logo

сиёсат

НАМОДИ АСЛИ ИСТИҚЛОЛИЯТ

Пешвои воқеии миллат шинохта шудан дар масири таърих ба кам шахсиятҳо муяссар гаштааст. Президенти мо Эмомалӣ Раҳмон  ба шарофати фаъолияти созандаву бунёдкорона ва муҳаббате, ки байни  мардуми кишвар ва тоҷикони дунё доранд, ҳамчун Пешвои миллат шинохтаву пазируфта шудаанд.
Асл ва асоси пирӯзиҳои таърихии Эмомалӣ Раҳмон ҳадафҳои олии миллӣ ва барномарезиҳои дақиқу созандаи ӯст, ки бо неруву иродаи бузурги ватанхоҳию ватандорӣ дар сатҳи сиёсати давлатӣ барои эҳёи иқтидори маънавии тоҷикон ҳама восита ва заминаҳоро муҳайё сохт. Ҳамин сиёсати хирадмандона буд, ки ҷомеаро аз буҳрони амиқи сиёсӣ берун овард. Дар симои Пешвои миллат муҳтарам Эмомалӣ Раҳмон таърих бори дигар собит сохт, ки наҷоти ҳар давлату миллат дар лаҳзаҳои ҳассосу фоҷиабор ба зуҳури шахсияти бузург вобастагии зич дорад. Падид омадани  чунин шахсияти  барҷаставу нотакрор  бахти тоҷикон буд, зеро миллатро сарҷамъ намуд ва ба кишвар истиқлоли воқеӣ овард.
Маҷрои зиндагӣ ҳамвора равон аст, вале осоре аз худ мемонад. Бани одам борҳо яқин карда, ки соҳибистеъдодони бузург ҳамеша дар он ҷое зуҳур мекунанд, ки барои пайдоиш ва нумӯи онҳо заминаи мусоиди иҷтимоӣ вуҷуд дошта бошад. Баъд аз пош хӯрдани давлати абарқудрати Иттиҳоди Шӯравӣ Тоҷикистон дар ҷодаи  тараққиёти мустақил қадам ниҳод, вале, дафъатан гирифтори тӯфони  фалокатбор гардид. Ва ин айёми пурпечутоб ба арсаи сиёсат Эмомалӣ Раҳмонро овард ва намоди асли Истиқлолияти Тоҷикистон гардид.
Шахсияти Президент Эмомалӣ Раҳмон, қисмати  ӯ аз  бисёр ҷиҳат беҳамто ва нотакрор аст, вале айёме, ки мо ба сар мебарем, низ ба худ назир надорад ва пур аз ҳаводиси ногаҳонист. Андешаҳои халқпарваронаи Президент дар лаҳзаҳои ҳассостарини ҳаёташон низ эшонро тарк намекунанд. Шоҳидони  ҳол гувоҳанд, ки ҳангоми суиқасди ноҷавонмардона ба ҷони Сарвари давлат дар шаҳри Хуҷанд аввалин ҳарфи Президент аснои захмӣ шудан ин буд: «Халқ гуноҳ надорад. Ин кори қотилони зархарид аст».
Тавассути ранҷи чорякасраи Пешвои муаззам моро зиёда аз 150 давлат шинохт, миллат сарҷамъ шуд ва аз ҳама муҳимаш зиндагии шоиста насибамон гардид. Ҳар як муроҷиати Сарвари давлат аз ҷониби халқ бо ҳамовозии гарму  ҷӯшон баҳри он дастгирӣ меёбад, ки Эмомалӣ Раҳмон аз ҷумлаи сарвароне ҳастанд, ки ба шодиву ғами мардум доим шарик буда,  маҳбубияти хоссаеро соҳиб шудаанд.
Аз ин лиҳоз, агар бигӯем, ки Эмомалӣ Раҳмон наҷотбахши миллат, раҳнамо, ҳидоятгари мо ва сиёсатмадори шинохта дар ақсои оламанд, саҳве нахоҳад шуд. Ғояи сулҳу оштӣ ҳамдигарбахшию ҳамдигарфаҳмии тоҷиконро ба миён овард. Боиси фахр аст, ки имрӯз таҷрибаи сулҳофарии миллати моро ҷаҳониён меомӯзанд. Равобити иқтисодиву дӯстона бо давлатҳои пешрафтаи ҷаҳон сол ба сол густариш меёбад. Ин ҳама беҳтарин марҳилаҳо аз сиёсати оқилона ва дурбинонаи бунёдгузори давлати навини тоҷикон - Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сарчашма мегирад.
Ба мисли  президент Авраам Линколн, ки дар замони худ барои ягонагии ҷомеаи амрикоӣ талошҳо  варзида буд, Сарвари давлат Эмомалӣ Раҳмон тавонистанд, ки суннатҳои давлатдорӣ ва тамомияти арзии Тоҷикистонро маҳфуз доранд. Ин бузургтарин хизмат дар назди халқи хеш ва наслҳои оянда мебошад.  
Рустамҷон ОДИЗОДА, мудири бахши фарҳанги
мақомоти иҷроияи маҳаллии ҳокимияти давлатии  ноҳияи Ашт


Баёни ақида (0)    Санаи нашр: 16.11.2018    №: 223 - 224    Мутолиа карданд: 181

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал

ХАТЛОН. Таъсиси 31 корхона дар 6 моҳ

МАРКАЗИ ТАДҚИҚОТИ СТРАТЕГӢ. Ҳамкориҳо самар медиҳанд

"ТОҶИК ЭЙР". Парвозҳо аз нав шурӯъ гаштанд

Таъсиси 26 ширкати сайёҳӣ дар ним сол

ДДК. Шумораи омӯзгорони унвондор меафзояд

Ҷаҳон дар як сатр

ВАЗОРАТИ МЕҲНАТ, МУҲОҶИРАТ ВА ШУҒЛИ АҲОЛӢ. Музди миёнаи меҳнат – 1350 сомонӣ

ТИББИ ОИЛАВӢ МУҲИМТАРИН РУКНИ ТАНДУРУСТӢ


Дар сомонаҳои дигари Тоҷикистон хонед