logo

иқтисод

САНОАТИ САБУК. АЗ ТАЪМИНОТ БА СОДИРОТ

Саноати сабук бахши афзали саноати Тоҷикистон буда, дар давраи соҳибистиқлолии ҷумҳурӣ бо дастгирии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон рӯ ба рушди устувор ниҳодааст. Бахусус, дар чанд соли охир дар самти нассоҷӣ, қолинбофӣ, дӯзандагӣ, истеҳсоли мебел, коркарди пӯст ва ҷӯроббофӣ иқтидорҳои нав  рӯйи кор омада, як қатор корхонаҳои соҳа таҷдид гардиданд. Давоми нуҳ моҳи соли ҷорӣ дар корхонаҳои соҳаи саноати сабук бо назардошти корхонаҳои пахтатозакунӣ зиёда аз 1,3 миллиард сомонӣ маҳсулот истеҳсол шудааст. 
Имрӯзҳо сармоягузорони хориҷӣ ба соҳаи коркарди нахи пахтаи кишвар таваҷҷуҳи бештар зоҳир намуда истодаанд. Корхонаҳо бо васл намудани дастгоҳу таҷҳизоти муосир коркарди нахи пахтаро ба роҳ мондаанд. Аз ҷумла, Маҷмаи нассоҷии ҶСП «Ҷунтай - Данғара Син Силу Текстил», ки якҷо бо шарикони чинӣ амал мекунад, дар рушди соҳаи коркард қадами устувор гузошт. Ҳамчунин, дар ин муддат дар кишвар 18 корхонаи ресандагӣ ба фаъолият оғоз намуда, 14,4 ҳазор тонна риштаи пахтагин истеҳсол намуд. Корхонаҳои «ИИ Нассоҷии Тоҷик», «Ҷавонӣ», «САТН», «Нассоҷи Хуҷанд», «Нику - Хуҷанд», «Ресандаи Қӯрғонтеппа» ва «Бофандаи Норак» коркарди пурраи нахи пахтаро ба роҳ монда, ришта ва матои пахтагин, маҳсулоти кешбофӣ ва дӯзандагӣ истеҳсол менамоянд.   
Самти фаъолияти корхонаҳои «Ваҳдат», «Нафиса» ва «Наврӯз» ба ҷӯроббофӣ равона гардида, дар нуҳ моҳи соли ҷорӣ 4,3 миллион ҷуфт ҷӯроб истеҳсол кардаанд, ки дар қиёс ба ҳамин давраи соли қаблӣ 2,9 миллион адад зиёд аст. Дар корхонаи «Ваҳдат» таҷҳизоти нав бо иқтидори солонаи рангубори зиёда аз 2000 тонна ришта мавриди истифода қарор дода шуд ва барои пӯшондани эҳтиёҷоти истеҳсоли худ ва корхонаҳои ҷӯроббофии дигари кишвар, риштаҳои пахтагини рангоранг тавлид менамояд. Истеҳсоли риштаи пахтагини рангшуда маҳсулоти воридотивазкунанда ва ба содирот нигарондашуда аст.
Дар корхонаҳои дӯзандагӣ либосҳои низомӣ, кории махсус, бачагона, мардона, занона, мактабӣ, варзишӣ, барои ҳоҷиён, рахти хоб, ҷиҳози нарм, хаймаҳои артишӣ, сумкаҳо, сарпӯшҳо, парчам, чарчинворӣ ва маҳсулоти ҳунарҳои нафисаи мардумӣ истеҳсол мешаванд. Тибқи маълумоти оморӣ ҳаҷми истеҳсоли маҳсулоти дӯзандагӣ дар кишвар мунтазам афзоиш ёфта, аз 111 миллион сомонии соли 2012 ба 203 миллион сомонӣ (дар соли 2017) расидааст. Истеҳсоли маҳсулоти дӯзандагӣ дар моҳҳои январ - сентябри соли равон беш аз 205 миллион сомониро ташкил дод. Ҳамзамон, аз ҷониби корхонаю коргоҳҳои соҳа 857538 либоси мактабӣ истеҳсол гардидааст.
Шаҳзода Қаюмова, сардори раёсати саноати сабук ва пиллаи Вазорати саноат ва технологияҳои нави кишвар, гуфт, ки давоми 9 моҳи соли ҷорӣ дар самти қолинбофӣ 2199 ҳазор метри мураббаъ маснуоти қолинӣ истеҳсол шудааст, ки дар қиёс ба ҳамин давраи соли сипаришуда наздики 600 ҳазор метри мураббаъ зиёд аст. 
Бахши мебелбаророни кишвар низ солҳои охир мунтазам рушд дорад. Ҳоло корхонаҳои ватанӣ иқтидори истеҳсоли ҳар намуд мебел, аз ҷумла барои утоқҳои корӣ, боғчаи кӯдакон, муассисаҳои таҳсилоти миёнаи умумӣ ва олӣ бо сифати ҷавобгӯ ба талаботи ҷориро доранд. Дар корхонаҳои соҳа дар ин давра ба маблағи зиёда аз 30 миллион сомонӣ маҳсулоти мебелӣ истеҳсол гардидааст. Ин нишондиҳанда нисбат ба ҳамин давраи соли гузашта 2,8 миллион сомонӣ зиёд аст.
Маҳсулоти истеҳсолнамудаи корхонаҳои ватанӣ дар бозорҳои хориҷи кишвар низ мавқеъ пайдо намуда, риштаҳои гуногуни пахтагин, матои пахтагин, маҳсулоти дӯзандагӣ аз қабили шиму куртаҳои мардона, бачагона аз ҷинс, нимшимҳо, либосҳои варзишӣ, кимоно, пӯсти коркардшудаи намуди вет-блю, маҳсулоти қолинӣ, кешбофӣ, ҷӯробҳои гуногун, нах ва пасандозҳои абрешимӣ ба кишварҳои Россия, Чин, Қазоқистон, Қирғизистон, Украина, Туркия, Полша, Италия содирот мешаванд.
Шаҳбоз АБРОР,
«Ҷумҳурият»


Баёни ақида (0)    Санаи нашр: 08.11.2018    №: 217    Мутолиа карданд: 239

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед