logo

туризм

САЙЁҲӢ. МУАРРИФИИ СТРАТЕГИЯИ РУШД ТО СОЛИ 2030

- Яке аз ҳуҷҷатҳои муҳиме, ки дар Соли рушди сайёҳӣ ва ҳунарҳои мардумӣ қабул гардид, Стратегияи рушди сайёҳӣ дар Ҷумҳурии Тоҷикистон барои давраи то соли 2030 мебошад ва он 12 соли минбаъдаи рушди соҳаро дар бар мегирад, - гуфт Нуъмон Абдуғаффорзода, раиси Кумитаи рушди сайёҳӣ, зимни ҳамоиши байналмилалӣ, ки ба муаррифии ҳуҷҷати мазкур бахшида шуда буд.
Стратегия дар ҳузури роҳбарияти вазорату идораҳо, намояндагони корпусҳои дипломатии муқими Тоҷикистон, созмонҳои байналмилалӣ ва ширкатҳои сайёҳии ватанӣ рӯнамоӣ шуд.
Стратегия вазъи кунунии соҳа, ҳадафҳои рушд, самтҳои стратегӣ ба монанди маркетинг ва тарғибот, ба роҳ мондани фурӯш, нигоҳ доштани тамос бо муштариён, нақлиёту сарҳадоту раводид, иҷозатномадиҳӣ ва имкониятҳои рушд дар минтақаҳои ҷумҳуриро фаро мегирад.
Ба гуфтаи раиси кумита, татбиқи стратегия тавассути се барномаи мукаммал, ки ҳар кадоме чор солро дар бар мегирад, амалӣ мегардад. Лоиҳаи барномаи аввал, аллакай, таҳия ва барои баррасӣ ба вазорату идораҳо пешниҳод шудааст.
Зикр шуд, ки лоиҳаи Стратегияи рушди сайёҳӣ дар Ҷумҳурии Тоҷикистон барои давраи то соли 2030 бо дастури Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таҳия гардида, бо қарори Ҳукумати Ҷумҳурии Тоҷикистон аз 1 августи соли 2018 тасдиқ гашт.
-Ҳадафи асосии стратегия рушди сайёҳӣ дар Ҷумҳурии Тоҷикистон барои давраи то соли 2030 ва таъмини пешрафти устувори соҳаи сайёҳии кишвар ба ҳисоб меравад - иброз дошт, Ширин Амонзода, муовини раиси кумита. - Барои ноил шудан ба ин ҳадафи олӣ вазифаҳо муайян шуда, ташаккули асосҳои институтсионалии рушди соҳа, инфрасохтори муосир, тақвияти иқтидор, таъмини рақобатпазирӣ, муаррифии бренди миллӣ, таъминоти кадрӣ, мутобиқгардонӣ ба стандартҳои байналмилалӣ ва таъмини бехатарии сайёҳон аз ҳамин ҷумлаанд.
Дар самти мутобиқгардонӣ ба стандартҳои байналмилалӣ ва таъмини бехатарии сайёҳон, ташаккули мизони стандартҳои миллии сайёҳӣ дар асоси стандартҳои байналмилалӣ, ҳамкорӣ бо ташкилоту созмонҳои байналмилалӣ ва ташкили суғуртакунонии сайёҳон дар назар аст.
Стратегия аз ҳисоби маблағҳои Буҷети давлатӣ, дигар маблағҳои ғайрибуҷетӣ, маблағгузории шарикони рушд, грантҳо татбиқ мегардад.
Шумораи сайёҳони ба ҷумҳурӣ ташрифоваранда, саҳми сайёҳӣ дар ММД, сармоя, қисми даромади Буҷети давлатӣ, миқёси хизматрасониҳо, шумораи субъектҳои бахши истироҳат ва табобат, шуғли аҳолӣ дар соҳаи сайёҳӣ ва мавқеи Тоҷикистон дар раддабандии кишварҳои меҳмоннавоз, нишондиҳандаҳои асосии стратегия маҳсуб меёбанд.
Тавре гуфта шуд, дар стратегия мавҷудияти мероси бойи таърихию фарҳангии Тоҷикистон, табиати аҷиби он бо кӯлҳо, ҳайвоноту рустаниҳои нодир, инчунин, кӯҳҳои баланд омили асосии рушди сайёҳии кишвар эътироф шудаанд. Ҳамчунин, тибқи он бояд меҳмоннавозии тоҷиконае, ки дар хонаводаҳо анҷом дода мешаванд, дар фурудгоҳҳо ва дигар гузаргоҳҳои сарҳадӣ ба сайёҳон ва дигар мусофирон низ пешниҳод карда шавад, зеро ин барои ҷалби бештари сайёҳон ва ташрифи такрории онҳо мусоидат менамояд. Пурра ва самаранок амалӣ шудани стратегия ба рушди соҳаи сайёҳӣ дар кишвар мусоидат намуда, яке аз омилҳои баланд бардоштани иқтисодиёти миллӣ мегардад. Тибқи он дар соли 2030 Тоҷикистон кишвари соҳаи сайёҳиаш устувор, рушдкарда ва дар минтақаву сатҳи ҷаҳонӣ эътирофшуда хоҳад гашт. Тоҷикистон аз кишвари саёҳати саргузаштиву экологӣ ва пиёдагардӣ ба кишвари саёҳати таърихӣ, фарҳангӣ, табобатӣ - фароғатӣ, саноатӣ, тиҷоратӣ ва корӣ табдил меёбад.
Ш. ҚУРБОН,  «Ҷумҳурият»


Баёни ақида (0)    Санаи нашр: 24.12.2018    №: 253-254    Мутолиа карданд: 577
29.09.2020


ТОҶИКОН ВА ӮЗБЕКОН: ДӮСТӢ БИМОНАД ҶОВИДОН

РАШТ. ҲАМКОРИҲОИ МАҚОМОТ БО СОҲИБКОРОНИ ВАТАНДӮСТ САМАР МЕДИҲАНД

ХУҶАНД. ВУСЪАТИ БУНЁДКОРИҲО ДАР ТАРАБХОНАИ «ФОРЕЛ»

ТОҶИКИСТОН. 87,4 ДАРСАДИ БЕМОРОНИ КОРОНАВИРУС ШИФО ЁФТАНД

25.09.2020


ТОҶИКИСТОН. 8 ҲАЗОРУ 296 СИРОЯТШУДАИ КОРОНАВИРУС ШИФО ЁФТ

СУҒД. ЭҲЁИ КОРХОНАҲОИ АЗ ФАЪОЛИЯТ БОЗМОНДА

КӮҲИСТОНИ МАСТЧОҲ. ОМОДАГӢ БА ИНТИХОБОТ ДАР САТҲИ БАЛАНД ҶАРАЁН ДОРАД

23.09.2020


НОҲИЯИ АЙНӢ. ҲАВЗА ВА УЧАСТКАҲО ОМОДА ШУДААНД

ХОРУҒ. ОЯНДАРО АЗ ИМРӮЗ БОЯД СОХТ

АВАО. ЯК ҲАМОИШИ МУҲИМ

ХУҶАНД. ШИНОСОИИ РАҶАББОЙ АҲМАДЗОДА АЗ КОРХОНАИ “ФАЙЗИ РАСУЛ”

СУҒД. ҶАМЪОВАРИИ ПАХТА ВУСЪАТ МЕГИРАД

22.09.2020


НОҲИЯИ ФИРДАВСӢ. ҲАВЗАИ № 1 ОМОДА МЕШАВАД

ВОХӮРИИ НОМЗАДҲО БА МАНСАБИ ПРЕЗИДЕНТӢ БО СОКИНОНИ ХАТЛОН

ТОҶИКИСТОН. АЗ КОРОНАВИРУС БОЗ 44 БЕМОР ШИФО ЁФТ

«ОИНИ НОЗ»

ТОҶИКОБОД ВУСЪАТИ ТОЗА МЕГИРАД

SARS-CoV-2. ШАШ ШАКЛИ ЗУҲУРИ ОН МУҚАРРАР ГАШТ

НАМОЯНДАҲОИ ДУШАНБЕ ВА ТОШКАНД ИМКОНИЯТИ ИФТИТОҲИ РОҲҲОИ НАВРО БАРРАСӢ НАМУДАНД

ҶАҲОН ДАР ЯК САТР

21.09.2020


БАРРАСИИ МАСОИЛИ МУБОРИЗА АЛАЙҲИ ҶИНОЯТКОРИҲО

ДУРНАМОИ МУНОСИБАТҲО МАТРАҲ ГАРДИД

ҶАЛАСАИ НАВБАТИИ СИТОДИ ВИЛОЯТӢ ОИД БА ПУРЗӮР НАМУДАНИ ТАДБИРҲОИ ЗИДДИЭПИДЕМИЯВӢ

ОЗМУН БАРОИ ДАРЁФТИ СТИПЕНДИЯИ ПРЕЗИДЕНТИ ҶУМҲУРИИ ТОҶИКИСТОН

ТОҶИКИСТОН. 86,7 ДАРСАДИ БЕМОРОНИ COVID – 19 ШИФО ЁФТАНД

МАРЗҲОИ ӮЗБЕКИСТОН АЗ АВВАЛИ МОҲИ ОКТЯБР БОЗ МЕШАВАНД

ҶАҲОН ДАР ЯК САТР

17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ


Дар сомонаҳои дигари Тоҷикистон хонед