logo

иқтисод

ВОРИДОТИ ДОРУ. СОҲИБКОР БОЯД ЭҲСОСИ ВАТАНДӮСТӢ ДОШТА БОШАД

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатӣ бори дигар назорати қатъии сифати дорувориро аз масъалаҳои асосии соҳаи    тандурустӣ унвон намуда, таъкид доштанд, ки таъмини сифат, судмандӣ ва бехавфии маводи доруворӣ дар кишвар яке аз самтҳои сиёсати давлатӣ дар соҳаи ҳифзи сиҳатии мардум ба шумор меравад. Мутаассифона, то ба ҳол доруворӣ, асосан, аз хориҷи кишвар ворид гардида, сифати он дуруст муайян карда намешавад.
Кормандони сарраёсати назорати давлатии фаъолияти фармасевтии Хадамоти назорати тандурустӣ ва ҳифзи иҷтимоии аҳолӣ аз аввали соли равон фаъолияти 770 муассисаи фармасевтии кишварро зери санҷиш қарор доданд ва дар 150 ҳолат назорат якҷо бо мақомоти ҳифзи ҳуқуқ сурат гирифт. Инчунин, кормандони сарраёсат дар 485 муассисаи табобатию профилактикӣ ва 771 нуқтаи савдои маводи ороишию гигиенӣ санҷиш гузаронданд.
Ҳангоми санҷишҳо аз муассисаҳои фармасевтӣ ва ду анбори ғайриқонунӣ 4821 номгӯй маводи доруворӣ ва молҳои тиббӣ ба миқдори 451607 адад аз муомилот гирифта шуданд, ки аз инҳо 866 номгӯй маводи дорувории муҳлати истифодаашон гузашта, 3897 номгӯй маводи дорувории бе сертификати мутобиқат, боқимонда 54 номгӯй молҳои тиббии ба талаботи ҳуҷҷатҳои меъёрию техникӣ ҷавобгӯй набуда мебошанд.
Мувофиқи мактубҳои КВД «ЭОМФТ» - и хадамот 54 номгӯй маводи доруворӣ ва молҳои тиббӣ (ба миқдори 425 969 адад) бо сабаби ҷавобгӯй набудани маводи доруворӣ ва молҳои тиббӣ ба талаботи стандарти сифат дар вақти воридот аз муомилот гирифта шуданд. Дар асоси ҳолатҳои ошкоргардида нисбат ба роҳбарону кормандони  муассисаҳои фармасевтӣ, табобатию профилактикӣ ва нуқтаҳои савдои маводи ороишию гигиенӣ 556 парвандаи ҳуқуқвайронкунии маъмурӣ тартиб дода, аз онҳо ба миқдори 1 196 100 сомонӣ ҷарима ситонда шуд.
Соли ҷорӣ дар Корхонаи воҳиди давлатии «Экспертиза ва озмоиши маҳсулоти фармасевтӣ ва молҳои тиббӣ» ва корхонаҳои воҳиди давлатии дар вилоятҳо будаи Хадамоти назорати давлатии фаъолияти фармасевтӣ 29719 маводи дорувориро аз санҷиш гузаронданд. Аз инҳо ба 28781 адад сертификати мутобиқат ва 1758 протоколи санҷиш дода шуд. 652 намуна ба талаботи стандартӣ ҷавобгӯй набуда, аз муомилот боздошта шуд, аз ҷумла 7 намунаи истеҳсоли дохилӣ.
Айни ҳол дар кишвар 2440 муассисаи фармасевтӣ  фаъолият мекунад ва, воқеан ҳам, дар самти назорат мушоҳида мешавад, ки воридоти маводи қалбакӣ камтар гардидааст. Аммо ин ҳанӯз маънои онро надорад, ки бозори фармасевтии кишвар аз маводи пастсифат орист. Соҳибкорони воридкунандаи доруворӣ бо эҳсоси баланди ватандӯстӣ бояд манфиати миллатро аз фоидаи худ болотар донанд ва аз ворид намудани маводи пастсифат даст кашанд.
Маҳмадалӣ ДАВЛАТОВ,
сардори сарраёсати назорати давлатии фаъолияти фармасевтии
Хадамоти назорати тандурустӣ ва ҳифзи иҷтимоии аҳолӣ


Баёни ақида (0)    Санаи нашр: 27.12.2018    №: 257-258    Мутолиа карданд: 165

18.10.2019


Дар Арабистони Саудӣ садамаи автомобилӣ боиси ҳалокати 35 зоир гашт

Нигаронии муовини Дабири кулли СММ аз афзудани хавфи сарзании ҷанги ядроӣ

Артиши Сурия бори аввал дар панҷ сол вориди Раққа шуд

Таллин барои дучархасавор шудани сокинон 195 миллион евро харҷ мекунад

Ҷаҳон дар як сатр

Қонунгузорӣ. Ҷазо барои шиканҷа пурзӯр мегардад

Суғд. 557 ҳодисаи фавқулода дар нуҳ моҳ

Хуҷанд мизбони Чемпионати Осиё оид ба самбо - 2022

15.10.2019


Иштироки низомиёни тоҷик дар машқҳои СААД дар вилояти Нижегород

Иттиҳоди Аврупо аз Туркия баровардани сипоҳашро аз Сурия талаб намуд

Ҷоизаи Нобел оид ба иқтисодро барои талоши мубориза бо қашшоқӣ супурданд

Назарбоев ва иштиёқи расмкашӣ

Ҷаҳон дар як сатр

14.10.2019


Роҳи Помир ба панҷгонаи зеботарин роҳҳои дунё шомил гардид

Дар Ҷопон аз тӯфони «Хагибис» 33 нафар ҳалок гашт

Трамп маблағеро ном бурд, ки Вашингтон дар ҷангҳои Шарқи Наздик масраф кардааст

Астронавти амрикоӣ рекорди ба кайҳон баромадани кайҳоннавардони русро пас мегузорад

Ҷаҳон дар як сатр

11.10.2019


Боздиди қариб 8 миллион нафар аз ғурфаи Тоҷикистон дар намоишгоҳи Чин

СААД дар Бишкек вокуниши муштарак ба ҳолатҳои фавқулодаро баррасӣ намуд

Ҷаҳон дар як сатр

10.10.2019


Ёддошти тафоҳум ба имзо расид

Вохӯрии вазирони корҳои дохилии Тоҷикистону Россия

Душанбе ва Димишқ бозгашти тоҷикистониёнро аз Сурия баррасӣ намуданд

Меркел ва Ҷонсон оид ба Brexit ба мувофиқа омада натавонистанд

Барнаул лидерҳои ҷавони кишварҳои Осиёро гирд овард

Ҷаҳон дар як сатр

08.10.2019


ТОҶИКОБОД. 40 НАФАР БА САФИ ҚУВВАҲОИ МУСАЛЛАҲ ПАЙВАСТ

Мулоқоти Қоҳир Расулзода бо роҳбарони ҳайатҳои давлатҳои аъзои САҲА

Ҳамоиш ба муносибати Рӯзи забони давлатӣ дар Тошканд

Бизнес - форуми сайёҳии Тоҷикистону Қирғизистон

СММ амнияти кӯдакони Афғонистонро боиси нигаронӣ хонд

Бонки ҷаҳонӣ Тоҷикистонро ба рӯйхати кишварҳои ислоҳотгар ворид намуд

Ҷаҳон дар як сатр


Дар сомонаҳои дигари Тоҷикистон хонед