logo

сиёсат

ПРЕЗИДЕНТ БА ВАНҶ ОБОДӢ ОВАРД

Имрӯзҳо сокинони ноҳияи Ванҷ, дар баробари кулли мардуми  кишвар, шодиву хурсандии басе ҳам фузун доранд. Хурду калони ин диёри пурганҷ Рӯзи Президенти Ҷумҳурии Тоҷикистонро бо фараҳмандӣ ҷашн мегиранд. Пиру барно дар шаъни Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  пурмеҳртарин суханонро вирди забон мекунанд.
Хизматҳои ин роҳбари сатҳи байналмилалӣ, абармарде, ки тамоми ҳастии хешу неруи хастанопазирашонро баҳри гул - гулшукуфии Тоҷикистон, аз ҷумла ноҳияи Ванҷ, бахшидааст, хеле бузург мебошад. Барои ҳамаи ин заҳматҳо, ободкориҳои беқиёс, хислатҳои наҷибона ва олиҳимматонаашон Президенти кишвар азизи ҳар як хонадони мардуми Ванҷзамин   гаштаанд.
Сокинони  ноҳия аз он ифтихорманд ва шукргузоранд, ки дар 27 соли истиқлолияти кишвар бо дастуру ҳидоятҳои Пешвои миллат дар Ванҷ, садҳо иншооти самтҳои гуногун бунёд гардиданд. Бебаҳотарин хизмати Ҷаноби Олӣ ташаббускорӣ ва меъморӣ дар бунёди шоҳроҳи  байналмилалии автомобилгарди Душанбе - Кӯлоб - Дарвоз - Хоруғ - Мурғоб - Кулма мебошад. Ҳоло дар даҳ соат ронандагону мусофирон бо нақлиёти автомобилӣ роҳи 480 -  километраи Ванҷ - Душанберо мепаймоянд.
11 сентябри соли равон Президенти кишвар зимни сафари корӣ ба ноҳияи Ванҷ дар суханрониашон таъкид намуданд: “Барои боз ҳам беҳтар намудани шароити инфрасохтори ноҳия корҳои омодасозии лоиҳа барои таҷдиди роҳи мошингарди Қалъаихумб - Ванҷ ба масофаи зиёда аз 92 километр бо харҷи беш аз 2 миллиард сомонӣ идома дорад».  Бо таҷдид ва азнавсозии қитъаи роҳи Дарвоз - Ванҷ фосилаи вақти ҳаракати мошинҳо ба Бадахшон боз ҳам камтар мегардад. Ҳар як ташрифи Пешвои маҳбуб ва муаззами миллат ба ноҳияи Ванҷ авҷу барори баланди амалҳои ободонӣ, бунёдкорӣ ва созандагиҳои зиёдеро рӯи кор меорад. Натиҷаҳои сафарҳои нахустини Роҳбари давлат ба он мусоидат намуд, ки корхонаи хиштбарории мавзеи Лугад ва чандин коргоҳҳои хурду миёна ба кор дароварда шуданд. Дар фосилаи кӯтоҳ неругоҳҳои барқи обии «Андарбак», «Техарв», «Пои Мазор», «Пшихарв» ва «Ғӯмаяк» сохта шуданд.
Баъди сафарҳои минбаъдаи кории Пешвои миллат Неругоҳи барқи обии «Ванҷ-2», варзишгоҳ дар маҳаллаи Убари Даргов, толори варзишии «Вастан», инчунин, пулҳои мошингузар дар мавзеъҳои Сурхсангов, Бодавд ва Шавуд-Будун аз болои Ванҷобу Язгуломоб, роҳи ҳашткилометраи автомобилгарди Жамаг-Зайч, бинои муассисаи таълимӣ дар деҳаи Ҷовидон, корхонаи истеҳсоли равғани ангат ва истироҳатгоҳ дар мавзеи Вишхарваки водии Ванҷи Боло ва боз даҳҳо иншоот мавриди истифодабарӣ  қарор гирифтанд.
Сафари кории моҳи сентябри соли ҷорӣ анҷомдодаи Пешвои миллат ба ноҳияи Ванҷ дар хотири сокинони ин диёри пурфайз дер боз боқӣ мемонад. Роҳбари давлат баъди мавриди истифода қарор додани биноҳои муассисаи таҳсилоти миёнаи умумии рақами 4, қасри фарҳанг, мақомоти иҷроияи маҳаллии ҳокимияти давлатии ноҳия ва шуъбаи  Кумитаи давлатии амнияти миллии мамлакат бо сокинони ин диёри пурфайз мулоқоти самимӣ ва ошкоро доштанд. Ҷаноби Олӣ аз дастовардҳои заҳматкашони ноҳия дар пиёдасозии  амалҳои ободонӣ ва бунёдкорӣ, вусъатбахшӣ дар самти боғдориву зироаткорӣ, истеҳсоли себу нок ва чормағзи хушсифаттарини ин минтақа изҳори қаноатмандӣ намуданд.
Роҳбари дилсӯз ва ғамхори миллат баҳри ободии минбаъдаи марказ ва деҳоти ноҳия, аз байн бурдани иморатҳои пастаки назарногири канори роҳу кӯчаҳо, бунёди  иншооти ҳозиразамони  соҳаи иҷтимоӣ, мумфаршу чароғон сохтани 5,5 километр роҳҳои шаҳраки Рохарв, бунёди боғи фарҳангиву истироҳатии ҷавобгӯи шавқу завқи мардум, ҳамчунин, рушди соҳаи кишоварзӣ, нигаҳдории себу ноки фаровони боғҳо, равнақи сайёҳӣ то домони пиряхҳои Федченко ва Хирсон,  азнавбарқароркунии роҳу пулҳо аз деҳаи Пои Мазор то наздикиҳои лозурҳо дар масофаи 20 километр тавсияҳо ва маслиҳатҳои судбахш доданд.
Аз рӯи нақша - чорабиниҳо то ҷашни пурифтихори 30 - солагии Истиқлолияти давлатии Ҷумҳурии Тоҷикистон дар ноҳия даҳҳо иншооти самти иҷтимоӣ, 8 пули нақлиётгузар, корхонаҳо ва садҳо манзилҳои истиқоматии ҷавобгӯи меъёрҳои меъмории ҷаҳонӣ ва шаҳрсозӣ бунёд мегардад. Роҳҳои ҷониби водиҳои Ванҷи Боло ва Язгулом, маконҳои тамошобоб барои сайру саёҳат тахту ҳамвор ва мумфарш мегарданд. Дар даромадгоҳи водии Ванҷи Боло пули мошингарди Ҷовидон - Потов мавриди истифода қарор мегирад. Раҳандозии ин корҳои бунёдгарӣ ва созандагӣ ба он мусоидат менамояд, ки барои ҷавонон  ҷойҳои нави корӣ муҳайё мешавад.
Барои ҳамаи ин дастгириҳо ва ғамхориҳои беназир, ободгарӣ ва созандагиҳои беқиёс мардуми ноҳияи Ванҷ аз Роҳбарияти Олии кишвар басе шоду мамнуну шукргузоранд. Натиҷаи ҳамаи ин дастгирӣ ва ғамхориҳост, ки пиру ҷавон  бо қалбҳои саршор аз меҳру муҳаббат ба Сарвари муаззами кишвар дар Рӯзи Президенти Ҷумҳурии Тоҷикистон саломатии бардавом, умри дароз, саодатмандӣ ва дар амалисозии   нақшаҳои ватандӯстонаашон, бо мақсади ба яке аз кишварҳои ободу зебо ва пешрафтаву тараққикардаи ҷаҳон табдил додани Тоҷикистон, барори кор мехоҳанд.
Давлатбӣ  РАҶАБОВА, раиси ноҳияи Ванҷ

 

 


Баёни ақида (0)    Санаи нашр: 19.11.2018    №: 225    Мутолиа карданд: 218

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед