logo

иҷтимоиёт

ВАРЗИШ – ОМИЛИ ҶАЛБИ МАЪЮБОН БА ҲАЁТИ ҶАМЪИЯТӢ

Дастгирии шахсони имконияташон маҳдуд аз самтҳои афзалиятноки сиёсати Ҳукумати Ҷумҳурии Тоҷикистон ба ҳисоб меравад. Аз рӯзҳои аввали соҳибистиқлолӣ Роҳбарияти Олии мамлакат ба масъалаи таъмини ҳуқуқу озодии шахсони маъюб ва дастрасии эшон ба хизматрасониҳои тандурустӣ, тавонбахшӣ ва таҳсилот таваҷҷуҳи хосса зоҳир намуда, барои ба тарзи ҳаёти солим ҷалб намудани онҳо тадбирҳои зарурӣ меандешад.
Ҳамин аст, ки моҳи апрели соли 2017 бо дастгирии Фонди “Абилис”-и Финляндия дар назди Иттиҳодияи миллии нобиноён Федератсияи шашкаю шоҳмоти маъюбони Ҷумҳурии Тоҷикистон таъсис ёфт.
Тавре сарвари он Муҳиддин Бобоев иброз дошт, шашкаю шоҳмот аз он навъҳои варзишанд, ки маъюбон низ метавонанд дар баробари шахсони солим ба он машғул шаванд. Дар ин намудҳо метавон байни маъюбон беҳтарин чеҳраҳоро дарёфт кард. Барои мисол, Суҳроб Ҳамдамов аз Иттиҳодияи миллии нобиноён қаҳрамони ҷаҳон оид ба шоҳмот миёни биноиашон сустбуда, варзишгарони наврасу ҷавон, ба монанди Дилрабо Тӯрдиева, Аниса Амирхон, Амин Аброров, Юнус Сидиқов ва Маҳмудҷон Нуров, қаҳрамонҳои бисёркаратаи Тоҷикистон миёни шахсони солим мебошанд.
Мавриди зикр аст, ки айни замон Федератсияи шашкаю шоҳмот дар ҳамкорӣ бо Сафорати ИМА лоиҳаи “Варзиш барои тағйирдиҳӣ – имконпазир намудани варзиш ба одамони маъюб тавассути варзиши фарогир”-ро дар ду марҳила амалӣ намуда истодааст. Дар доираи он, бори нахуст мусобиқаи фарогир оид ба шашкаю шоҳмот миёни шахсони имконияташон маҳдуд ва солим баргузор гашт, ки дар он 84 нафар иштирок намуда, 30 нафарашон бо медалу ифтихорномаҳо қадрдонӣ шуданд.
Хурсандиовар аст, ки имрӯзҳо таваҷҷуҳи маъюбон ба варзиш беш аз пеш меафзояд ва онҳо на танҳо дар мусобиқаҳои ҷумҳуриявӣ, балки  байналмилалӣ низ иштироки фаъол доранд. Аз ҷумла, соли 2017 дар Чемпионати Осиё оид ба шоҳмот миёни шахсони имконияташон маҳдуд, ки дар шаҳри Бишкек доир гашт, Суҳроб Ҳамдамов (Иттиҳодияи миллии нобиноён) медали тилло, Амин Аброров (Ҷамъияти маъюбон) медали нуқра ва Баҳодур Абдуллоев (Ҷамъияти ношунавоён) медали биринҷӣ ба даст оварданд. Ҳамчунин, моҳи ноябри соли гузашта варзишгарони маъюби тоҷик дар шаҳри Тошканд дар мусобиқаи байналмилалии шашкаю шоҳмот байни нобиноён ва биноиашон суст мақоми 2 - юмро касб намуданд.
- Муваффақиятҳои бадастомада бозгӯи онанд, ки варзишгарони мо метавонанд ба натиҷаҳои аз ин ҳам беҳтар ноил гарданд. Фақат онҳоро бояд дастгирӣ кард, то тавонанд маҳорати касбии хешро сайқал бидиҳанд. Ба ин васила, худро узви ҷудонашавандаи ҷомеа ҳисобида, ба ояндаи нек устуворона гом ниҳанд, - мегӯяд Муҳиддин Бобоев.
Умед аст, ки варзишгарони маъюби тоҷик дар оянда низ дар мусобиқаҳои гуногуни байналмилалӣ оид ба шашкаю шоҳмот иштирок карда, бо дастовардҳову комёбиҳои хеш нуфузи мамлакатро дар арсаи ҷаҳонӣ боз ҳам баландтар мебардоранд.
Меҳрангез ҚОДИРОВА, “Ҷумҳурият”


Баёни ақида (0)    Санаи нашр: 08.11.2018    №: 217    Мутолиа карданд: 230

05.09.2019


Ҷаҳон дар як сатр

СОҲИБКОР СОҲИБВАТАН АСТ

НОҲИЯИ АЙНӢ. Зиндагӣ ранги тоза мегирад

03.09.2019


Россия ба пешниҳоди ҳамкорӣ ба Макрон посух дод

Миллион нафар амрикоӣ ба ҷойҳои бехавф кӯчонда хоҳанд шуд

Ҳалокати 20 сарбози неруҳои амниятӣ дар вилояти Қундуз

ИМА ва Чин ба молҳои якдигар боҷҳои нав ҷорӣ карданд

ТАЭКВОН – ДО. Дурахши варзишгарони тоҷик дар чемпионати ҷаҳон

Ҷаҳон дар як сатр

РОFУН. Таъсиси хатсайрҳои нави сайёҳӣ

29.08.2019


Раҳмон Озода Эмомалӣ сафири Созмони байналмилалии «Занони сиёсатмадори роҳбар» дар Тоҷикистон таъйин гардид

Вохӯрии Сироҷиддин Муҳриддин бо Ҷейми Флай

ҶОМИ ПРЕЗИДЕНТИ ТОҶИКИСТОН НАСИБИ ТЕННИСБОЗОНИ ТОҶИКУ ӮЗБЕК ГАРДИД

САРИДОРАИ БОЙГОНӢ. Мизи мудаввар бахшида ба Ҷашни Истиқлолияти давлатӣ

Ҷаҳон дар як сатр

ИШТИРОКИ ҲАЙАТИ ТОҶИКИСТОН ДАР КОНФРОНСИ БАЙНАЛМИЛАЛӢ ОИД БА ҲИФЗИ МЕРОСИ ФАРҲАНГӢ

МТС. ЯК КОНФРОНСИ МУҲИМ

28.08.2019


ИДИ КАДУ ДАР ДУШАНБЕ

«БАҲОРИ ИСТИҚЛОЛ». ХАТСАЙРИ НАВИ САЙЁҲӢ ДАР ТУРСУНЗОДА

21.08.2019


Путин 4 сентябр бо Сарвазири Ҳиндустон музокирот мегузаронад

Амири Қатар даъвати Путинро ба ФИБП пазируфт

Даҳ ҳазор нафар бинобар сӯхтор дар пойтахти Бангладеш бе сарпаноҳ монд

Токио имкони ба мадор баровардани радифҳои ҳарбиро баррасӣ дорад

Ҷаҳон дар як сатр

ШИНОВАРӢ. Варзишгарони тоҷик ба Чемпионати ҷаҳон рафтанд

19.08.2019


Баррасии асосноккунии техникиву иқтисодии роҳи Қалъаи Хумб – Ванҷ

Баргузории ҳамоиши "Ҷавонони эҷодкор – парчамбардорони миллат ва пайравони Пешвои миллат"

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид


Дар сомонаҳои дигари Тоҷикистон хонед