logo

фарҳанг

ХУДО ОН ҶОСТ, КИ РОСТӢ ХОНА ДОРАД...

Мардуми тоҷик дар оғози солҳои соҳибистиқлолӣ ба муаммои сардаргум печид. Махсусан, ҷанги шаҳрвандӣ, ки бо дастгирии хориҷиён ва мусоидати Ҳизби наҳзати ислом оғоз гардид, сабаб шуду ҳазорон шаҳрвандон ҷони худро аз даст доданд, қисме аз мардум бехонаву дар  монда, овораву сарсон ба хоки Афғонистон ва дигар кишварҳо фирор карданд.
Аз ин ҳодисаҳои мудҳиш ва нанговар ду даҳосола гузаштаасту бас. Вале маълум мегардад, ки як зумра касони иғвоангез аз он ҳодисаҳои даҳшатнок сабақ нагирифтаанд. Ваъда дода буданд, ки дигар ба ин корҳо даст намезананд ва танҳо барои манфиати мардуми тоҷик ва Тоҷикистон кору зиндагӣ мекунанд. Аммо солҳои охир чунин тарзи рафтору муносибати онҳоро надидем ва маълум мешавад, ки ваъдаҳои онҳо саризабонӣ будааст.
Аз осори устод Абуабдуллоҳи Рӯдакӣ то  Садриддин Айнӣ ғояи сулҳ дар ҷои аввал қарор дорад. «Шоҳнома» - и безаволи Фирдавсӣ достони ситоиши хирад, сулҳ, созандагӣ ва таҷаллии рӯҳи ҷовидонаи мардуми озодаи мо мебошад. Арзиши волои сулҳ дар давраҳои мудҳиш ва хатарноки таърих боз ҳам возеҳтару амиқтар таҷассуми худро ёфтааст. Масалан, даврони лашкаркашиҳои Искандару Чингизхон ва Темур боиси қурбонии ҷони миллионҳо нафар мардуми бегуноҳ ва нобуд гардидани осори гаронбаҳои гузаштагон шуда буд.  
Саъдии бузургвор бо назардошти аҳамияти таърихии сулҳ, зарурати он, амният ва пешрафти ҷомеа, онро чунин қаламдод кардааст:
Агар пилзӯрӣ, агар шерчанг,
Ба наздики ман сулҳ беҳтар зи ҷанг.
Эҷодиёти Мавлоно Ҷалолиддини Балхӣ низ фарогири фалсафаи сулҳи умумибашарӣ буда, дар «Маснавии маънавӣ» - и ҷовидонааш ваҳдат, дӯстӣ, бародарӣ, ҳамзистӣ, таҳаммулпазирӣ ва робитаи неки байни инсонҳоро аз ҷумлаи рисолатҳои азаливу аслии ҳузури башар шумурда, чунин мефармояд: 
Мо барои васл кардан омадем,
На барои фасл кардан омадем.
Мавлоно муқобили ҷудоиву душманӣ ва ҷангу хунрезиҳо дар дунё буда, асли ҳаёти башарро дар пояи меҳр, рафоқат ва некиву ҳамзистӣ дар байни халқиятҳо медонад. Нигоҳи ӯ на ба як миллату халқияти ҷудогона равона аст, балки ӯ инсониятро дар як ҳад қарор медиҳад ва амнияту осоиши башарро амнияти ҷаҳон медонад.
Далелҳои таърихӣ собит менамоянд, ки аҷдоди мо аз давраҳои қадим  на  танҳо дар бораи олами набототу коинот изҳори ақида кардаанд, балки аз боби эътиқод, имон, дину оин, фалсафа, ҳаёту мамот, маънавият ва паҳлуҳои гуногуни он ибрози назар намудаву мавқеи хос доштаанд.
Фазилат ва маънавиёти воло доштани ниёгони мо осори онҳоро то ба имрӯз пураҳамият нигоҳ доштааст. Ҳамин тавр, маълум мешавад, ки онҳо ҷонибдори сулҳу субот ва оромии сарзамини худ ва ҷомеаи ҷаҳонӣ низ будаанд. Бовар доштанд, ки ягонагиву суботи сиёсӣ иқтидори давлатро баланд бардошта, пешрафту ободии ҷомеаро таъмин менамояд. Пас, сабаб чист, ки имрӯз намояндагони ташкилоти экстремистиву террористии ҳизби наҳзат дар Аврупо истода, худро ҳамчун шахсони миллатдӯст, худогоҳ вонамуд мекунанд ва бар муқобили халқу миллати хеш санги маломат мезананд?
Хушбахтона, Тоҷикистон бо сарварии Пешвои миллат муҳтарам Эмомалӣ Раҳмон сол аз сол ба муваффақиятҳо ноил шуда истодааст. Бовар дорем, ки дар оянда низ бо меҳнату заҳмати шаҳрвандон кишвари азизамон ба комёбиҳои назаррас ноил мегардад ва душманону нотавонбинон бо ҳасрату таассуф хор мешаванд.
Шуҳрат САИДЗОДА,  дотсенти кафедраи сиёсатшиносии ДДҲБСТ


Баёни ақида (0)    Санаи нашр: 17.12.2018    №: 248    Мутолиа карданд: 313
03.04.2020


ВАРЗОБ. ТАВАҶҶУҲ БА ВАРЗИШ МЕАФЗОЯД

«ЮВЕНТУС» РОНАЛДУРО БА 70 МИЛЛИОН ЕВРО ФУРӮХТАНИСТ

ТЕЪДОДИ АШХОСИ АЗ КОРОНАВИРУС ШИФОЁФТА АЗ 200 ҲАЗОР НАФАР ГУЗАШТ

ТОҶИКИСТОН БА ИСТЕҲСОЛИ НИҚОБИ ТИББӢ ВА ЛИБОСИ МАХСУС ШУРӮЪ НАМУД

СУТ: «БЕШ АЗ 95 ДАРСАДИ ҚУРБОНИЁНИ COVID-19 ДАР АВРУПО АШХОСИ КАЛОНСОЛАНД»

ПУТИН ТО ОХИРИ АПРЕЛ ИСТИРОҲАТ ЭЪЛОН КАРД

ДАР ЭРОН БЕШ АЗ 15 ҲАЗОР МУБТАЛОИ КОРОНАВИРУС СИҲАТ ШУД

Ҷаҳон дар як сатр

02.04.2020


МАШВАРАТИ КОРИИ МУОВИНИ РАИСИ МАҶЛИСИ НАМОЯНДАГОН БО ВАКИЛОНИ МАРДУМӢ

ҶАВОНОНИ ТОҶИКОБОД БА САФИ ҚУВВАҲОИ МУСАЛЛАҲ ПАЙВАСТАНД

САЙЁҲӢ. ТАШКИЛИ 12 ХАТСАЙРИ НАВ

ШИРКАТИ 42 ЛЕГИОНЕР ДАР ЧЕМПИОНАТИ НАВБАТИИ ТОҶИКИСТОН

СУТ РАСМАН ДАР ТОҶИКИСТОН НАБУДАНИ КОРОНАВИРУСРО ТАСДИҚ НАМУД

ГАРДИШИ МОЛ МИЁНИ ТОҶИКИСТОН ВА КИШВАРҲОИ СҲШ АЗ НИМ МИЛЛИАРД ДОЛЛАР БОЛО РАФТ

АРАБИСТОНИ САУДӢ: "АЗ САФАР БА ҲАҶ ХУДДОРӢ КУНЕД!"

СОКИНИ 101 - СОЛАИ НИДЕРЛАНД АЗ COVID-19 ҶОН БА САЛОМАТ БУРД

Ҷаҳон дар як сатр

01.04.2020


ХАТЛОН. ҶОИЗА БАРОИ МУҲАҚҚИҚОНИ ИЛМҲОИ ТАБИАТШИНОСӢ ВА ДАҚИҚ

СУҒД. БЕШ АЗ 30 КОРХОНАИ ИСТЕҲСОЛИ ОРДУ РАВҒАН

НУФУЗИ САЙЁҲИИ ТОҶИКИСТОН МЕАФЗОЯД

ФАЪОЛИЯТИ ҲУҚУҚЭҶОДКУНӢ БА МАРҲИЛАИ СИФАТАН НАВ ВОРИД ШУД

«ҚАҲРАМОНИ АБАДӢ - ТЕМУРМАЛИК» ДАР ҶУМҲУРИИ КОРЕЯ БА ТАБЪ РАСИД

ТОКИО. САНАИ БАРГУЗОРИИ БОЗИҲОИ ОЛИМПӢ МАЪЛУМ ШУД

ТАНТАНАҲОИ НАВРӮЗӢ ДАР ЛАХШ

ҲИФЗИ МУҲИТИ ЗИСТ. ИҶРОИ БАРНОМА МУҲОКИМА ГАРДИД

СУТ: 165 ҲАЗОР БЕМОРИ COVID-19 ШИФО ЁФТ

ЧИН БАРОИ ПЕШГИРӢ АЗ КОРОНАВИРУС БА ТОҶИКИСТОН АФЗОРИ ЗАРУРӢ ФИРИСТОД

ДАР УХАН БЕШ АЗ 60 БЕМОРХОНА БА НИЗОМИ МУҚАРРАРИИ ФАЪОЛИЯТ БАРГАШТ

ТАБИБОНИ ОЛМОНӢ 16 ҲАЗОР БЕМОРРО АЗ КОРОНАВИРУС НАҶОТ ДОДАНД

ПУТИН ВА ТРАМП НАРХИ КУНУНИИ НАФТРО БА МАНФИАТИ ДУ КИШВАР СОЗГОР НАМЕШУМОРАНД

ДАР ТУРКМАНИСТОН ИСТИФОДАИ КАЛИМАИ КОРОНАВИРУС МАНЪ ГАШТ

Ҷаҳон дар як сатр

31.03.2020


РОҒУН. ВАРЗИШ РӮ БА РУШД ДОРАД

КОРРУПСИЯ РОҲБАРИ АССОТСИАТСИЯРО БА КУРСИИ АЙБДОРӢ НИШОНД

ОДАМКУШӢ. ХУШУНАТИ ОИЛАВИЕ, КИ БО МАРГ АНҶОМ ШУД


Дар сомонаҳои дигари Тоҷикистон хонед