logo

иҷтимоиёт

ДУШАНБЕ. ҲИФЗИ ИҶТИМОӢ ДАР МАДДИ АВВАЛ

Дар шаҳри Душанбе конгресси 2 - юми миллии шахсони дорои маъюбият ба кори худ шурӯъ кард. Дар ҳамоиш намояндаи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Соима Муҳаббатова, сафири Ҷумҳурии Федералии Олмон дар Тоҷикистон Ҳайтхарт Ҳёфер-Виссинг, роҳбари Иттиҳодияи миллии маъюбони Тоҷикистон Асадулло Зикрихудоев, шахсони дорои маъюбият аз ҷумҳуриву хориҷи кишвар ва намояндагони ҷамъиятҳои онҳо иштироку суханронӣ намуданд.
- Ҳадафи конгресс, ки соли дуюм роҳандозӣ мешавад, баланд бардоштани сатҳи огоҳӣ дар бораи ҳуқуқу озодиҳои шахсони дорои имконияти маҳдуд, дастгирии иҷтимоии онҳо тавассути таълим ва барномаҳои гуногун, баланд бардоштани неру, дигаргун кардани тасаввуроти атрофиён дар бораи онҳо ва таъмини фаъолияти ин қишри ҷомеа дар ҳаёти ҷамъиятӣ мебошад, - изҳор дошт Асадулло Зикрихудоев.
Мувофиқи маълумот, айни замон дар ҷумҳурӣ 148 650 маъюб расман ба қайд гирифта шуда, ба онҳо нафақаҳои маъюбӣ пардохта мешавад. Зиёда аз 26 ҳазори онҳоро кӯдакон ташкил медиҳанд.
Ҳайтхарт Ҳёфер-Виссинг хурсандии худро аз чорабинии мазкур изҳор намуда, зикр кард, ки Тоҷикистон дар масъалаи ҳифзи иҷтимоии аҳолӣ, бавижа барои таъминоти неруи моддиву маишӣ ва маънавии шахсони дорои имконияти маҳдуд тадбирҳои зиёд андешидааст ва як намунаи барҷастаи он конгресси имрӯза аст. «Мо мебинем, ки дар кишваратон барномаҳои вижа қабул шудааст ва Ҳукумати шумо аз ҳар ҷиҳат мехоҳад ин қишри ҷомеа дар баробари дигарон озоду комилҳуқуқ зиндагӣ ва фаъолият намоянд», - зикр намуд Ҳ. Ҳ. Виссинг.
Зикр кардан бамаврид аст, ки бо қарори Ҳукумати Ҷумҳурии Тоҷикистон аз 28 октябри соли 2016 барои кӯдакони имконияташон маҳдуд Барномаи миллии тавонбахшии маъюбон барои солҳои 2017 - 2020 ба тасвиб расид. Ҳоло дар мамлакат ду муассиса - маркази миллии тавонбахшии кӯдакони маъюби «Чорбоғ» ва маркази байналмилалии тавонбахшии маъюбон дар ноҳияи Балҷувон амал мекунад.
Дар қисмати дувуми ҳамоиш барномаҳои «Рақси даст ба даст», «Рақси миллӣ дар аробачаи маъюбӣ», «Забони имову ишора», «Саёҳат бо чашмони пӯшида» манзури ҳозирон гардиданд. Барномаҳои ёдшударо мутахассисони тоҷик дар ҳамкорӣ бо шаҳрвандони Россия, Олмон, Амрико ва Ӯзбекистон таҳия кардаанд.
Бавижа, маҳсули дастони ҳунармандони дорои маъюбият дар дилу дидаи меҳмонони дохиливу хориҷӣ таассуроти неку хотирмон гузошт. Онҳо тавассути ҳунар, санъат, эҷодкорӣ, рақсу суруд, забондонӣ мехоҳанд дар рушди минбаъдаи Тоҷикистон саҳм гузоранд ва худро на ҳамчун «сарборӣ», балки шахсони манфиатовару худшинос муаррифӣ намоянд.
Дар доираи он барномаҳои ҷолиб, мубоҳисаҳои таҳлилӣ, тамошои филмҳо, дарсҳои маҳорат ва барномаҳои фарҳангиву фароғатӣ манзур мешаванд.
Бузургмеҳри БАҲОДУР,
«Ҷумҳурият»


Баёни ақида (0)    Санаи нашр: 04.12.2018    №: 238 - 239    Мутолиа карданд: 216

26.01.2020


Тасдиқи рамзи "30 - солагии Истиқлолияти давлатии Ҷумҳурии Тоҷикистон"

Тасдиқи рамзи "Солҳои рушди деҳот, сайёҳӣ ва ҳунарҳои мардумӣ" эълон гардидани солҳои 2019 - 2021

Ноҳияи Дӯстӣ. Қонуншиканиҳо коҳиш меёбанд

ТОҶИКИСТОН ВА ӮЗБЕКИСТОН. Таъсиси корхонаи муштараки истеҳсолӣ

Файзобод. Рӯ ба рушд

ОЗМУНИ ЧИНИИ "ОВОЗИ ТИЛЛОӢ". Ғолибон муайян шуданд

"ҶОМИ РУШД – 2020". Тоҷикистон дар финал

Дар Чин усули табобати коронавирусро пайдо намуданд

Путин вохӯрии панҷ аъзои доимии Шӯрои амнияти СММ - ро пешниҳод намуд

Макрон пешниҳоди Путинро дар бораи вохӯрии кишварҳои аъзои доимии Шӯрои амният хуш пазируфт

Эътилоф амалиёти низомиро дар Ироқ боздошт

Меркел дар Давос бо сарони Ироқ ва Афғонистон вохӯрд

Ҷаҳон дар як сатр

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст

Меркел бо Си Ҷинпин натоиҷи конфронси Берлин оид ба Либияро баррасӣ намуд

Солеҳ ва Трамп масъалаи аз Ироқ баровардани сипоҳи хориҷиро мавриди муҳокима қарор доданд

Котиби давлатии ИМА бори аввал ба Минск меояд

Ба сокинони Ухани бинобар хурӯҷи коронавирус тарки шаҳрро манъ карданд

Ҷаҳон дар як сатр

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад

Барои офаридани ваксинаи русӣ бар зидди коронавируси чинӣ ним сол зарур аст

Дар Лубнон бори нахуст зан вазири мудофиа шуд

Дар Чин собиқ сарвари Интерпол барои пора 13,5 сол паси панҷара меравад

Ҷаҳон дар як сатр

Маъюбон. Махзани ягонаи электронӣ таъсис ёфт

21.01.2020


"ҶОМИ РУШД – 2020". Тоҷикистон тими Исландияро шикаст дод


Дар сомонаҳои дигари Тоҷикистон хонед