logo

иқтисод

МУЪМИНОБОД. ФАРДО ДУРАХШОН ХОҲАД БУД

Дар асоси Амри Президенти Ҷумҳурии Тоҷикистон аз 22 майи соли 2018 “Дар бораи омодагии ҳамаҷониба ба Ҷашни 30 - солагии Истиқлолияти давлатии Ҷумҳурии Тоҷикистон” дар ноҳияи Муъминобод корҳои созандагию бунёдкорӣ аз рӯи таҳияи нақшаи чорабиниҳо бомаром ҷараён доранд.
Нақша аз 238 банд иборат буда, дар ноҳия давоми се соли омодагиҳо сохтмони 22 бунгоҳи тиббӣ, 1 маркази саломатӣ, 23 мактаб, корхонаҳои коркарди шир, пашм, қуму шағал, сохтмони биноҳои маъмурии прокуратура, бахши бойгонӣ, таъмири роҳҳо, сохтмони хати оби нӯшоӣ ва иваз намудани симчӯбҳои куҳна, ҳамчунин, 23 ҳаммом ва 18 сартарошхона дар назар аст.
Тоҳирхон Амиршозода, раиси ноҳия, иброз дошт, ки иқдоми пешгирифтаи Президенти Ҷумҳурии Тоҷикистон муҳтарам Эмомалӣ Раҳмон барои сазовор истиқбол гирифтани ин ҷашни бузурги миллӣ ва ба ин восита, боз ҳам беҳтар кардани сатҳи зиндагӣ ва тақвияти рушди иқтисодию иҷтимоӣ хеле бамаврид ва саривақтист. Дар шаҳраку деҳот аз ҷониби соҳибкорон, шахсони саховатпеша ва саҳми аҳолӣ корҳои таъмиру азнавсозӣ ва бунёди иншооти нав вусъати тоза гирифта, то 15 ноябри соли ҷорӣ 21 банди нақшаи чорабиниҳо пурра иҷро гардид. Аз ҷумла, дар Ҷамоати шаҳраки Муъминобод сохтмони ҳуҷраҳои кории иловагӣ ва беҳтар намудани шароити меҳнатии кормандони сохтори КАТС ба анҷом расида, таъмиру азнавсозӣ, мумфарш ва равшаннамоии 10 километр роҳи дохили шаҳрак, азнавсозии Қалъаи Муъминобод, сохтмони корхонаҳои дӯзандагӣ, коркарди шир, сартарошхона, кошонаи ҳусн, бозори меваю сабзавот, ошхона, дорухона, сохтмони бинои прокуратура, корхонаи коркарди маҳсулоти заргарӣ ва хонаи 36 ҳуҷрадор дар кӯчаи Т. Раҳимови шаҳрак бомаром идома дорад. Ҳамчунин, иваз кардани лӯлаҳои обгузар, таъмири роҳи кӯчаи Н.Сафаров, 4 синфхонаи муассисаи таҳсилоти миёнаи умумии № 30, таъмини аҳолии маҳаллаи Ҷавонони шаҳрак бо трансформатор, оби нӯшоӣ ва бунёди майдончаи варзиш дар назди биноҳои истиқоматӣ ба роҳ монда шудаанд. Таълиму тарбия, аз худ кардани донишу таҷрибаи муосир, ки аз роҳҳои беҳбуд бахшидан ба фаъолияти соҳаҳои иқтисодиву иҷтимоӣ ва тайёр кардани мутахассисони баландихтисос ба ҳисоб меравад, бинобар ин таъмиру азнавсозӣ, бунёди муассисаҳои нави таълимӣ низ масъалаи муҳими фарогири нақшаи чорабиниҳо мебошад. Дар деҳаи Кӯлчашмаи Ҷамоати деҳоти ба номи Нуралишо Назаров айни замон, корҳои таъмир ва бо мизу курсӣ таъмин кардани синфхонаҳои муассисаи таҳсилоти миёнаи умумии №4 барои 1179 хонанда, дар деҳаи Кӯлчашмаи Боло сохтмони муассисаи нави таълимӣ барои 150 хонанда дар як баст, синфхонаҳои иловагӣ дар назди муассисаи таҳсилоти миёнаи умумии № 45, деҳаи Лиҷаки Поён,  муассисаи таълимӣ барои 200 нафар хонанда дар назди филиали муассисаи таҳсилоти миёнаи умумии №4 - и деҳаи Хосабоӣ идома дорад. Дар ҳамин деҳот барои бунёди меҳмонхона, корхонаҳои коркарди маҳсулоти шир ва мева, маркази хизматрасонӣ, чойхона, ошхона дар деҳаи Кӯлчашма, лагери истироҳатӣ барои хонандагон дар деҳаи Деҳлоло корҳои лоиҳакашӣ ҷараён доранд.
Ноҳия бо табиати зебо ва мавзеъҳои тамошобоби худ имкониятҳои васеи рушди сайёҳиро дорост. Дар робита ба ин, ба ифтихори Соли рушди сайёҳӣ ва ҳунарҳои мардумӣ масъулони соҳа баҳри рушди туризми табобатӣ ва истироҳатӣ чораҳои зарурӣ андешиданд. Барои сайёҳон ишораҳои туристӣ, гӯшаҳои иттилоотӣ ва нуқтаҳои ҳунарҳои дастӣ насб ва майдони аспсаворӣ бунёд хоҳанд кард.   
Дар Ҷамоати деҳоти ба номи Шамсиддин Шоҳин то ба имрӯз 4 банди нақшаи чорабиниҳо, аз ҷумла сохтмони нуқтаи фурӯши сӯзишворӣ, гази моеъ ва таъмири автомобилҳо дар деҳаи Толеи Нав, сохтмони осиёби барқӣ ва коргоҳи чӯб (пилорама) ба анҷом расиданд. Бунёди зеристгоҳи барқӣ дар деҳаи Чашмасор ва сохтмони бунгоҳи тиббӣ, китобхона, сартарошхона ва ҳаммом дар деҳаи Толеи Нав ҳамоно ҷараён дорад.
Корҳои созандагию бунёдкорӣ дар доираи омодагиҳо ба ҷашни бузург тамоми деҳоти ноҳияро фаро гирифта, аз ояндаи дурахшон шаҳодат медиҳанд.
О. ВАФОБЕК, «Ҷумҳурият»


Баёни ақида (0)    Санаи нашр: 06.12.2018    №: 241    Мутолиа карданд: 152

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд


Дар сомонаҳои дигари Тоҷикистон хонед