logo

фарҳанг

ЯК МУШТ ОРЗУ

Ин қиссаи воқеӣ, ки аз сари ҳунарманди маъруф Одина Ҳошим гузаштааст, бори дигар собит месозад, ки дирӯз ва имрӯз низ ҳазорон тоҷику тоҷикистонӣ зори як мушт хоки Тоҷикистонанд ва онро болотар аз тиллову гавҳар медонанд.
Соли 1973. Бо ибтикори Вазорати фарҳанги Иттиҳоди Шӯравӣ Даҳаи фарҳанги мардумии шӯравӣ дар Яман мегузашт. Устод Одина Ҳошим низ дар қатори меҳмонони олимақом ширкат меварзад.
Баъди консерти калон, як пирамарди тахмин 80 - соларо писараш назди устод меорад. Пирамард, ки чашмонаш нобино ва қомат дар такяи асо меистод, бо дастон рӯю мӯи хунёгари тоҷикро навозишкунон фиғон мекунад: «Аз Тоҷикистон ҳамроҳат чӣ дорӣ? Як мушт хок мехоҳам, то ғурбатро аз баданам дур созад».
Маълум мешуд, ки пирамард устод Одинаро хуб мешиносад ва умуман, кӯчактарин паёмҳоро аз Тоҷикистон дар дилу дидааш нигаҳ медорад.
Одинаю пирамард ва писараш баробар ба гиристан сар карданд. Устод, чанд лаҳза надонист, ки чиро ҳамчун армуғон аз Ватани ормониаш ба мӯйсафед диҳад. Ниҳоят, аз ҷайбашон як акси чойхонаи «Роҳат» - ро ёфта, ба дасти писари мӯйсафед дод. Пирамарду писараш аксро бӯсида, ҳой-ҳой гиристанд. Он пири хирад аз собиқ шогирдони мадрасаи Анҷиракони собиқ ноҳияи Дашти - Ҷум (Дашти Ҷам) буда, бо тахаллуси Мулзим шеър эҷод мекардааст. Бо амри сарнавишт, ба мулки Араб рафта, маскуни он ҷоҳо шудааст.
Баъди ин, мӯйсафед аз бағал як варақи фарсудаи сиёҳқаламиро ба устод Одина медиҳад. Дар он ҳамин шеър навишта шуда буд, ки «Як мушт орзу» ном дорад:
Оҳе кашид ғамзада пири сапедмӯ,
Афканд субҳгоҳ дар оина чун нигоҳ.
Дар лобалои мӯйи чу кофури хеш дид
Як тори мӯ сиёҳ.

Дар дидагони музтарибаш ашк ҳалқа зад,
Дар хотироти тираву торики худ давид.
Сӣ сол пеш низ дар оина дида буд
Як тори мӯ сапед.
Дар ҳам шикаст чеҳраи дарҳамкашидааш,
Дасте ба мӯи хеш бурду гуфт вой,
Ашке ба рӯи оина афтод ногаҳон,
Бигрист ҳой-ҳой…
Дарёи хотироти замони гузашта буд,
Ҳар қатрае, ки бар рухи оина мечакид.
Дар коми марг заҷҷаи мурғи ғарибро
Аз дур мешунид.
Тӯфон фурӯ нишаст, вале дидагони пир,
Мерафт боз дар дили дарё ба ҷустуҷӯ.
Дар хотироти тираи аъмоқ хуфта буд:
Як мушт орзу.
Устод Одина баъди бозгашт ба Тоҷикистон, ин шеърро ба қолаби оҳанг даровард ва чунон суруд, ки то ҳанӯз дар дилҳо меҳру фироқи Меҳанро бедор мекунад ва марҳами дилу хотири ғарибону дурафтодагон аз ёру диёр аст.
Таҳияи Бузургмеҳри БАҲОДУР


Баёни ақида (0)    Санаи нашр: 18.12.2018    №: 249    Мутолиа карданд: 271

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед