logo

иҷтимоиёт

"ҶУМҲУРИЯТ" ВА ИДИ МАЪРИФАТ

Ин матлаб бештару пештар аз ҳама як ҷаҳон шодиву нишоти мардуми сарбаланди Айнӣ, махсусан фараҳмандии аҳли зиёи ин ноҳияро бозгӯ мекунад. Зеро бо иқдоми Нашрияи расмии Ҷумҳурии Тоҷикистон – рӯзномаи «Ҷумҳурият» ба ноҳия ташриф овардани як гурӯҳ адибону рӯзноманигорони маъруфи Тоҷикистон ва ҷавонони боғайрат ба дилу дидаҳо нур бахшид.
Як сол қабл аз ин, соли 2017, ҷамъбасти озмуни «Ҷумҳурият», ки муштарак бо мақомоти иҷроияи маҳаллии ҳокимияти давлатии ноҳияи Айнӣ ба хотири посдории ному нишони устод Садриддин Айнӣ ва гиромидошти забон гузашт, дар диёри мо ид болои ид шуд.
Аз як тараф халқ аз аллома Айнӣ ёд кунанд, аз тарафи дигар шоирону нависандагон ва қаламбадастони азизи худро, ки то ин вақт бо осору ашъорашон ошно буданд, рӯ ба рӯ диданд. Суҳбат оростанд ва шеъру суханашонро шуниданд.
Ростӣ, ин иқдоми наҷиб дар чанд соли охир барои мардуми мо тозаю хотирмон буд. Дидани шахсиятҳое чун Ҳақназар Ғоиб, Муҳаммад Ғоиб, Зафар Мирзоён, ки аз минтақаи Кӯлобанд, барои мо шодии дучанд эҳдо кард. Халқ барвақт аз осори онҳо баҳрвар шуда буд, аммо дидани онҳо боз ҳам ифтихор афзуд.
Устодони дигар Гулназар, Камол Насрулло, Мансур Суруш низ аз азизтарин меҳмонони мо буданд.
Ин иқдоми рӯзномаи бонуфузу серхонандаи «Ҷумҳурият» замони дури наврасию ҷавониро ба ёд меорад. Маҳз он замон адибону ҳурнармандони шинохта ба пеши хонанда меомаданд, суҳбату саволу ҷавобҳои мароқангез барпо мекарданд, дар дилҳо чароғи маърифатро фурӯзон менамуданд.
Паҳлуи дигари масарратбахши ин озмун ин буда, ки банда низ дар радифи ин қадар бузургон ба гирифтани ҷоизаи махсуси озмун мушарраф шудам. Ва ҳиммату ибтикори кормандону рӯзноманигорони қадршиноси рӯзнома сабаб шудаву бори дигар дар озмуни Соли рушди сайёҳӣ ва ҳунарҳои мардумӣ, ки соли равон дар Рӯзи Рӯдакӣ баргузор шуд, соҳибҷоиза будам.
Ҷиҳати наҷибтарини озмуни дар ноҳияи Айнӣ баргузоршуда таъмиру таҷдид шудани гулгашт ва пайкараи Қаҳрамони Тоҷикистон Садриддин Айнӣ буд. Ин муҷассама таърихчаи мухтасаре дорад.
Пайкаре, ки ҳоло дар маркази ноҳия аст, дар замони шӯравӣ дар шаҳри Душанбе, пеши меҳмонхонаи «Душанбе», ё маҷмааи бузурги савдои «Садбарг» меистод. Баъдан, ба ҷойи ин муҷассама маҷмааи пуршукӯҳе қомат афрохт, ки он ҷо устод бо қаҳрамонони асарҳои ҷовидонаи худ пеши назар ҷилвагар аст. Бояд зикр кард, ки ин маҷмаа ҳамчун шоҳасар ба дарёфти Ҷоизаи давлатии Иттиҳоди Шӯравӣ мушарраф гардида буд.
Ҳоло пайкараи устод дар ҳалқаи силсилакӯҳҳо ва дар паҳлуи манори бостонии Варзи Манор аст ва дар даст асо, бо андешаи фардо нишастааст. Акнун онҳое, ки ба зиёрат меоянд, дар деворнигораҳои атроф манзараҳои дилангези ин диёрро мебинанд, ки номи устод Айниро дорад.
Мо дар миёни кӯҳистон рӯзномаи «Ҷумҳурият» - ро бо садои баланд мехонем. Зеро он ба дилу дидаҳо роҳ ёфтааст.
Муҳаммадносир НАСРУЛЛОЕВ,
сармуҳаррири нашрияи «Меҳнат» - и ноҳияи Айнӣ


Баёни ақида (0)    Санаи нашр: 05.12.2018    №: 240    Мутолиа карданд: 277

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст

Меркел бо Си Ҷинпин натоиҷи конфронси Берлин оид ба Либияро баррасӣ намуд

Солеҳ ва Трамп масъалаи аз Ироқ баровардани сипоҳи хориҷиро мавриди муҳокима қарор доданд

Котиби давлатии ИМА бори аввал ба Минск меояд

Ба сокинони Ухани бинобар хурӯҷи коронавирус тарки шаҳрро манъ карданд

Ҷаҳон дар як сатр

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад

Барои офаридани ваксинаи русӣ бар зидди коронавируси чинӣ ним сол зарур аст

Дар Лубнон бори нахуст зан вазири мудофиа шуд

Дар Чин собиқ сарвари Интерпол барои пора 13,5 сол паси панҷара меравад

Ҷаҳон дар як сатр

Маъюбон. Махзани ягонаи электронӣ таъсис ёфт

21.01.2020


"ҶОМИ РУШД – 2020". Тоҷикистон тими Исландияро шикаст дод

Россия ва Франсия ба музокирот дар чорчӯбаи «2+2» тайёрӣ мебинанд

Баҳои коршиноси Амороти Муттаҳидаи Араб ба конфронси Берлин оид ба қазияи Либия

Салиби сурх: «Ҷанги Яман боиси фирори се миллион нафар гашт»

Шарқи Канада зери барф монд

Соли гузашта дар Италия ҳар ним соат замин ҷунбид

Ҷаҳон дар як сатр

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД


Дар сомонаҳои дигари Тоҷикистон хонед