logo

иқтисод

НОҲИЯИ ТЕМУРМАЛИК. ҚАДАМҲОИ УСТУВОР ДАР РОҲИ БУНЁДКОРӢ

Дар асоси дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баҳри  сазовор  истиқбол гирифтани Ҷашни 30 - солагии Истиқлолияти давлатии Ҷумҳурии Тоҷикистон имрӯзҳо дар саросари кишвар корҳои ободонӣ беш аз пеш тавсеа меёбанд. Аз ҷумла, ба муносибати ин ҷашни фархунда дар ноҳияи Темурмалик бунёду навсозӣ ва таъмири 248 иншооти иҷтимоию хизматрасонӣ – корхонаҳои саноатӣ, мактабу кӯдакистонҳо, варзишгоҳу майдончаҳои варзиш, бунгоҳу марказҳои тиббӣ, биноҳои маъмурию хизматӣ ва марказҳои хизматрасонӣ ба нақша гирифта шудааст.
Тавре раиси ноҳия Эмомиддин Аслзода иброз намуд, ҷиҳати иҷрои Амри Президенти Ҷумҳурии Тоҷикистон “Дар бораи омодагии ҳамаҷониба ба Ҷашни 30-солагии Истиқлолияти давлатии Ҷумҳурии Тоҷикистон” мақомоти иҷроияи маҳаллии ҳокимияти давлатии ноҳия нақшаи чорабиниҳоро таҳия намудаааст.
- Соли ҷорӣ дар доираи созандагиву бунёдкорӣ ба муносибати ин санаи муборак, маркази хизматрасонӣ, 21 синфхона ва 8 ҳуҷра, дукони маҳсулоти ҳунармандӣ, маркази савдо ва корхонаи ордбарорӣ мавриди баҳрабардорӣ қарор гирифта, клубу китобхонаи деҳаи Ҷайралӣ ва кинотеатри марказии ноҳия таъмир шуданд. Ғайр аз ин, сохтмону навсозии 28 иншоот оғоз ёфта, рӯзҳои наз-дик эъмори боз 62-тои дигар сар мешавад,- иброз дошт Эмомиддин Аслзода.
Бо мақсади беҳтар сохтани шароити таълим аз ҷониби роҳбарияти ноҳия чораҳои зарурӣ андешида мешаванд. Ҳоло аз ҳисоби буҷети маҳаллӣ ва ҷалби соҳибкорону шахсони саховатпеша дар як қатор  муассисаҳои таҳсилоти миёнаи умумӣ тармиму таҷдид ва бунёди синфхонаҳои иловагӣ идома доранд. То имрӯз бинои нави муассисаи таҳсилоти миёнаи умумии № 18 ба истифода дода шуда, тармими МТМУ № 34 ба итмом расид ва таъмири ҷории муассисаи таълимии № 30 дар арафаи анҷомёбист. Дар деҳаи Сафарбоён ба маблағи 681 ҳазор сомонӣ бинои МТМУ № 34 таъмири асосӣ гардида,  5 синфхонаи МТМУ № 4-и деҳаи Қазоқ ва болопӯши бинои он бо харҷи беш аз 50 ҳазор сомонӣ навсозӣ гашт.
Ба истиқболи ин ҷашни фархунда таҷдиди иншооти  муассисаҳои тандурустӣ низ ҷараён дорад. Бо дастгирии соҳибкорон ва шахсони саховатманд дар деҳоти Саидмуъмин Раҳимов беморхонаи ноҳиявии №2 бо харҷи беш аз 45 ҳазор сомонӣ тармим гардида, дар деҳаи Кангурт ба маблағи 1 миллиону 850 ҳазор сомонӣ сохтмони коллеҷи тиббӣ барои 350 нафар ба охир расид. Ҳоло бошад, дар деҳаҳои Лолазор ва Давлатшоён эъмори бунгоҳҳои тиббӣ оғоз ёфтааст.
Бояд гуфт, ки дар ноҳия баҳри беҳтар намудани ҳолати роҳу пулҳо низ тадбирҳои мушаххас амалӣ мегарданд. Бо  ин мақсад, 8 километр роҳи мошингарди деҳаи Кӯҳдоман таъмир гашта, сохтмони пули он идома дорад. Айни ҳол сангфаршсозӣ ва асфалтпӯшии наздики 22 километр роҳи байни деҳоти Саидмуъмин Раҳимов ва деҳаи Хуррамшаҳри ноҳияи Данғара ҷараён дошта, рӯзҳои наздик ба истифода дода мешавад. Ҳамчунин, роҳҳои байни деҳаҳои Ҳалқаёр, Чилча, Баҳористон ва Совет - Муродбахш аз таъмири ҷорӣ бароварда шуданд. Ғайр аз ин, барқарорсозии пул ва роҳи деҳаи Булакдашт, таҷдиду сангфаршсозии роҳҳои деҳаҳои Н. Болтаев, Ҳасанбегӣ, Бурдангал, Ойшабулоқ ва Рӯҳафзо босуръат идома дошта, дар се соли оянда эъмори роҳҳои нав ва тармими роҳу пулҳои мавҷуда ба нақша гирифта шудааст.
Кобили зикр аст, ки айни замон дар гӯшаву канори гуногуни ноҳия аз ҷониби соҳибкорони маҳаллӣ сохтмони коргоҳу марказҳои хизматрасонӣ идома дошта, аллакай, қисме аз онҳо дар хизмати сокинон қарор доранд. Аз ҷумла, бо харҷи зиёда аз 1,5 миллион сомонӣ дар деҳоти Кангурт маркази тиҷоратӣ ва хизматрасонӣ қомат афрохт. Ҳамзамон, бунёди меҳмонхона, тарабхона, маркази хизматрасонии чорошёна ва бинои ҳафтошёнаи истиқоматӣ дар арафаи анҷомёбист. 
- Дар ноҳия, ҳамчунин, корҳои соҳилмустаҳкамкунӣ, эъмори сутунпояҳои Парчам ва Нишони давлатӣ, гулгашту хиёбонҳо, меҳмонхона, сардхона, корхонаҳои коркарди ширу мева ва ғайра, инчунин, таҷдиду навсозии як қатор иншоот босуръат ҷараён доранд,- афзуд раиси ноҳия.
Ҳамин тариқ, масъулину сокинони ноҳияи Темурмалик азм доранд, ки баҳри бо дастовардҳои намоён истиқбол гирифтани Ҷашни 30-солагии Истиқлолияти давлатии Ҷумҳурии Тоҷикистон, ин гӯшаи диёри азизро боз ҳам ободтару зеботар намоянд.
Бахтовар КАРИМ, Комрон САФАР, “Ҷумҳурият”


Баёни ақида (0)    Санаи нашр: 24.12.2018    №: 253-254    Мутолиа карданд: 175

18.10.2019


Дар Арабистони Саудӣ садамаи автомобилӣ боиси ҳалокати 35 зоир гашт

Нигаронии муовини Дабири кулли СММ аз афзудани хавфи сарзании ҷанги ядроӣ

Артиши Сурия бори аввал дар панҷ сол вориди Раққа шуд

Таллин барои дучархасавор шудани сокинон 195 миллион евро харҷ мекунад

Ҷаҳон дар як сатр

Қонунгузорӣ. Ҷазо барои шиканҷа пурзӯр мегардад

Суғд. 557 ҳодисаи фавқулода дар нуҳ моҳ

Хуҷанд мизбони Чемпионати Осиё оид ба самбо - 2022

15.10.2019


Иштироки низомиёни тоҷик дар машқҳои СААД дар вилояти Нижегород

Иттиҳоди Аврупо аз Туркия баровардани сипоҳашро аз Сурия талаб намуд

Ҷоизаи Нобел оид ба иқтисодро барои талоши мубориза бо қашшоқӣ супурданд

Назарбоев ва иштиёқи расмкашӣ

Ҷаҳон дар як сатр

14.10.2019


Роҳи Помир ба панҷгонаи зеботарин роҳҳои дунё шомил гардид

Дар Ҷопон аз тӯфони «Хагибис» 33 нафар ҳалок гашт

Трамп маблағеро ном бурд, ки Вашингтон дар ҷангҳои Шарқи Наздик масраф кардааст

Астронавти амрикоӣ рекорди ба кайҳон баромадани кайҳоннавардони русро пас мегузорад

Ҷаҳон дар як сатр

11.10.2019


Боздиди қариб 8 миллион нафар аз ғурфаи Тоҷикистон дар намоишгоҳи Чин

СААД дар Бишкек вокуниши муштарак ба ҳолатҳои фавқулодаро баррасӣ намуд

Ҷаҳон дар як сатр

10.10.2019


Ёддошти тафоҳум ба имзо расид

Вохӯрии вазирони корҳои дохилии Тоҷикистону Россия

Душанбе ва Димишқ бозгашти тоҷикистониёнро аз Сурия баррасӣ намуданд

Меркел ва Ҷонсон оид ба Brexit ба мувофиқа омада натавонистанд

Барнаул лидерҳои ҷавони кишварҳои Осиёро гирд овард

Ҷаҳон дар як сатр

08.10.2019


ТОҶИКОБОД. 40 НАФАР БА САФИ ҚУВВАҲОИ МУСАЛЛАҲ ПАЙВАСТ

Мулоқоти Қоҳир Расулзода бо роҳбарони ҳайатҳои давлатҳои аъзои САҲА

Ҳамоиш ба муносибати Рӯзи забони давлатӣ дар Тошканд

Бизнес - форуми сайёҳии Тоҷикистону Қирғизистон

СММ амнияти кӯдакони Афғонистонро боиси нигаронӣ хонд

Бонки ҷаҳонӣ Тоҷикистонро ба рӯйхати кишварҳои ислоҳотгар ворид намуд

Ҷаҳон дар як сатр


Дар сомонаҳои дигари Тоҷикистон хонед