logo

иқтисод

ОБЁРӢ. МАЙДОНИ ЗАМИНҲОИ КОРАМ МЕАФЗОЯД

Холмурод Раҳмон, директори Агентии беҳдошти замин ва обёрӣ,  изҳор дошт, ки агентӣ дар асоси   дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон давоми  ёздаҳ моҳи соли равон бобати  таъмини истифодабарандагон бо об, беҳтар намудани ҳолати мелиоративии заминҳо, аз худ намудани заминҳои нави обёришаванда ва гузарондани корҳои соҳилмустаҳкамкунӣ корҳои муайянеро анҷом додааст.

Дар ин муддат идораҳои агентӣ дар шаҳру ноҳияҳои ҷумҳурӣ қариб бо 50 ҳазор истифодабарандаи об  баҳри обёрии зиёда аз 551 ҳазор гектар шартнома ба имзо расонданд. Аз оғози моҳи март тариқи шабакаҳои худҷорӣ пурра ва тибқи дархости хоҷагиҳои кишоварзӣ тавассути пойгоҳҳои обкашию   чоҳҳои амудӣ заминҳои кишоварзиро бо оби полизӣ  таъмин карданд.
Пардохти  саривақтии ҳаққи хизмати обрасонӣ омили асосии рушди соҳа ба ҳисоб рафта, барои омодасозии шабакаҳои обёрӣ ва таъмини саривақтии  об мусоидат менамояд. Хоҷагиҳои деҳқонӣ ва истифодабарандагони дигар имсол ҳаққи хизматрасонии  агентиро нисбат ба соли пеш  дар вилоятҳои Хатлон   8,2 миллион сомонӣ, Суғд 1,8 миллион сомонӣ ва   ноҳияҳои тобеи ҷумҳурӣ  753,6 ҳазор  сомонӣ зиёд пардохтанд. Дар   Вилояти  Мухтори Кӯҳистони Бадахшон  ҳаққи истифодаи об  100,4  ҳазор сомонӣ пардохт гашт, ки нисбат ба соли гузашта  60,8 ҳазор сомонӣ кам  аст. Дар ин давра, аз ҷониби агентӣ ба мақомоти суд ва прокуратура ба маблағи  21,8 миллион  сомонӣ мавод пешниҳод гардид ва 8,4 миллион сомонӣ қарзи хизматрасонии об рӯёнда шуд.  
Тибқи ҳисоботи кадастри мелиоративӣ  то   1 январи соли 2018 дар ҷумҳурӣ заминҳои ҳолати мелиоративиашон ғайриқаноатбахш зиёда аз 37 ҳазор гектарро ташкил дод. Соли  равон  вазъи обёрии  8451 гектар замин  беҳтар гардонда шуд. Аз ҳисоби маблағҳои мутамарказ дар иншооти  соҳаи обёрӣ ва беҳдошти замин қариб 14 миллион сомонӣ аз худ гардид. Аз ин ҳисоб корҳои сохтмонию васлкунӣ ба иҷро расида, 398 гектар  замини  нав аз худ ва   ҳолати мелиоративии 300 гектар майдони кишт беҳтар карда шуд. Дар доираи «Барномаи давлатии азхудкунии заминҳои нави обёришаванда ва барқарорсозии заминҳои аз гардиши кишоварзӣ берунмонда дар Ҷумҳурии Тоҷикистон барои солҳои 2012 – 2020”, соли равон дар шаҳру ноҳияҳои ҷумҳурӣ заминҳои солҳо боз бекорхобида ба маблағи беш аз 3,2 миллион сомонӣ ба гардиши кишоварзӣ ворид гаштанд.
Дар баробари пешрафт дар фаъолияти агентӣ ва сохторҳои он баъзе мушкилиҳо низ ҷой доранд, ки рафъи онҳо барои рушди соҳа мусоидат менамояд. Норасоии имкониятҳои молиявӣ ба раванди сари вақт обёрӣ намудани заминҳои бекорхобида монеаҳо пеш меорад. Тибқи нақша ба таври зарурӣ ҷудо нагардидани маблағҳо барои иҷрои барномаҳои давлатии соҳа, нокифоя будани он ҷиҳати нигаҳдошти саддҳову обгардонҳо, иншооти фарсудаю корношоями зидди обхезӣ, норасоии техникаву механизмҳои муосири заминкан ва  сари вақт пардохт нагардидани маблағи ҳаққи хизмати обрасонӣ аз масъалаҳои ҳалталаб мебошанд. Бо сабаби пурра пардохт нашудани маблағи ҳаққи хизмати обрасонӣ аз тарафи баъзе хоҷагиҳои кишоварзӣ ва истифодабарандагон бақияи қарзи он соли ҷорӣ дар назди идораҳои давлатии беҳдошти замин ва обёрии шаҳру ноҳияҳо ба 21,6 миллион сомонӣ ва бо дар назардошти солҳои пешӣ ба 126 миллион расидааст.
Ба гуфтаи Холмурод Раҳмон, барои беҳбудии кори соҳа, пеш аз ҳама, зарур аст, ки мақомоти иҷроияи ҳокимияти давлатии шаҳру ноҳияҳо якҷоя бо идораҳои давлатии беҳдошти замин ва обёрӣ ҷиҳати сари вақт пардохт намудани маблағи ҳаққи хизмати обрасонӣ, инчунин, ҷудо намудани маблағҳо аз буҷети маҳаллӣ ҷиҳати беҳбудии  ҳолати мелиоративии заминҳо чораҷӯӣ намоянд.
Иронбӣ МӮСОЗОДА,
«Ҷумҳурият»


Баёни ақида (0)    Санаи нашр: 19.12.2018    №: 250    Мутолиа карданд: 261
29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ


Дар сомонаҳои дигари Тоҷикистон хонед