logo

иҷтимоиёт

САДРӢ САЪДИЕВ: "ДУШАНБЕРО НАШИНОХТАМ"

Суҳбати мо бо пажӯҳишгари номвар, доктори илмҳои филология, профессори Донишгоҳи давлатии Самарқанд Садрӣ Саъдиев дар Академияи илмҳои Ҷумҳурии Тоҷикистон ба вуқӯъ пайваст. Ӯро ҳамчун сайидошиноси маъруф ба ҷашни 400 - солагии Сайидои Насафӣ даъват карда буданд.
Садрӣ Саъдиев то соли 1985 ба ҳайси ходими илмии Пажӯҳишгоҳи забон ва адабиёти ба номи Абуабдуллоҳи Рӯдакӣ дар шаҳри Душанбе фаъолият дошт ва таҳти роҳбарии донишманди шаҳир Расул Ҳодизода мавзӯи илмӣ гирифта, рӯзгор, осор ва вижагиҳои эҷодии Сӯзании Самарқандӣ ва Сайидои Насафиро таҳқиқ кардааст.
Маърӯзаи илмӣ ва китоби тозанашри ӯ – «Сайидои Насафӣ ва муҳити адабии Мовароуннаҳр дар нимаи дувуми асри XVII» - ро ҳозирин гарм истиқбол карданд. Дар муаррифии китоби мазкур Фарҳод Раҳимӣ президенти Академияи илмҳо, иштирок намуда, қаноатманд аз он шуд, ки дар шаҳрҳои бостонии Самарқанду Бухоро Садрӣ Саъдиев барин фарзандони тоҷик чароғи робитаҳоро фурӯзон нигаҳ медоранд.
Ёдовар мешавем, ки ин рисолаи илмиро Академияи илмҳои ҷумҳурӣ интишор дода, дар қавӣ гаштани равобити адабии Тоҷикистону Ӯзбекистон ҳиммат гумошт.
Пас аз конфронс бо хоҳиши меҳмони арҷманд Садрӣ Саъдиев ба хотири зиёрати хокҷои устод Садриддин Айнӣ сӯи боғи фарҳангӣ - фароғатии Сад- риддин Айнӣ роҳ пеш гирифтем. Пирамарди хирадманд боғро дида, чун кӯдак хушнудӣ кард. Пас аз дидани пайкараи муҳташами аллома Айнӣ ашки шодӣ  гирди чашмони Садрӣ Саъдиев чарх зад. Оҳиста дастрӯмолакашро аз ҷайбаш гирифта, сиришкашро пок кард ва гуфт: «Устод Айнӣ ана ҳамин рӯзҳоро орзу мекард. Орзу мекард, ки дар мақбарааш ҳам фазои фарҳангӣ ҳукмрон бошад».
Аз он ҷо ба дидани «Кохи Наврӯз» рафтем. Вақте зинаҳои кохро мепаймудем, Садрӣ Саъдиевро ҳаяҷон пахш мекард. Дар чеҳраи нурониаш суруру қаноматмандӣ падидор буд. Зеро ҳар як хишту санги ин бинои муҳташам рамзу розҳо дорад. Тарҳи меъмории миллӣ онро боз ҳам қашангтару дилработар кардааст. Ба ӯ изҳор доштам, ки хурдтарин ашёи сохтмонии «Кохи Наврӯз» моли ҳамин диёр аст. Онро чунон бунёд кардаанд, ки сангу хок ва чӯбу мехаш ҳам тоҷикистонист.
Ба ман рӯ оварда гуфт: «Медонед, маро як ҳисси нотакрори ифтихору боландагӣ пахш кардааст. Ман шунида будам, ки чунин як қасри бузург сохта шудааст, ёд дорам, ки соли 2014 ҳамоиши Созмони ҳамкории Шанхай дар ин ҷо гузашт. Бештари сарони кишварҳо қасрро бо ҳайрат тамошо мекарданд. Аммо дидан аз дидан фарқ мекардааст. Ҳоло бо чашмони худ мебинаму қоил мешавам. Тоҷикистон чунин заминаҳои боэътимоди муаррифӣ дорад, ки як солро ба рушди сайёҳӣ ва ҳунарҳои мардумӣ ихтисос додааст. Зеро барои ҷаҳонгардон чунин маконҳои нотакрор бештар писанд аст».
Аз шавқи беандозаи олим мо ҳам болу пар ёфта, ӯро гирдогирди кох ба тамошо бурдем. Бино бо боғи фароғатии «Кӯли ҷавонон» бисёр тавъаму муносиб афтодааст. Кӯл баъди таъмиру таҷдид тозаву сокин асту тасвири кохи боҳашаматро дар худ мунъакис кардааст. Нишастгоҳҳои вижаи миллӣ, ки гунбазҳои хушсохт доранд, Садрӣ Саъдиевро бештар шефта кард. Зеро дар гунбазҳо тасвирҳои шоирони классику муосир ва қаҳрамонони Тоҷикистон инъикос ёфтаанд.
Онҳоро тамошо мекарду лабханд зада, мегуфт: «Ман агар «Кохи Наврӯз» - ро тамошо намекардаму Самарқанд мерафтам, гӯё тамоми шаҳрро намедидаам. Солам ба 83 мерасад, дубора дидани Душанбеи азиз муясаар мешуд ё не.
«Ҳоло ба Самарқанд баргардам, таассуротамро хоҳам навишт. Ин Душанбее, ки беҳтарин рӯзгори ман гузаштааст, ин қадар дигаргун шуда, ки баъди 15 сол тамоман нашинохтам. Ин баракати истиқлолият ва иттифоқи тоҷикону тоҷикистониён аст. Хизматҳои Сарвари давлат Эмомалӣ Раҳмон ҳам бешумор аст. Он кас марди бисёр ғаюру ҷасуранд. Мехоҳанд, шаҳрҳои Тоҷикистон аз ягон шаҳрҳои мутамаддини дунё кам набошад».
Бузургмеҳри БАҲОДУР,
«Ҷумҳурият»


