logo

иқтисод

ИҚТИСОД. БА ИСТЕҲСОЛОТИ ВАТАНӢ АВЛАВИЯТ ДИҲЕМ!

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  22 декабри соли 2017 зимни ироаи Паём  ба Маҷлиси Олии Ҷумҳурии Тоҷикистон,  аз ҷумла зикр намуданд: “Ҳукумати кишвар вазифадор карда мешавад, ки бо дарназардошти талаботи воқеии аҳолии мамлакат ба маводи озуқа ва дастрасии сокинон ба ғизои хушсифат барномаи нави давлатии амнияти озуқавориро таҳия ва татбиқ созад”. Дар ин замина, дар қатори дигар идораю ташкилотҳо дар назди Агентии стандартизатсия, метрология, сертификатсия ва нозироти савдо (“Тоҷикстандарт”) низ вазифаҳои мушаххас гузошта шуданд. Яке аз масъалаҳои асосӣ, ки ба он таваҷҷуҳи ҷиддӣ зоҳир гардид,  ҳимояи бозори истеъмолӣ аз воридоти маҳсулоти пастсифату ба саломатӣ хатарнок ва таъмини аҳолӣ бо ғизои хушсифат буд.
Қудрат Давлатзода, директори агентӣ, доир ба фаъолият ва дастовардҳои соҳа зикр намуд, ки  ҳадафи асосии мо дар ин давра тақвияти рушди соҳибкорӣ ва муаррифии молу маҳсулоти дар ҷумҳурӣ истеҳсолшаванда, афзудани иқтидори содиротии мамлакат бахшида ба Соли рушди сайёҳӣ ва ҳунарҳои мардумӣ, дастгирии истеҳсолкунандагони ватанӣ ва бозорҳои мамлакат бо молҳои баландсифату рақобатпазири ватанӣ ва риояи талаботи бехатарии маҳсулот, ҳифзи саломатӣ ва муҳити зист, ташкили замина ва ҳамкории васеъ  барои ба даст овардани муваффақиятҳо дар соҳаи сифат равона гардид. Номгӯи истеҳсоли маҳсулоти саноатӣ ҳамасола рӯ ба афзоиш дорад ва содироти даҳҳо номгӯй  ашёи хом ба хориҷи кишвар кам гардид. 
Вобаста ба пешгирии воридоти маҳсулоти ғизоии пастсифат, дар натиҷаи гузарондани назорати давлатӣ дар 11 моҳи соли ҷорӣ дар якҷоягӣ бо мақомоти ҳифзи ҳуқуқ ба миқдори 2196,4 тонна маҳсулоти хӯроквории ғайристандартӣ ошкор гардид, ки аз ин 1 318,6  тонна аз рӯи сифат ва бехатарӣ ва  877,8 тонна  аз рӯи тамғагузорӣ ба талабот ҷавобгӯй набуданд.
Ба гуфтаи Қ. Давлатзода, ҷиҳати пешгирии воридшавии маҳсулоти ғизоии пастсифат ба бозори истеъмолӣ фаъолияти босамари озмоишгоҳҳо муҳим арзёбӣ мешавад. Дар ин замина, бо мақсади тавсеаи пойгоҳи  техникии озмоишгоҳи марказӣ ва зерсохторҳои агентӣ, ҷорӣ намудани усулҳои замонавии ташхис, хусусан дар самти ташхиси бехатарии маҳсулоти хӯрокворӣ, аз қабили муайян намудани пестисидҳо, миқдори массавии қанд, ташхиси дақиқи радионуклидҳо ва дигар нишондодҳои бехатарии маҳсулоти хӯрокворӣ бо дастгирии Ҳукумати мамлакат як қатор таҷҳизоти муосир дастрас ва насб гардиданд. Барои нигоҳдории сатҳи баланди ташхисӣ ва иҷрои талаботи стандарти ИСО/МЭК 17025:2013 мувофиқ ба нақша ва барномаи маркази ташхисӣ аз тарафи мутахассисони таҷрибадор дар озмоишгоҳ аудити дохилӣ гузаронда мешавад.
Аз ҷониби мутахассисони агентӣ барои риоя накардани талаботи ҳуҷҷатҳои меъёрӣ - техникӣ, вориду фурӯши маҳсулоти бесифат ва хатарнок, риоя накардани ҳуқуқи истеъмолкунандагон дар 5566 ҳолат, ба маблағи умумии 1 411 850  сомонӣ ҷарима таъйин шуда, ба буҷети давлат пардохт гардид.
Дар самти дастгирии соҳибкорони ватанӣ ва зиёд гаштани истеҳсолоти маҳсулоти  дохилӣ як қатор корҳо амалӣ шуда истодаанд, ки дар ин замина, воридоти баъзе намуди молу маҳсулот нисбат ба ҳамин давраи соли гузашта коҳиш ёфт. Масалан, орди гандумӣ 15486 тонна (28 дарсад),  гӯшти мурғ 12909 тонна (36 дарсад), тухми мурғ 8078 тонна (83 дарсад) кам ворид гардид.
Дар ёздаҳ моҳи соли ҷорӣ барои дар амал татбиқ намудани Фармони Президенти Ҷумҳурии Тоҷикистон  “Дар бораи эълон намудани мораторий ба ҳама намуди санҷишҳои фаъолияти субъектҳои соҳибкорӣ дар соҳаҳои истеҳсолӣ” нозирони давлатӣ фаъолияти санҷиширо дар корхонаҳои истеҳсолӣ пурра қатъ ва онро ба корҳои фаҳмондадиҳӣ иваз намуданд. Аз тарафи мутахассисон дар асоси дархости субъекти хоҷагидор 7373 корҳои сертификатсионии молу маҳсулоти истеҳсолӣ гузаронда шуданд.
Боиси ифтихор аст, ки “Тоҷикстандарт” дар озмуни беҳтарин мақомоти марказии ҳокимияти давлатӣ, мақомоти иҷроияи маҳаллии ҳокимияти давлатӣ, корхона, муассиса ва ташкилоти давлатӣ оид ба сохт- мони майдончаҳои варзиш, бунёди боғу гулгаштҳо дар ҳудуди шаҳри Душанбе  дар самти бунёди майдончаи варзиш сазовори ҷойи якум гардид ва аз ҷониби Пешвои миллат муҳтарам Эмомалӣ Раҳмон бо туҳфаи хотиравӣ қадр шуд.    
Матлубаи АБДУҚАҲҲОР, «Ҷумҳурият»


