logo

сиёсат

БА ПЕШ, ТОҶИКИСТОН!

Беш аз ду даҳсола аст, ки кишвари азизамон Тоҷикистон бо эътимоди қавӣ ба ояндаи дурахшони худ дар ҳалқаи мамолики мутамаддини ҷаҳон шарафмандона ва шоиста гом мениҳад. Қобили зикр аст, ки мафҳуми аслии Истиқлолияти давлатиро истиқлоли сиёсӣ, фарҳангӣ, иқтисодӣ ва энергетикӣ комил месозад. Ва ин рӯйдоди муҳими таърихӣ – ба кор андохтани агрегати нахустини неругоҳи “Роғун”, ки моро насиб гашту шоҳидаш будем, кафили пешрафт, рушд ва бақои миллати тоҷик хоҳад буд.
Ҷои ёдоварист, ки таърихи ҳар қавму халқият  шахсиятҳоеро мешиносад, ки ба туфайли эшон миллат муаррифӣ мегардад ва дигарон бо назари хос ба онҳо менигаранд. Дар таърихи навини кишвари мо абармарди назаркардаи Худо, Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба майдон омад, ки боиси пояндагӣ ва бақои давлату миллат гардид. Бунёди иншооти аср - Неругоҳи барқи обии “Роғун”, ки бо талошҳо ва заҳматҳои ин марди наҷиб рӯи кор омад, далелест раднопазир аз ватандӯстии ӯ.
Баъди ба даст овардани сулҳ аз ҷониби Сарвари давлат дар фазои Ватан насими тозаи эҳё, созандагӣ ва бунёдкорӣ вазид. Иншооти зиёди фароғатию варзишӣ ва маишӣ, корхонаҳои хурду бузурги истеҳсолӣ, биноҳои истиқоматӣ, муассисаҳои таълимӣ, шифохонаву бунгоҳҳои тиббӣ, нақбу роҳҳо ва ғайра сохта ба истифода дода шуданд. То ба гардиш даровардани агрегати НБО - и “Роғун”, бо талошҳои Пешвои муаззам “Сангтӯда - 1”, “Сангтуда - 2” мавриди истифода қарор гирифтанд, ки аз ҳадафҳои стратегии Ҳукумати кишвар дар афзун намудани неруи барқ маҳсуб меёбад. Ин ҳадафи бузург намоди номус ва шарафи халқу Ватан аст. Сохтмони НБО  “Роғун” моҳият ва арзиши байналмилалӣ дорад. Ин неругоҳ на танҳо хонадони тоҷикистониён, балки манзили кишварҳои ҳамҷаворро низ мунаввар хоҳад кард. Ба чарх даромадани агрегати якум тапиши қалби мардуми кишвар ва рӯҳи шикастнопазири онро қавитар ва устувортар сохт. Бешак, мардуми умедвор аз ин неругоҳи тақдирсоз неру гирифт. Ҳангоме ки зимоми сарнавишти миллат ба дасти фарзонафарзанди Ватан, Пешвои миллат муҳтарам Эмомалӣ Раҳмон вогузор гашт, сатрҳои ҷовидонаи Муҳаммад Иқбол ба хотир омаданд, ки фармудааст:
Худо он миллатеро сарварӣ дод,
Ки тақдираш ба дасти хеш бинвишт.
Ба он миллат сару коре надорад,
Ки деҳқонаш барои дигарон кишт.
Бунёди неругоҳ ба ҷуз аз он ки аҳамияти бузурги стратегӣ барои пешрафти кишвар дорад, инчунин, мактаби бузурги гидроэнергетикӣ низ ба шумор меравад, зеро ин мактаб дар таҷрибаандӯзии мо дар ин масир  ёрии беандоза метавонад расонад. Хушбахтона, корҳои лоиҳакашии неругоҳҳои барқи обии “Шӯроб”, “Фондарё”, “Нуробод -1”, “Нуробод-2” идома доранд, ки барои фардои дурахшони мо заминаи рушди иқтисодиётро фароҳам хоҳанд овард. Яъне, ин мактаби бузург барои тарбияи мутахассисони соҳаи энергетика пойгоҳи устуворест.
Албатта, ин ҳама дастоварде, ки насиб гашт, натиҷаи талошҳои Пешвои муаззами миллат буд. Ибтикор дар эҳёи “Роғун” сароғози корномаҳои навбатии Президенти мамлакат Эмомалӣ Раҳмон маҳсуб мешавад, ки дар таърихи даврони соҳибистиқлолии кишварамон бо ҳарфҳои заррин сабт шуда, дар фосилаи садсолаҳо батаҳриковарандаи пешравиҳои бузурги иқтисодӣ хоҳад гашт. Азму иродаи Пешвои миллат буд, ки сохтмони неругоҳи “Роғун” ба корзори нангу номуси ватандории тоҷику тоҷикистонӣ табдил ёфт.
Ба таъбири шоир Муҳаммадалии Аҷамӣ:
Афсона ҳақиқате шуд, инак,
Афсонаи бегазанд омад.
Аз ғайрати Пешвои миллат
Талхӣ ҳама рафт, қанд омад.
Эй марди Худой, бо ту ҳастем,
Маънист чунин, баланд омад.
Малоҳати АБДУЛЛО, узви Иттифоқи журналистони Тоҷикистон


