logo

сиёсат

ПАРЧАМАТ БОДО ПАРАФШОН, ТОҶИКИСТОН!

Мусаллам аст, ки Парчами давлатӣ рамзи бахту саодат ва сарбаландии миллату давлат мебошад. Бешак, баёни ин ҳақиқат бо забони содаву равон ва фаҳмо гуфтан ба шогирдон осон нест. Барои дарки он нахуст тухми меҳри Парчами давлатиро дар замири дили онҳо мебояд, ки кишт. Ва ҳам он бояд самар  биёрад. Тавре мегӯянд, аз газанди обу ҳаво ва офтоби сӯзон нигоҳаш бояд дошт.
Ин муҳаббатро, ба яқин, дар як дарс ва ё як суҳбат наметавонад омӯзгор дар дилҳо бипарварад. Инчунин, як омӯзгор дар иҷрои ин амри хайр ба он мақсаде, ки дорад, дар алоҳидагӣ муваффақ намегардад. Яъне, зарур  аст, ки ҳар омӯзгор вобаста ба фанни таълимии худ моҳияти Парчами давлатиро баён бидорад.
Ман ба шогирдон зимни соатҳои таълимӣ ва тарбиявӣ мегӯям, ки Парчами давлатӣ муаррифгари симои мардуми тамаддунсози мо дар арсаи байналмилалӣ аст. Воқеан, ин ҳақиқати собитшуда мебошад. Парчами мо реша дар таърихи куҳани миллӣ дорад. Аз сарчашмаҳо маълум гардидааст, ки умри он ба беш аз 6600 сол мерасад. Васфу сифаташ чун «Парчами коваёнӣ» дар китобҳои қадимии «Авасто» ва «Таърихи Табарӣ» омадааст. Абулқосим Фирдавсӣ низ аз ин парчам ва таърихи пайдоишаш дар «Шоҳнома» ёдовар мешавад. Ниёгони пуршарафи мо онро хуш ва бо зару зевар меоростаанд. Ин, албатта, аз садоқат ва нангу номуси ватандориашон шаҳодат медиҳад. Дар майдони корзор ба ҳангоми разм бар зидди душманонашон ҷон медодаанду парчамро аз даст намедодаанд. Агар ҳам дасташонро мебуриданд, онро ба дандонҳо мегирифтаанду нигоҳ медоштаанд.
Зимни баёни ин ҳақиқати таърихӣ таъкид менамоям, ки чун ниёгонамон мо бояд Парчами миллиро дӯст бидорем ва пайи ҳифзашу пойдорияш ҳатто ҷонро дареғ надорем.
Ба вуҷуд овардани ин муҳаббат ногузир ва бисёр зарур мебошад. Дар ин сурат пеши бисёр амалҳои номатлуб ва гаравидан ба ҳаракатҳову ҳизбҳои ҳадафашон баду нопок пешгирӣ карда мешавад.
Қабули Парчами давлатӣ дар замони истиқлол ва ҳам даврони вазнину сангини миллат раванди давлатдорӣ ва мазмуну мундариҷаи зиндагиву тафаккури  халқи моро дигар кард. Он, дар ҳақиқат, иқдоми олии ватандӯстона буд. Ҳанӯз аз хотирҳо нарафта ва дар пеши чашмонамон ҷилвагар аст, ки дар он иҷлосияи сарнавиштсози миллат Сарвари тозаинтихоби давлат дар назди Парчами Тоҷикистон бо муҳаббату самимияти хос сари таъзим фуруд оварданд ва онро бӯсиданд. Дар ин лаҳзаҳои таърихӣ беихтиёр ашки муҳтарам Эмомалӣ Раҳмонро тамоми мардум тариқи телевизор диданд. Пас  аз он бовар ҳосил карданд, ки ин кишвар Сарвари ҳақиқии худро пайдо намуд.
Имрӯз дар фазои софу ороми кишвари азизамон парафшонии Парчами давлатиро  мебинему мутмаин мегардем ва низ умед мебандем, ки ояндаи ин давлату миллат дурахшон аст.
Дуову таманнои ҳамаи мо ин аст, ки «Парчамат бодо парафшон, Тоҷикистон!».
Санчагул БУРҲОНОВА, омӯзгор, ноҳияи Ёвон


Баёни ақида (0)    Санаи нашр: 23.11.2018    №: 229    Мутолиа карданд: 654
26.11.2021


Иштироки Рустами Эмомалӣ дар ҷаласаи навбатии Шурои Ассамблеяи байнипарлумонӣ

Лавров бо вазирони корҳои хориҷии Чин ва Ҳиндустон роҳҳои рушди ҳамкориҳои сеҷонибаро баррасӣ мекунад

Ҷаҳон дар як сатр

25.11.2021


Боздиди намояндагони Иттиҳоди Аврупо аз НБО «Норак»

Суҳбати Путин бо раиси Шурои Аврупо

Ҷаҳон дар як сатр

МАШҒУЛИЯТИ ОМӮЗИШӢ ОИД БА МАБЛАҒГУЗОРИИ ХУРД МУВОФИҚИ ПРИНСИПҲОИ МАБЛАҒГУЗОРИИ ИСЛОМӢ

24.11.2021


Масъалаи аломатгузории хати сарҳади давлатӣ баррасӣ шуд

Ҷаҳон дар як сатр

Путин, Алиев ва Пашинян 26 ноябр дар Сочи мулоқот хоҳанд кард

ЛИГАИ ҚАҲРАМОНҲО

ВАО. НАҚШИ МУҲИМТАРИН ВОСИТАИ ТАЪСИРРАСОНӢ ДАР ЗАМОНИ ПАНДЕМИЯ

ЛАХШ. ТАНТАНАИ ҶАШНИ МИЛЛӢ

С А Н О А Т . МАҲСУЛОТИ ВАТАНӢ ИФТИХОРИ МАНУ МО

РӮЗИ ПАРЧАМИ ДАВЛАТӢ. ҲАМОИШИ ҶАШНӢ ДАР ДМТ

ФУРӮҒИ ВАТАНДОРӢ

22.11.2021


Ҷамъбасти машқҳои тактикии «Кобалт-2021»

ТИБ. БАРРАСИИ МУҲИМТАРИН САМТҲОИ СОҲА

МУҲАММАД ҒОИБ: «ДИЛ ЁФТАНУ САРҶАМЪ СОХТАНИ МИЛЛАТ ОСОН НАБУД!»

ДДЗТ: АЗ ТАЪСИСИ МАРКАЗИ TOEFL ТО ИНТИШОРИ 5 КИТОБИ МУҲИМ

ИЛМ. БАРГУЗОРИИ ҲАМОИШИ МУҲИМ

18.11.2021


Россия аз хатари паҳншавии терроризм ба кишварҳои ҳамсояи Афғонистон ҳушдор дод

ҶИУ-ҶИТСУ

ҶАҲОН ДАР ЯК САТР

ҒАМХОРИ ТАБИАТ БОШЕМ!

17.11.2021


“Созандагиҳои Пешвои миллат дар тули се даҳсолаи соҳибистиқлолӣ”

12.11.2021


Рӯзи Президент дар сатҳи баланд таҷлил мешавад

Рӯзи Президент дар сатҳи баланд таҷлил мешавад

“КОНСТИТУТСИЯ – САНАДИ САРНАВИШТСОЗ ВА БАХТНОМАИ МИЛЛАТИ ТОҶИК”

РАШТ. УФУҚҲОИ РУШДИ КИШОВАРЗӢ

11.11.2021


Шурои амнияти ФР: «Ҳузури доимии СММ дар Афғонистон бояд нигоҳ дошта шавад»

Ҷаҳон дар як сатр

ЛИГАИ ОЛӢ

10.11.2021


Вохӯрии Сироҷиддин Муҳриддин бо кормандони Сафорати Тоҷикистон дар Россия

ҶАЛАСАИ САЙЁРИ РУШДИ МАҲАЛ


Дар сомонаҳои дигари Тоҷикистон хонед