logo

иҷтимоиёт

ВАРЗОБ. ХАТИ НАВИ БАРҚ ДАР КӮКТЕППА

26 январи соли 2018 (№ 21) дар рӯзномаи «Ҷумҳурият» матлаб бо номи «Кӯктеппа. Бебарқии сокинон аз бемасъулиятии роҳбарон аст», ки дар асоси номаи шикоятии сокинони маҳалла таҳия шуда буд, ба табъ расид. Гап сари он мерафт, ки сокинони маҳаллаи номбурда солҳои тӯлонӣ бо сабаби набудани хати барқ аз истифодаи ин неруи зиндагибахш истифода карда наметавонистаанд. Баъди чопи матлаб, роҳбарияти тозатаъйини ноҳия ваъда дода буданд, ки дар муддати кӯтоҳ мушкили мардумро рафъ месозанд...
Ва, инак, 10 ноябр дар деҳаи Кӯктеппаи Ҷамоати деҳоти Зидеҳи ноҳияи Варзоб бо иштироки раиси ноҳия Муҳаммадулло Шерализода, намояндагони ширкати «Барқи тоҷик» ва сокинони ҷамоати деҳот дар фазои тантанавӣ хати барқ гузаронда шуд.
Дар мақомоти иҷроияи маҳаллии ҳокимияти давлатии ноҳия ба хабарнигори рӯзнома гуфтанд, ки пас аз нашри матлаб барои аз наздик шинос шудан бо вазъи мавҷуда ва вохӯрӣ бо сокинони деҳаи Кӯктеппаи Ҷамоати деҳоти Зидеҳ гурӯҳи корӣ таъсис дода шуд. Масъулони соҳа муваззаф шуданд, ки роҳҳои бо харҷи камтар сохтан ва гузарондани хати барқро ба деҳа омӯхта, дар ҳамкорӣ бо мақомоти иҷроияи маҳаллии ҳокимияти давлатии ноҳия ва ширкати «Барқи тоҷик» барои барқрасонӣ ба ин деҳа лоиҳаи сармоягузорӣ ва ё гранти хориҷиро дарёфт ва ҷалб намоянд. Аз ин рӯ, 3 феврали соли 2018 вохӯрии гурӯҳи корӣ бо сокинони деҳаи Кӯктеппа баргузор гардид.
Баҳриддин Нозимзода, муовини раиси ноҳия, гуфт, ки новобаста аз камбудиҳои ҷойдошта бо талоши роҳбарияти ноҳия дар арафаи ба истифода додани агрегати аввали иншооти аср - НБО - и Роғун ва дар доираи омодагӣ ба Ҷашни 30 - солагии Истиқлолияти давлатӣ дар як муддати кӯтоҳ ин иқдоми нек ҷомаи амал пӯшид. Сарпарасти иқдом ШСХК «Барқи тоҷик» буд. Корҳои сохтмонӣ, васлкунӣ ва кашидани хати барқро Ҷамъияти дорои масъулияти маҳдуди «Сохтмони барқи Душанбе» ба анҷом расонд. Масофаи хати барқ 3,7 километрро ташкил дода, 68 симчӯби оҳаниву бетонӣ ва зиёда аз 11 ҳазор метр сим гузаронда шуд. Маблағи лоиҳавӣ 726 ҳазор сомониро ташкил дод.
214 нафар сокини деҳа (23 хоҷагӣ) бо неруи барқи офтобӣ таъмин буданд. Дар ин деҳаи дурдасти кӯҳӣ офтоб кам буд, аз ин лиҳоз, таҷҳизоти барқистеҳсолкунандаи офтобӣ самари хуб намедод. Инчунин, дар деҳа неругоҳи барқи обии хурд низ дар фасли сармо кор намекард. Яъне, кӯктеппагиён дар сардӣ бе барқ мемонданд.
Саид Саъдуллоев, вакили маҷлиси вакилони халқи ноҳия аз деҳаи Кӯктеппа, гуфт, ки қатъи назар аз муроҷиатҳои пай дар пай солҳои тӯлонӣ ваъдаҳо дар рӯи коғаз мемонданд. Сокинони деҳа аз даврони шӯравӣ то ҳол муроҷиат мекарданд. Муроҷиати сокинони деҳа пас аз соли 2010 (пас аз гузарондани хати барқи баландшиддат) афзуд. Ба хулосае омадем, ки ҳоламонро ба Нашрияи расмии Ҷумҳурии Тоҷикистон - рӯзномаи «Ҷумҳурият» арз намоем. Хурсандиовар аст, ки роҳбарияти имрӯзаи ноҳия арзи моро шунида, ин иқдоми хайрро амалӣ сохтанд. Хеле рамзист, ки ин падидаи тоза дар арафаи ба кор оғоз кардани агрегати якуми НБО Роғун ба вуқӯъ пайваст. Роҳбарон ба ваъдаи худ вафо карданд. Мо ҳам дучанд кӯшиш мекунем, ки дар ободонии ин диёри аҷдодӣ бо тавони қудрате, ки дорем, саҳми худро гузорем…
Замони ба истифода додани хати неруи барқ сокинони деҳа шодиву хурсандӣ менамуданд. Аз наврасе пурсидем, ки «Имрӯз чӣ рӯз аст?». Наврас бо шодии ба худ хос гуфт: «Тӯйи «барқ» дорем».
Шаҳбоз АБРОР, «Ҷумҳурият» 

 


 


Баёни ақида (0)    Санаи нашр: 14.11.2018    №: 221    Мутолиа карданд: 143

03.05.2019


 ТАВСЕАИ ҲАМКОРИҲОИ СОХТОРҲОИ ГЕОЛОГИИ ТОҶИКИСТОНУ ӮЗБЕ-КИСТОН

 МУЛОҚОТИ ИСМАТУЛЛО НАСРЕДИН БО МЕҲР ХОЛИД

 ФИЛМИ «ТАНГНО» АЗ ҚАЗОН БО ҶОИЗА БАРГАШТ

 ИҶОЗАТНОМА БАРОИ ФАЪОЛИЯТИ ОПЕРАТОРИ НИЗОМИ ПАРДОХТӢ

 ЁВОН. БУНЁДИ 341 ИНШООТ ТО ҶАШНИ ФАРХУНДА

 ВАРЗОБ. ФАРДО АЗ ИМРӮЗ ЗЕБОТАР ХОҲАД ШУД

 ОЛМОН ЗИДДИ ВУРУДИ НИЗОМИЁН БА ВЕНЕСУЭЛА

 ДАР ҲИНДУСТОН АЗ ХАТАРИ ТУНДБОДИ «ФАНИ» БЕШ АЗ 800 ҲАЗОР НАФАР КӮЧОНДА ШУД

 ПАРЛАМЕНТИ ҚИРҒИЗИСТОН КОРКАРДИ КОНҲОИ УРАНРО БОЗДОШТ

 ДАР ТУРКМАНИСТОН НАРХИ ЧИПТАИ ҲАВОПАЙМОҲО ДУ БАРОБАР БОЛО РАФТ

ТУРКИЯ СЕЮМ КИШВАРИ САБЗТАРИНИ ДУНЁ ЭЪТИРОФ ШУД

02.05.2019


 Ҳадияи раиси шаҳр ба ифтихори 74 – умин солгарди Рӯзи Ғалаба

 Мулоқоти Хусрав Нозирӣ бо Муҳаммад ибни Абдураҳмон

 Баррасии фаъолияти ҳуқуқэҷодкунӣ дар кишвар

 ҶОМИ КФО. Пирӯзии «Истиқлол» бар «Дордой»

 Баргузории мизи гирд доир ба дипломатияи мардумӣ дар Тошканд

 Ҷонибҳои тақобули Сурия қисме аз масоили баҳсиро ҳал намуданд

 ЮНИСЕФ: "Беш аз 2 миллион нафар мардуми Ангола аз хушксолӣ дар азоб аст"

Дар Ҷопон давраи нави Рэйва оғоз ёфт

 Ҷаҳон дар як сатр

01.05.2019


Ноболиғони тоҷик ба Ватан баргардонда шуданд

Вохӯрии Сироҷиддин Муҳриддин бо Ҳамад Солим

Рушди иҷтимоиву иқтисодии минтақаҳои кишвар матраҳ гардид

Се собиқадори тоҷик дар паради Ғалаба дар Москва ва Санкт - Петербург ширкат мекунанд

Дар Венесуэла исён зидди ҳукумат бебарор анҷом ёфт

Дар Либия 345 нафар қурбони бархӯрди мусаллаҳона гашт

Истеҳсоли рекордии чой дар Кения

Дар Париж ба барҷастатарин занҳои олим арҷгузорӣ намуданд

ҶАҲОН ДАР ЯК САТР

23.04.2019


ДЗЮ – ДО. Медали нуқраи Темур Раҳимов аз Чемпионати Осиё

Тиб. Муваффақияти камназири ҷарроҳони рус

Пирӯзии Зеленский дар интихоботи Украина

Фоҷиа дар Шри-Ланка Теъдоди қурбониён ба 300 нафар расид

Лукашенко Россияро ҳомии истиқлолияти Беларус номид


Дар сомонаҳои дигари Тоҷикистон хонед