logo

ҳуқуқ

НОБОЛИҒОН. ФАРЗАНДИ БАД ДОҒИ ПАДАР...

Татбиқи Қонуни Ҷумҳурии Тоҷикистон «Дар бораи  масъулияти падару модар дар таълиму тарбияи фарзанд» нишон медиҳад, ки мавҷудияти чунин як санад ба нафъи ҷомеа мебошад. Зеро риояи қонуни мазкур  дарки масъулияти волидонро дар таълиму тарбияи фарзандон боз ҳам бештар гардонд. Мувофиқи муқаррароти қонун волидон муваззафанд, ки баҳри тарбияи дурусти фарзанд шароити моддӣ, маънавӣ ва равонӣ фароҳам оваранд. Мутаассифона, на ҳамаи волидон ин масъулиятро эҳсос мекунанд.

Тавре Файзиддин Назаров, сардори шуъбаи ноболиғони Хадамоти пешгирии ҳуқуқвайронкунӣ дар байни ноболиғон ва ҷавонони Вазорати корҳои дохилӣ, ба рӯзномаи «Ҷумҳурият» иттилоъ дод, дар 11 моҳи соли ҷорӣ дар ҷумҳурӣ аз ҷониби кормандони воҳидҳои кор бо ноболиғон ва ҷавонон 4898 маротиба рейд ва амалиётҳои муштарак гузаронда шуд, ки дар натиҷа 15121 нафар ноболиғ барои ҳуқуқвайронкуниҳои гуногун муайян шуда, ба ШВКД дар шаҳру ноҳияҳои ҷумҳурӣ дастрас гардиданд. Оид ба талаботи Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» бо моддаи 90 Кодекси ҳуқуқвайронкунии маъмурӣ 14829 адад протоколи маъмурӣ нисбат ба падару модарон ва масъулон ба судҳо ирсол гардидааст. Ҳамзамон, нисбат ба 8564 нафари онҳо, ки уҳдадориҳои худро дар таълиму тарбияи фарзанд иҷро накардаанд ба маблағи 1081640 сомонӣ ҷарима ситонда, ба буҷети давлат ворид шуд ва ба 2747 нафари дигар огоҳнома ирсол гардида, 3518 мавод мавриди баррасӣ қарор дорад. Бо вуҷуди ин, гарчанде аз қабули Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» 7 сол сипарӣ шуда бошад ҳам, вале то имрӯз иҷрои талаботи қонуни мазкур аз тарафи бархе падару модарон ва масъулон пурра риоя намегардад. То имрӯз ноболиғон ба марказҳои дилхушӣ ва интернет-кафе ва бозиҳои компютерӣ ворид мегарданд.
Зикр кардан ба маврид аст, ки 17 майи соли 2018 ба як қатор моддаҳои Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» тағйиру иловаҳо ворид гардиданд. Аз ҷумла, дар моддаи 8 «Уҳдадориҳои падару модар дар тарбияи фарзанд» дар сархати 10 оварда шудааст, ки аз соати 18:00 то соати 06:00 ба марказҳои пешниҳоди бозиҳои компютерӣ ё хизматрасонии интернетӣ рафтани фарзанди ноболиғи худро иҷозат надиҳанд. То ҳол ин масъала роҳи ҳалли худро наёфтааст, ки боиси нигаронӣ мебошад. Новобаста аз гузарондани суҳбату вохӯриҳо дар муассисаҳои таълимӣ ва дар байни аҳолӣ оид ба иҷрои талаботи қонуни мазкур боз ҳам ҳолатҳое пайдо мешаванд, ки то кунун падару модарон нисбат ба тарбияи фарзандонашон беэътиноӣ зоҳир менамоянд. Масалан, зимни гузарондани як чорабинӣ аз тарафи кормандони хадамот 24 ноябри соли 2018 тахминан соати 18:30 дақиқа маълум гардид, ки Ҳабибулло Ғоибов, соли таваллудаш 1993, сокини шаҳри Душанбе, як хонаро ба иҷора гирифта, толори бозиҳои компютерӣ кушода, бо 10 адад компютер фаъолияти соҳибкорӣ менамудааст. Ҳангоми ворид гардидан ба бинои мазкур 2 нафар ҷавон ва 4 нафар ноболиғ машғули бозиҳои дорои хусусияти зӯроварӣ доштаи «ГТА» ва «Контр - страйк» буданд. Дар рафти амалиёт нисбат ба волидони ноболиғон барои беаҳамияти нисбат ба фарзандон ва иҷро накардани талаботи Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» протоколҳои маъмурӣ тартиб дода шуд. Нисбат ба шаҳрванд Ҳабибулло Ғоибов барои вайрон намудани талаботи моддаи 4641 Кодекси ҳуқуқвайронкунии маъмурӣ, яъне барои ба ноболиғон додани иҷозати воридшавӣ ба маркази бозиҳои компютерӣ баъди соатҳои дар  Қонуни Ҷумҳурии  Тоҷикистон «Дар бораи масъулияти падару модар дар таълиму тарбияи фарзанд» муқараргардида протоколи маъмурӣ тартиб дода шуд.
Аз ин рӯ, масъулони Хадамоти пешгирии ҳуқуқвайронкунӣ дар байни ноболиғон ва ҷавонони Вазорати корҳои дохилӣ аз падару модарон даъват менамоянд, ки нисбат ба ояндаи фарзандони худ бетараф набуда, онҳоро ба омӯзиши илму дониш ҷалб намоянд. Зеро маҳз наврасону ҷавонони бо илму маърифат метавонанд, дар пешрафту шукуфоии кишвар саҳми арзанда гузоранд.
Сафаргул АЛИМОВА,
 «Ҷумҳурият»


Баёни ақида (0)    Санаи нашр: 27.12.2018    №: 257-258    Мутолиа карданд: 318
04.06.2020


ОБОДКОРИҲОИ БЕҚИЁС ДАР ТОҶИКОБОД

ЁРИИ ХАЙРИЯВӢ БАҲРИ ПЕШГИРИИ КОРОНАВИРУС

ФУТБОЛ. ҶАЛИЛОВҲО МЕХОҲАНД ҲАМЕША ДАР САФИ ПЕШ БОШАНД

КОРОНАВИРУС ДАР ИТАЛИЯ: БЕШ АЗ ЯК МОҲ ИНҶОНИБ СИРОЯТЁБӢ КАМ МЕШАВАД

ДАР КРЕМЛ БА ХОҲИШИ БО РОССИЯ СОЗИШНОМАИ ЯДРОӢ БАСТАНИ ТРАМП БАҲО ДОДАНД

ТРАМП ҶОНИБДОРИ ҲУЗУРИ ПУТИН ДАР G7

ҶАҲОН ДАР ЯК САТР

02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ


Дар сомонаҳои дигари Тоҷикистон хонед