Баёни ақида (0)    Санаи нашр: 27.12.2018    №: 257-258    Мутолиа карданд: 321
30.11.2020


ВАО: БАЙДЕН БОРИ НАХУСТ ДАР ТАЪРИХИ ИНТИХОБОТИ ИМА 80 МИЛЛИОН ОВОЗ ГИРИФТ

ҶАҲОН ДАР ЯК САТР

ТАҒЙИРОТ БА ҚОНУН. МУТАХАССИСОН БО НАЗАРДОШТИ ТАЛАБОТИ БОЗОРИ МЕҲНАТ ОМОДА МЕГАРДАНД

26.11.2020


ВОХӮРИИ РУСТАМИ ЭМОМАЛӢ БО СЕРГЕЙ СОБЯНИН

НОҲИЯИ ТЕМУРМАЛИК. ТАРБИЯИ ИҶТИМОӢ ТАРБИЯИ МИЛЛАТ АСТ

СУҒД. ИТТИФОҚИ КОРГОҲҲОИ САНОАТИ САБУК ТАЪСИС ЁФТ

ДИЕГО МАРАДОНА . НОБИҒАИ ФУТБОЛ БА ДУНЁИ УЛВӢ ПАЙВАСТ

ДАР АФҒОНИСТОН АЗ ДУ ТАРКИШИ САХТ 17 НАФАР ҲАЛОК ГАШТ

ҶАҲОН ДАР ЯК САТР

25.11.2020


«ШАХСИЯТИ БУЗУРГИ ТАЪРИХСОЗ»

СУДИ ОЛИИ ИҚТИСОДӢ. ҲАМОИШИ ИДОНА БА ИФТИХОРИ ҶАШНИ МИЛЛӢ

ПАРЧАМИ ДАВЛАТӢ РАМЗИ БАХТУ САОДАТ

КФО. "ИСТИҚЛОЛ" 13 ЗИНА БОЛО РАФТ

ДАР ТОҶИКИСТОН ТЕЪДОДИ ШИФОЁБӢ АЗ COVID НАЗАР БА ГИРИФТОРӢ БЕШТАР ШУД

ҶАҲОН ДАР ЯК САТР

23.11.2020


НОҲИЯИ ФИРДАВСӢ. МУҚОВИМАТ БО КОРРУПСИЯРО ТАҲКИМ МЕБАХШАНД

ПУТИН АЗ МАНСУБИЯТИ КӮҲИСТОНИ ҚАРИЯБОҒ СУХАН КАРД

ҶАҲОН ДАР ЯК САТР

ЭРЛИНГ ҲОЛАНД "GOLDEN BOY" ШУД

ПАХТА. ИҶРОИ 97 ДАРСАДИ ДУРНАМО

НОҲИЯИ БОБОҶОН ҒАФУРОВ. НАҚШАИ ИСТЕҲСОЛИ ПАХТА БАРЗИЁД ИҶРО ШУД

БУҶЕТИ ДАВЛАТӢ – 2021. 27 МИЛЛИАРДУ 645,8 МИЛЛИОН СОМОНӢ ПЕШБИНӢ ГАРДИД

КӮЛОБ. ХӮРОК БАРОИ ДАРМОН АСТ, НА ЗИЁН

СУҒД. ДОРУҲОИ ПАСТСИФАТРО НОБУД КАРДАНД

АФШУРАИ АНОР АНГЕЗАИ COVID - РО ТО 80 ДАРСАД МАҲВ МЕКУНАД

«ТОҶИКИСТОН – 2020». ФОРУМИ БАЙНАЛМИЛАЛИИ САЙЁҲӢ

19.11.2020


ВАҲДАТ. ШАҲР ШУКУФТАН ДОРАД

16 – НОЯБР. ИН РӮЗРО ДАР СУДИ ОЛИИ ИҚТИСОДӢ БОТАНТАНА ҶАШН ГИРИФТАНД

НУРОБОД. 30-СОЛАГИИ ИСТИҚЛОЛИЯТРО САЗОВОР ИСТИҚБОЛ МЕГИРЕМ

18.11.2020


НОҲИЯИ СПИТАМЕН. НАҚШАИ ИСТЕҲСОЛИ ПАХТА 100,1 ДАРСАД ИҶРО ГАРДИД

ҶАЙҲУН. САРВАЗИР БА ДАСТРАНҶИ КИШОВАРЗОН БАҲОИ БАЛАНД ДОД

КӮЛОБ. БУНЁДИ МАЙДОНЧАИ ВАРЗИШ

ТАШРИФИ САРМОЯГУЗОРОНИ КОРЕЯ БА МОИ «КӮЛОБ»

ХИЗМАТИ ҲАРБӢ. НАҚШАИ ДАЪВАТИ ТИРАМОҲӢ ПЕШ АЗ МУҲЛАТ ИҶРО ШУД

ҶОИЗАИ НАВБАТИИ СИНАМОГАРОНИ ТОҶИК


Дар сомонаҳои дигари Тоҷикистон хонед