logo

фарҳанг

КАНГУРТТУТ. ЗОДГОҲИ МАН

Кангурттути азизи ман. Инак, баъди шасту нуҳ сол ба наздат омадам. Водии тафсони Вахш, тамоми сарзамини диёрамро давр зада, ба назди ту ҳозир шудам. Ҳафтод бунаи дар теппаҳои сабзпӯш қарордоштаро дида, дилам аз фараҳ лабрез шуд. Ҳатто қафаси синаам аз шодӣ ба танг омад.

Дар мазраҳои ҳамвори алафпӯшат қадам мезанам. Шабнами саҳаргоҳ пойҳои шалпаргаштаамро мешӯянд.
Дар  кӯчаҳои деҳаам қадам мезанаму аз дидораш сер намешавам, мехоҳам беист атрофаш чарх занам. Пайраҳаи деҳаи ман хеле борик ва нишебу фароз аст. Теппаҳои он аз дур чун алмоси насуфта асрорангез ҷило медиҳанд.
Ба ҳар хонадон сари сафедӣ афтодаамро медарораму ба онҳо бо таъзим салом медиҳам. Нақлу ривоятҳои онҳоро шунида, ёдҳоям аз ниҳонхонаи торики хотираам падидор мешаванд.
Модарам қиссаи ба ман ном ниҳоданро ҳикоя карда буд. Ман дар оилаи Ғулом Шарифов (Ғуломи қорӣ Шариф) писари сеюм будаам. Боз як хоҳарбузург низ доштаам. Ҳоло онҳо дар ҳаёт нестанд.
Вақти ба дунё омаданам, аллакай, падарам моро тарк карда, ба деҳаи дигар кӯч баста будааст. Номи маро холаи Санамбӣ, ҳамсари амаки Гулмурод, гузоштааст. Кампири нуронӣ хам шуда, ба гӯшам оҳиста «Зариф» гуфта,  сипас, мани гирёнро ба дасти модарам дода, хурсандона баён намудааст:
- Номаш Зариф шуд.
Дар хонае, ки парда ба ҷойи дар хизмат мекард нишастагон бо ризоият хомӯшона номи маро қабул намудаанд.
Чи илоҷ, солҳои вазнини ҷанг, бо ҳукми тақдир оилаи мо пароканда шуд. Мо, панҷ нафар, модар, се бародару хоҳарбузургам, ба водии Вахш, дур  аз зодгоҳ афтидем.
Модарам Саидмо аз хурдӣ ба мо панд меомӯзонд. Мегуфт, ки: ҳар кас бояд бидонад  дар куҷо таваллуд шудаву, хуни нофаш дар кадом макон рехтааст.
Сарнавишт маро ба сарзамини туқайзоре партофт, ки баъдтар бо заҳмату машаққати сангини мардум ба майдони пахтазор табдил ёфт. Вале ман ҳеҷ гоҳ деҳаи бари пушта ҷо гирифтаамро аз ёд намебаровардам.
Деҳаам, талу теппаҳоям, Кангурттутам доимо манбаи фикру андешаҳоям, ҳиссиётам ва азму суботам буду ҳаст. Тамоми эҷодиётам аз ҳамин макон маншаъ гирифтааст. Зеро чун шоҳин аз ҳамин ошён ба осмони беохир  парвоз кардаам.
Кангурттут ошёни ман, гаҳвора ва  оғозу анҷоми ҷаҳони маънавии ман аст.
Ҷаҳони ман аз Кангурттут ибтидо гирифтааст. Туро ба чӣ ташбеҳ диҳам, зодгоҳам? Чӣ сухани шоёну сеҳрноке дар ҳаққат нависам? Тақдири туро, таърихи туро, ки як ҳиссачаи хурдаш манам, бо чӣ ифода намоям?
Медонам ҳоло  дар заминат ковишҳои бостоншиносӣ давом доранд ва ҳар як бозёфт аз он дар таърихи миллатам  саҳифаи наве мекушояд.
Диёри ҳамешасабзу пурфайзи таърихии ман!
Дар масоҳати хурду дили бузургат таърихи пурифтихорро ифшо намудаӣ! Шахсиятҳои намоёну олимони хирадмандро дар оғӯшат парваридӣ!
Ту диёри орифони хирадманде мебошӣ, ки  бо асарҳои худ фарҳанги миллатро ғанӣ мегардонанд.
Кангурттут! Ту маҳзари нуру зиёӣ, кони хираду фарҳанги  куҳанбунёдӣ! Илҳоми бепоёни манӣ! Бо ту меболаму мефахрам. Дар қисматат қиссаҳои тозаву  шодиовар эҷод менамоям.
Зариф ҒУЛОМ,
нависанда


Баёни ақида (0)    Санаи нашр: 31.12.2018    №: 260    Мутолиа карданд: 350
10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД

ДУШАНБЕ. ТАҲТИ РАЁСАТИ АЗИМ ИБРОҲИМ ҶАЛАСАИ КОРӢ БАРГУЗОР ШУД

ШАҲРИ ТУРСУНЗОДА. КОРҲОИ ФАҲМОНДАДИҲӢ САМАР ДОРАНД

«ОВОЗИ САМАРҚАНД» КИТОБҲОИ ХУДРО РӮНАМОӢ КАРД

ВАНҶ. ОБ АСТ, КИ ОБОДИСТ

ТАБИБОНИ ЛАХШ: «ҒАМХОРИҲОИ ПЕШВОИ МИЛЛАТ БА МО НЕРУ МЕБАХШАД»

ФУТЗАЛ. БОЗИИ СУПЕРҶОМИ ТОҶИКИСТОН – 2020 КАЙ БАРГУЗОР МЕГАРДАД?

ТАЪКИДИ СИ ҶИНПИН АЗ ЗАРУРАТИ ҲАМКОРИИ ГУСТУРДАИ ЧИНУ РОССИЯ

ҶАҲОН ДАР ЯК САТР

08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"


Дар сомонаҳои дигари Тоҷикистон хонед