Баёни ақида (0)    Санаи нашр: 24.12.2018    №: 253-254    Мутолиа карданд: 244
09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД

ДУШАНБЕ. ТАҲТИ РАЁСАТИ АЗИМ ИБРОҲИМ ҶАЛАСАИ КОРӢ БАРГУЗОР ШУД

ШАҲРИ ТУРСУНЗОДА. КОРҲОИ ФАҲМОНДАДИҲӢ САМАР ДОРАНД

«ОВОЗИ САМАРҚАНД» КИТОБҲОИ ХУДРО РӮНАМОӢ КАРД

ВАНҶ. ОБ АСТ, КИ ОБОДИСТ

ТАБИБОНИ ЛАХШ: «ҒАМХОРИҲОИ ПЕШВОИ МИЛЛАТ БА МО НЕРУ МЕБАХШАД»

ФУТЗАЛ. БОЗИИ СУПЕРҶОМИ ТОҶИКИСТОН – 2020 КАЙ БАРГУЗОР МЕГАРДАД?

ТАЪКИДИ СИ ҶИНПИН АЗ ЗАРУРАТИ ҲАМКОРИИ ГУСТУРДАИ ЧИНУ РОССИЯ

ҶАҲОН ДАР ЯК САТР

08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"

ПУТИН: «РОССИЯ БАРОИ РУШДИ ИҚТИСОД НИЁЗ БА МУҲОҶИРОН ДОРАД»

ҶАҲОН ДАР ЯК САТР

03.07.2020


ХУҶАНД. ИФТИТОҲИ ГУЗАРГОҲИ ЗЕРИЗАМИНӢ

ЗАРУРАТИ ТАВСЕАИ ҲАМКОРИҲО ТАЪКИД ГАРДИД

ДАР ТОҶИКИСТОН АЗ КОРОНАВИРУС 4690 БЕМОР ШИФО ЁФТ


Дар сомонаҳои дигари Тоҷикистон хонед