Баёни ақида (0)    Санаи нашр: 27.11.2018    №: 231    Мутолиа карданд: 603
29.11.2021


Алиев: «Россия дар ба эътидол овардани равобити Ереван ва Боку нақши муҳим дорад»

Ҷаҳон дар як сатр

МУЛОҚОТИ ҲОКИМ ХОЛИҚЗОДА БО САФИРИ АРАБИСТОНИ САУДӢ ДАР ТОҶИКИСТОН

26.11.2021


Иштироки Рустами Эмомалӣ дар ҷаласаи навбатии Шурои Ассамблеяи байнипарлумонӣ

Лавров бо вазирони корҳои хориҷии Чин ва Ҳиндустон роҳҳои рушди ҳамкориҳои сеҷонибаро баррасӣ мекунад

Ҷаҳон дар як сатр

25.11.2021


Боздиди намояндагони Иттиҳоди Аврупо аз НБО «Норак»

Суҳбати Путин бо раиси Шурои Аврупо

Ҷаҳон дар як сатр

МАШҒУЛИЯТИ ОМӮЗИШӢ ОИД БА МАБЛАҒГУЗОРИИ ХУРД МУВОФИҚИ ПРИНСИПҲОИ МАБЛАҒГУЗОРИИ ИСЛОМӢ

24.11.2021


Масъалаи аломатгузории хати сарҳади давлатӣ баррасӣ шуд

Ҷаҳон дар як сатр

Путин, Алиев ва Пашинян 26 ноябр дар Сочи мулоқот хоҳанд кард

ЛИГАИ ҚАҲРАМОНҲО

ВАО. НАҚШИ МУҲИМТАРИН ВОСИТАИ ТАЪСИРРАСОНӢ ДАР ЗАМОНИ ПАНДЕМИЯ

ЛАХШ. ТАНТАНАИ ҶАШНИ МИЛЛӢ

С А Н О А Т . МАҲСУЛОТИ ВАТАНӢ ИФТИХОРИ МАНУ МО

РӮЗИ ПАРЧАМИ ДАВЛАТӢ. ҲАМОИШИ ҶАШНӢ ДАР ДМТ

ФУРӮҒИ ВАТАНДОРӢ

22.11.2021


Ҷамъбасти машқҳои тактикии «Кобалт-2021»

ТИБ. БАРРАСИИ МУҲИМТАРИН САМТҲОИ СОҲА

МУҲАММАД ҒОИБ: «ДИЛ ЁФТАНУ САРҶАМЪ СОХТАНИ МИЛЛАТ ОСОН НАБУД!»

ДДЗТ: АЗ ТАЪСИСИ МАРКАЗИ TOEFL ТО ИНТИШОРИ 5 КИТОБИ МУҲИМ

ИЛМ. БАРГУЗОРИИ ҲАМОИШИ МУҲИМ

18.11.2021


Россия аз хатари паҳншавии терроризм ба кишварҳои ҳамсояи Афғонистон ҳушдор дод

ҶИУ-ҶИТСУ

ҶАҲОН ДАР ЯК САТР

ҒАМХОРИ ТАБИАТ БОШЕМ!

17.11.2021


“Созандагиҳои Пешвои миллат дар тули се даҳсолаи соҳибистиқлолӣ”

12.11.2021


Рӯзи Президент дар сатҳи баланд таҷлил мешавад

Рӯзи Президент дар сатҳи баланд таҷлил мешавад

“КОНСТИТУТСИЯ – САНАДИ САРНАВИШТСОЗ ВА БАХТНОМАИ МИЛЛАТИ ТОҶИК”

РАШТ. УФУҚҲОИ РУШДИ КИШОВАРЗӢ

11.11.2021


Шурои амнияти ФР: «Ҳузури доимии СММ дар Афғонистон бояд нигоҳ дошта шавад»

Ҷаҳон дар як сатр


Дар сомонаҳои дигари Тоҷикистон хонед