logo

сиёсат

ЧАРХАИ ИҚБОЛИ МИЛЛАТ ЧАРХ ЗАН!

Он рӯз Тоҷикистон барҳақ ид дошт. Иди нур, шодию сурур, ки дар он зиёда аз нуҳ ҳазор нафар иштирокчиён – кормандону масъулони неругоҳ, аҳли зиёи кишвар ва меҳмонони олиқадр аз мамлакатҳои дуру наздик ҷамъ омада, оғози фаъолияти агрегати аввалини НБО «Роғун» ва пахши тугмачаи рамзиро аз ҷониби Пешвои миллат муҳтарам Эмомалӣ Раҳмон интизорӣ мекашиданд.
Ду соли охир ҳудуди неругоҳ майдони корзор ва қаҳрамониҳо буд. Ин лаҳзаҳои хотирмонро ба чашм дида хотираҳои хуш моро ба санаи 29 октябри соли 2016 мебарад. Бо даъвати Кумитаи иҷроияи ҲХДТ ба мо раисони кумитаҳои иҷроияи вилоятҳо, шаҳрҳо, ноҳияҳо ва фаъолони ҳизб муяссар гардид, ки дар қатори дигар фаъолони кишвар дар маросими  оғози бастани маҷрои рӯди Вахш ва бунёди обанбори НБО «Роғун» иштирок намоем.  Мо дар автобусҳои замонавӣ ва барҳаво нишаста роҳ сӯи шаҳри Роғун пеш гирифтем.
Ҳангоми наздикшавӣ ба шаҳри Роғун, дар соҳили  дарёи Вахш макони нурофарон ба чашм намудор гардид. Техникаҳои зиёди пуриқтидор дар ҳаракат буданд. Дар ҷойе, ки мебоист пеши роҳи рӯди пуртуғён баста мешуд, садҳо ҳазор тонна қуму санг ҷамъ шуда буд. Аз дур даромадгоҳи нақбҳои сохтмонӣ ба назар мерасид. Дар дили кӯҳ сохтмон бо авҷ идома дошт. Дар он лаҳза  ду тарафи соҳили рӯди Вахш идона оро дода шуда,  ҳазорон нафар чашм ба соҳил дӯхта буданд. Ниҳоят, зери кафкӯбиҳои пурмавҷ ва нидоҳои шодмонӣ Пешвои миллат бо либоси кории бунёдкорони «Роғун» аз мошин берун шуданд ва ба паси чанбараки булдозери пуриқтидор нишаста, пеши маҷрои дарёи Вахшро бастан гирифтанд. Дар ин дам мардум ба ҳаяҷон омада бо нидои шодӣ ва мамнуният ба Сарвари давлат аҳсант мегуфтанд.
Маҷрои рӯд оҳиста - оҳиста тангтар ва оби ҷамъшуда ба дарвозаҳои ду нақби бузурги соҳил наздик мешуд. Баъди муддате ду соҳили рӯд ба ҳам пайваст шуд ва нахустин касе, ки ин роҳро убур карда гузашт, муҳтарам Эмомалӣ Раҳмон буданд.
Пешвои миллат таъкид намуданд: «Имрӯз рӯзи равшаниву нур ва пойдевори асосӣ барои расидан ба ормонҳои миллӣ ва фардои дурахшони Тоҷикистон мебошад». Ин суханон дар хотири мо то ҳанӯз нақш бастааст. Бале, "Роғун" рамзи рӯшноӣ, истодагарию матонати миллати мо бо сарварии Пешвои миллат мебошад.
Барои ман ҳамчун як корманди ҳизбӣ ба истифода дода шудани агрегати нахустини НБО «Роғун» боиси ифтихор аст. Зеро ман низ чун яке аз шаҳвандони хушиқболи Ватан ин рӯзи саидро бесаброна интизорӣ мекашидам. Оғози фаъолияти НБО «Роғун» беҳтарин туҳфа ва хушбахтии  беназир барои тоҷикистониён  ҳам ҳаст.  Зеро фаъолияти муназзами корхонаҳои саноатиро таъмин карда, дар коҳиши сатҳи камбизоатӣ ва баланд гардидани сатҳу сифати зиндагонии мардум саҳм мегузорад. 
Мурод ШУКУРЗОДА, раиси КИ ҲХДТ дар шаҳри Панҷакент


Баёни ақида (0)    Санаи нашр: 05.12.2018    №: 240    Мутолиа карданд: 151

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед