logo

иқтисод

НАҚШИ СИФАТ ВА СТАНДАРТ ДАР РУШДИ ИҚТИСОДИ МИЛЛӢ

Рақобати шадиди бозорӣ тақозо дорад, ки корхонаҳои истеҳсолӣ молу маҳсулоти рақобатпазир ва бозгӯ ба талаботи бозори ҷаҳониро истеҳсол карда, сифати  хизматрасониро мувофиқ ба талаботи меъёрҳои стандартҳои байналмилалӣ ба роҳ монанд. Узви комилҳуқуқ будани Тоҷикистон дар Созмони ҷаҳонии савдо низ риояи чунин меъёрҳоро талаб мекунад.
Агентии «Тоҷикстандарт» мақомоти миллии соҳаи стандартонии Ҷумҳурии Тоҷикистон ба шумор рафта, нақши он  дар таъмини амнияти иқтисодии кишвар калон аст. «Тоҷикстандарт» Тоҷикистонро дар созмонҳои байналмилалии соҳаи стандартикунонӣ муаррифӣ менамояд ва дар ҷумҳурӣ мақомоти пешбаранда ва нигоҳдорандаи  фонди давлатии ҳуҷҷатҳои меъёрӣ - техникӣ мебошад. Айни ҳол дар фонди мазкур зиёда аз 24 ҳазор стандарти байнидавлатӣ, давлатӣ ва байналмилалӣ нигоҳ дошта мешавад. Аз миқдори умумии стандартҳои дар фонд мавҷудбуда 3165 ададро стандартҳои соҳаи кишоварзӣ ва хӯрокворӣ ташкил медиҳанд. Стандартҳои миллии фонди мазкур мунтазам ба стандартҳои байналмилалӣ ҳамоҳанг карда мешаванд.
- Стандартҳо ба истеҳсолкунандагон ва фурӯшандагон хизматрасониеро пешниҳод мекунанд, ки аз рӯи низоми идоракунии «чӣ тавр бояд маҳсулотро коркард намуд, ки дастраси ҳама бошад?» ба роҳ монда мешавад. Стандартҳо дастрасии ҳар шахс-ро ба маҳсулот, сохтор ва хизматрасониҳо осон намуда, дар худ талаботи бехатарӣ, меҳнатшиносӣ ва усулҳои мувофиқашудаи ҳамаи ташхисҳоро, ки ба тавсеаи дастрасӣ равона шудаанд, дар бар мегиранд. Ҳамзамон, барои паҳн намудани навовариҳои технологӣ дар кишварҳои мутараққӣ ва мамлакатҳои дар ҳоли рушд мусоидат намуда, барои рушди бозор ва савдои ҷаҳонӣ кумак менамоянд, - гуфт  Қудрат Давлатзода,  директори Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон (“Тоҷикстандарт”).
Бамеъёрдарории  техникӣ  ва  стандартонӣ яке  аз равандҳои  ҳамкориҳои  мустаҳками  давлат  ва  институтҳои  ғайридавлатӣ, иттиҳодияҳои  тиҷоратӣ,  муассисаҳои  илмӣ  ва ташкилотҳои  ҷамъиятӣ   мебошад. Стандартҳо бехатарии  мол, кор  ва  хизматрасониро дар  бозори дохилӣ таъмин  намуда,  нақши «Муҳаррики  савдо» - ро  иҷро  мекунанд  ва,  ҳамчунин,  механизми  фаъоли  банизомдарории  соҳаи  иҷтимоӣ ба  ҳисоб  мераванд. Ғайр  аз ин, стандартҳо мустақиман ба савдои  хориҷӣ  таъсир  расонда,  монеаҳои  техникиро  барои ба бозор ворид шудани маҳсулот кам менамоянд. Тибқи  маълумоти  омори байналмилалӣ,  80 фоизи  савдои  ҷаҳонӣ  аз  стандартҳо  вобастагӣ  дорад.
Ҳамчунин, болоравии сифати маҳсулот ва кору хизматрасониҳо  ба ҷорӣ намудани «Низоми менеҷменти сифат» марбут мебошад. Мақсади асосии ҷорӣ намудани ин низом дар корхонаҳои саноатӣ ва хизматрасониҳо, пеш аз ҳама,  фароҳамсозии шароити мусоид барои тавлиди молу маҳсулоти рақобатпазири ватанӣ, дар оянда пур намудани бозори истеъмолӣ бо маҳсулоти хушсифат, дар истеҳсолот ҷорӣ намудани усулҳои муосир, солимгардонии муҳити зист, сарфаи ашёи хоми истеҳсолӣ ва тақвияти иқтидори содиротии мамлакат мебошад.
- Дар натиҷаи ҷорӣ намудани «Низоми менеҷменти сифат» дар раванди истеҳсолот корхона имкон пайдо менамояд, ки дар миқёси байналмилалӣ шарикони боэътимоди худро пайдо намуда, аз ҳисоби сифатнокии маҳсулот даромади молиявӣ, яъне фоидаи иқтисодии зиёд ба даст орад. Яъне, дар натиҷаи татбиқи дурусти ин низом манфиатҳои иқтисодӣ зиёд гардида, камшавии хароҷот ва афзоиши истеҳсолот ба амал меояд. Барои расидан ба ин дастовардҳо шахсони масъули корхонаву ширкатҳо бояд талаботи стандартҳои байналмилалии силсилаи ИСО 9000 - ро ба хубӣ дарк намуда, ҳар чи зудтар дар корхонаҳои худ ҷорӣ намоянд, - гуфт Абдулвосит Абдураҳмонзода, сардори шуъбаи менеҷменти сифати агентӣ.
  Боиси  хушнудист, ки  имрӯз  сиёсати Ҳукумати ҷумҳурӣ ба  баланд  бардоштани рақобатпазирии  маҳсулоти  ватанӣ,  кор  ва  хизматрасониҳо  нигаронда шудааст ва  ин  барои  рушди  босуботи иқтисодиёти  кишвар  имконият  медиҳад.
“Тоҷикстандарт” дар робита ба  воридшавии ҷумҳурӣ ба СҶС, бо корхонаҳое, ки ба истеҳсолот сарукор доранд ва асосан маҳсулоти худро ба хориҷ содирот менамоянд, ҳамкориҳоро тақвият додааст ва барои таъмин намудани онҳо бо стандартҳои байналмилалӣ, ки омили асосӣ барои содироти маҳсулот ба ҳисоб мераванд, тадбирҳо меандешад. Бо мақсади  ҷорӣ намудани стандартҳои байналмилалӣ дар фаъолияти корхонаҳои истеҳсолӣ корҳои фаҳмондадиҳӣ гузаронда мешаванд. Ҷиҳати баланд бардоштани сифат ва бехатарии маҳсулоти истеҳсолӣ  дар 222 корхонаи  ватанӣ, аз ҷумла дар соли 2018 дар 25  корхона, корҳои сертификатсионӣ  ба сомон расонда шуданд.
Матлубаи АБДУҚАҲҲОР,
«Ҷумҳурият»


Баёни ақида (0)    Санаи нашр: 08.11.2018    №: 217    Мутолиа карданд: 209

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед