logo

туризм

САЙЁҲӢ. НАТИҶАҲО БЕШТАР АЗ ИНТИЗОРИҲО

Сайёҳӣ барои  ба шуғл фаро гирифтани аҳолии қобили меҳнат, баланд бардоштани сатҳи зиндагии мардум, рушди дигар соҳаҳои хизматрасониву истеҳсолӣ, инчунин, муаррифии  таъриху фарҳанг ва сарватҳои  табиию анъанаҳои миллӣ дар ҷаҳон аз бахшҳои муҳим  ба ҳисоб меравад. Бо мақсади тараққӣ додани соҳа муаррифии  шоистаи имкониятҳои сайёҳии мамлакат  дар арсаи байналмилалӣ ва ба  ин  васила  ҷалб намудани  сармоя барои соҳаҳои дигари иқтисоди миллӣ  бо  иқдоми  Асосгузори  сулҳу  ваҳдати  миллӣ – Пешвои миллат,  Президенти Ҷумҳурии Тоҷикистон муҳтарам Эмомалӣ Раҳмон  соли 2018 дар кишвар Соли рушди сайёҳӣ ва ҳунарҳои мардумӣ эълон гардид.
Ин ташаббус барои соҳибкорону ҳунармандони дохилию хориҷӣ имтиёзҳои фарохи фаъолиятро фароҳам овард. Ширкатҳои сайёҳӣ аз дастгириҳои навбатии давлату Ҳукумати Тоҷикистон бархурдор шуда, фаъолияти чашмрас нишон дода истодаанд. Ҳамин аст, ки  дар як муддати кӯтоҳ дар самти сайёҳӣ пешравиҳои назаррас ба амал омаданд. Гузашта аз ин, тадбири мазкур  барои тарғибу ташвиқи васеи мавзеъҳои сайёҳии ҷумҳурӣ ва анъанаҳои миллӣ дар арсаи байналмилалӣ мусоидат намуд.
Баробари дастовардҳои ба дастомада барои боз ҳам  тақвият додани хизматрасонии сайёҳии дохилӣ  давлату Ҳукумат ба беҳбудии инфрасохтори он, омӯхтани таҷрибаи давлатҳои дигар,  ҷалби мутахассисони кордон ва  сармоягузорӣ  таваҷҷуҳи хосса зоҳир менамояд. Дар ин росто, бо дастгирии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон имтиёзҳои назарраси андозию гумрукӣ пешниҳод шуданд. Аз ҷумла, тибқи муқаррароти махсуси қонунгузорӣ ширкатҳои сайёҳӣ давоми панҷ соли аввали фаъолият аз андози фоида, воридоти таҷҳизот ва масолеҳи сохтмонӣ барои бунёди иншооти сайёҳӣ -  меҳмонхона, осоишгоҳ,  истироҳатгоҳҳо, марказҳои хизматрасонӣ аз андоз аз арзиши иловашуда ва боҷи гумрукӣ озод шуданд. Ҳамчунин,  меъёри боҷи гумрукӣ барои воридоти автомошинаҳои нави сабукрав 50 дарсад коҳиш ёфт, ки ин амал ҳавасмандии соҳибкоронро ҷиҳати фаъолият дар ин бахш ва рушди инфрасохтори он  бештар менамояд.
Дар кишвар ба омодасозии кадрҳои соҳаи сайёҳӣ беш аз даҳ муассисаи олии таълимӣ ва миёнаи махсус машғуланд. Мушоҳидаҳо нишон медиҳанд, ки сол то сол сафи мутахассисони бомаҳорат дар ин бахши ояндадори мамлакат зиёд мегардад. Аз ҷумла, баҳри омӯзиши таҷрибаи кишварҳои аз ҷиҳати сайёҳӣ пешрафта мунтазам мутахассисони соҳибтаҷрибаи давлатҳои дигар даъват карда мешаванд.
Ҳоло дар Тоҷикистон барои шаҳрвандони 78 кишвар низоми содакардашудаи раводиди электронӣ ҷорӣ шудааст.
Мувофиқи маълумоти оморӣ, воридоти сайёҳон ба кишвар  сол аз сол зиёд мешавад. Агар соли 2017 ба ҷумҳурӣ беш аз  400 ҳазор сайёҳ ташриф оварда бошад, ин нишондиҳанда танҳо дар  нимаи аввали соли ҷорӣ 900 ҳазор нафарро ташкил медиҳад.  Тибқи Консепсияи рушди туризм дар Тоҷикистон барои солҳои 2009 - 2019 то соли 2020 воридоти сайёҳон ба ҷумҳурӣ  то 1 миллион нафар пешбинӣ гардидааст. Нишондиҳандаҳои мазкур аз он шаҳодат медиҳанд, ки Ҳукумати Ҷумҳурии Тоҷикистон ба соҳаи сайёҳӣ диққати  ҳамаҷониба  дода, барои  рушди  он заминаҳои заруриро фароҳам овардааст ва натиҷаҳои бадастомада бештар аз интизориҳост.
Афзалшоҳ ҲАФИЗЗОДА, донишҷӯйи курси сеюми
факултаи иқтисод ва идораи ДМТ


Баёни ақида (0)    Санаи нашр: 26.11.2018    №: 230    Мутолиа карданд: 387

14.11.2019


Мулоқоти Ҷамолиддин Нуралиев бо намояндагони «Moody’s Investors Service»

Оид ба имконоти рушди кӯдакон форуми байналмилалӣ доир мешавад

Тақвияти робитаҳои иқтисодию тиҷоратӣ бо музофоти Ҳубэй

Таэквондо. 22 медали варзишгарони тоҷик аз Бухоро

"Тулӯи ҳақиқат" дар Рӯзи Президент

Шумораи сайёҳон дар Россия беш аз 20 дарсад афзудааст

Ашқобод мизбони нишасти зиддитеррористии ниҳодҳои дипломатии кишварҳои ҳамсуд

Сарвазири Ҳиндустон вохӯрияш бо Путинро олиҷаноб номид

Сесад ҷангии «Давлати исломӣ» дар Афғонистон таслим шуд

Коломойский ба Украина рӯ ҷониби Россия оварданро пешниҳод намуд

Ҷаҳон дар як сатр

13.11.2019


Дар Осетия пайкараи Абулқосим Фирдавсӣ гузошта шуд

Назарбоев: "Зеленский ба мулоқот бо Путин дар Қазоқистон ризоият дод"

Дания аз бозгашти террористони «худӣ» ба кишвар шод нест

Ҷаҳон дар як сатр

“Бункер” ба Фаронса меравад

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад

Таъкиди Путин аз зарурати арҷгузории арзишҳои оилаи серфарзанд

Сарвазири Афғонистон: "Натиҷа бояд ба раъйдиҳии воқеии халқи мо асос ёфта бошад"

Чин ба шарти бастани созишномаи тиҷоратӣ бо ИМА ба мувофиқа расид

Ҷаҳон дар як сатр

САМБО. Медалҳои биринҷии гӯштигирони тоҷик

08.11.2019


Давлаталӣ Саид бо Мансур бинни Зойид оли Наҳён вохӯрд

Баргузории конференсия оид ба саҳми диаспораҳо дар рушди кишвар

Масоили ҳамкории фарҳангӣ матраҳ шуданд


Дар сомонаҳои дигари Тоҷикистон хонед