logo

туризм

2018 ПАЁМ ВА РУШДИ САЙЁҲӢ

Омӯзишу эҳёи ҳунарҳои мардумӣ талаботи замон буда, баҳри  пешрафти соҳаи иқтисодии кишвар яке аз омилҳои муассир ба ҳисоб меравад. Фаро гирифтани нафарони бешуғл ба касбу ҳунар, махсусан занону духтарони хонашин дар маҳалу деҳоти мамлакат,  ба ҳаёти маънавию иҷтимоии онон такони  нав мебахшад. Дар ин раванд, тибқи маълумотҳо, тайи даҳ моҳи соли 2018 дар муассисаҳои таълимии Вазорати меҳнат, муҳоҷират ва шуғли аҳолӣ 18 394 нафар занону духтарон ба омӯзиши ҳунарҳои мардумӣ фаро гирифта шуданд.
Қобили зикр аст, ки бо супориши Сарвари давлат  истеҳсолу фурӯши  ҳунарҳои дастӣ аз пардохти андоз ва боҷи гумрукӣ  озод буда, ҳар ҳунарманд метавонад дастранҷи худро  ба бозорҳои дохиливу хориҷӣ   ба фурӯш барорад. Ин омил, бешак, барои беҳтар намудани сатҳи зиндагии мардум мусоидат  менамояд. Айни ҳол дар шаҳру ноҳияҳои кишвар 492 маркази таълимӣ-истеҳсолӣ таъсис дода шудааст.  Ташкили корхонаву сехҳо, марказҳои таълимию  истеҳсолии ҳунарҳои мардумӣ  ҷиҳати  эҳё ва  густариши   ҳунарҳои қадимаи мо, омода намудани ҳунармандони бомаҳорат ва тайёр намудани молҳои бозоргир   имконоти зиёд фароҳам меоварад. 
Яке аз шохаҳои дигари ҳунарҳои мардумӣ кадбонугист.   Маҳсули дастони бонувони тоҷик  аз қабили кулчаю нонҳои ширмолу пиёздор, чапотию фатиру таҳмол, навъҳои гуногуни  таом, ба мисли  кунҷитҳалво, ҳалвои ришта,  шакаробу оши бурида,  палову  ширбиринҷ, ки  бо  таъму лаззати хосса ва меҳру муҳаббати тоҷикона омода мешаванд, диққати сайёҳони хориҷиро ҷалб менамоянд. Масалан,  оилаи  Морретиҳо,  ки аз Италия ба кишвари офтобии мо ташриф овардаанд,  таассуроти худро чунин иброз доштанд:  «Ҳунари кадбонувони тоҷик, пухтани нонҳои хуштаъм ва хӯрокҳои  лазиз  худ як шоҳкории дигар аст».  
Намоиши ҳунарҳои мардумӣ берун аз ҷумҳурӣ роҳандозӣ шуда, маҳсули дастони пурэъҷози ҳунармандони тоҷик  дар хориҷи кишвар низ муштариёни худро дорад.  Чунончи,   чанде  қабл дар қароргоҳи Созмони Милали Муттаҳид дар шаҳри Женева  чорабинии хайриявии «Бозори СММ – 2018» доир гашт ва намунаи ҳунарҳои мардумии  мо ба маъраз гузошта шуд, ки аҳли ҷамъомад онро хеле хуб арзёбӣ карданд.  Дар ҳамоиш лавҳаи Тоҷикистон таҳти унвони «Соли 2018 – Соли рушди сайёҳӣ ва ҳунарҳои мардумӣ дар Тоҷикистон» пешниҳод шуда, оид ба ин ташаббуси Президенти мамлакат ба ҳозирон  маълумот манзур гардид.
Рӯйдоди дигари фараҳбахш ин ба рӯйхати мероси фарҳангии ғайримоддии башарият ворид намудани чакан аст. Дар ин бора қарори иҷлосияи солонаи ЮНЕСКО  29 ноябри соли 2018  дар шаҳри Маврикий ба тасвиб расид. Дар сомонаи Кумитаи ҳифзи мероси фарҳангии ғайримоддии ЮНЕСКО ҳунари гулдӯзии тоҷикиро  чунин муаррифӣ намуданд: «Чакан як навъи гулдӯзии миллӣ дар матоъҳои пахтагин ва абрешимӣ аст, ки бештар дар байни занону духтарони тоҷик ривоҷ ёфтааст. Дар вилояти Хатлони Тоҷикистон чакан як ҷузъи муҳими либоси арӯсу домод ба шумор меравад. Дар ин ҷо домодҳо тоқии худро бо гулдӯзиҳои чакан оро медиҳанд ва занону духтарон дар рӯзҳои тӯй ва иду маросим куртаву поҷомаи чакан ба тан мекунанд. Санъати чакан аз насл ба насл бо шеваи устод – шогирд ба мерос  мондааст».
Мутмаинем, ки соли 2018 ҳамчун Соли рушди сайёҳӣ ва ҳунарҳои мардумӣ бо андешидани тадбирҳои судманд мавқеи Тоҷикистонро миёни мамлакатҳои аз ҷиҳати сайёҳӣ пешқадам  хеле боло бурд  ва  минбаъд  низ  нуфузу  эътибори он  рӯз ба рӯз меафзояд.
Иноят Саодат Исмат,
мутахассиси шуъбаи дин,
танзими анъана ва ҷашну маросимҳои
Дастгоҳи иҷроияи Президенти Ҷумҳурии Тоҷикистон


Баёни ақида (0)    Санаи нашр: 20.12.2018    №: 251    Мутолиа карданд: 677
10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД


Дар сомонаҳои дигари Тоҷикистон хонед