриди истифода қарор дода шудаанд, - изҳор дошт зимни суҳбат Ориф Нозимиён.
Ёдрас мешавем, ки тибқи Фармони Президенти Ҷумҳурии Тоҷикистон “Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намуданд ва даъвати навбатии шаҳрвандони солҳои таваллуди 1991 - 2000 -  уми Ҷумҳурии Тоҷикистон ба хизмати ҳарбӣ” ва ҷиҳати иҷрои талаботи Қонуни Ҷумҳурии Тоҷикистон “Дар бораи уҳдадории умумии ҳарбӣ ва хизмати ҳарбӣ” даъвати ҷавонон ба хизмати ҳатмии ҳарбӣ аз 1 октябри соли равон оғоз гардида, то охири моҳи ноябр идома меёбад.
Лашкар ШАРИФ, “Ҷумҳурият”

 


Баёни ақида (0)    Санаи нашр: 06.11.2018    №: 216    Мутолиа карданд: 216

05.09.2019


Ҷаҳон дар як сатр

СОҲИБКОР СОҲИБВАТАН АСТ

НОҲИЯИ АЙНӢ. Зиндагӣ ранги тоза мегирад

03.09.2019


Россия ба пешниҳоди ҳамкорӣ ба Макрон посух дод

Миллион нафар амрикоӣ ба ҷойҳои бехавф кӯчонда хоҳанд шуд

Ҳалокати 20 сарбози неруҳои амниятӣ дар вилояти Қундуз

ИМА ва Чин ба молҳои якдигар боҷҳои нав ҷорӣ карданд

ТАЭКВОН – ДО. Дурахши варзишгарони тоҷик дар чемпионати ҷаҳон

Ҷаҳон дар як сатр

РОFУН. Таъсиси хатсайрҳои нави сайёҳӣ

29.08.2019


Раҳмон Озода Эмомалӣ сафири Созмони байналмилалии «Занони сиёсатмадори роҳбар» дар Тоҷикистон таъйин гардид

Вохӯрии Сироҷиддин Муҳриддин бо Ҷейми Флай

ҶОМИ ПРЕЗИДЕНТИ ТОҶИКИСТОН НАСИБИ ТЕННИСБОЗОНИ ТОҶИКУ ӮЗБЕК ГАРДИД

САРИДОРАИ БОЙГОНӢ. Мизи мудаввар бахшида ба Ҷашни Истиқлолияти давлатӣ

Ҷаҳон дар як сатр

ИШТИРОКИ ҲАЙАТИ ТОҶИКИСТОН ДАР КОНФРОНСИ БАЙНАЛМИЛАЛӢ ОИД БА ҲИФЗИ МЕРОСИ ФАРҲАНГӢ

МТС. ЯК КОНФРОНСИ МУҲИМ

28.08.2019


ИДИ КАДУ ДАР ДУШАНБЕ

«БАҲОРИ ИСТИҚЛОЛ». ХАТСАЙРИ НАВИ САЙЁҲӢ ДАР ТУРСУНЗОДА

21.08.2019


Путин 4 сентябр бо Сарвазири Ҳиндустон музокирот мегузаронад

Амири Қатар даъвати Путинро ба ФИБП пазируфт

Даҳ ҳазор нафар бинобар сӯхтор дар пойтахти Бангладеш бе сарпаноҳ монд

Токио имкони ба мадор баровардани радифҳои ҳарбиро баррасӣ дорад

Ҷаҳон дар як сатр

ШИНОВАРӢ. Варзишгарони тоҷик ба Чемпионати ҷаҳон рафтанд

19.08.2019


Баррасии асосноккунии техникиву иқтисодии роҳи Қалъаи Хумб – Ванҷ

Баргузории ҳамоиши "Ҷавонони эҷодкор – парчамбардорони миллат ва пайравони Пешвои миллат"

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид


Дар сомонаҳои дигари Тоҷикистон хонед