logo

иҷтимоиёт

ПАЁМ. ФАРҲАНГ ВА СИМОИ МАЪНАВИИ МАРДУМ

Паёми навбатии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон чун ҳарсола муҳимтарин марҳилаҳои рушд, омилҳои пешрафт ва дурнамои ояндаи мамлакатамонро фаро гирифт. Аз ҷумла, таваҷҷуҳи Сарвари давлат пеш аз ҳама ба падидаҳои фарҳангӣ ва таърихии халқ ва дар ин замина рушд бахшидани деҳот, сайёҳӣ ва ҳунарҳои мардумӣ нигаронда шуд.
Баъд аз ироаи Паём бо чанд тан аз зиёиёни мамлакат ҳамсуҳбат шуда, андешаҳои онҳоро шунидем.
Низом Қосим, раиси Иттифоқи нависандагони Тоҷикистон:
- Пешвои миллат дуруст тазаккур доданд, ки дар замони соҳибистиқлолӣ ба рушди соҳаи фарҳанг ҳамчун таҷассумгари симои маънавии халқ, муттаҳидсозандаи неруҳои зеҳнӣ, баёнгари таърихи гузаштаву муосир, оину анъана, дигар муқаддасоти миллӣ ва ташаккулдиҳандаи одобу ахлоқи ҳамида таваҷҷуҳи нек зоҳир гардид. Бавижа, барои ҳифзи забони давлатӣ ва арзишҳову суннатҳои ниёгон тадбирҳои муассир андешида шуданд. Дар ин робита, нақши мо – адибон аз он иборат аст, ки вобаста ба қадрдонии Ҳукумату давлат пояҳои фарҳангиву ахлоқии ҷомеаро боз ҳам устувортар гардонем. Наврӯз, Меҳргон, Сада, Шашмақом, Фалак, атласу адрас, чакан, ёдгориҳои таърихии Саразм, Қалъаи Ҳулбук ва монанди инҳоро бештар муаррифӣ кунем ва дар ғановати маданияти таърихию сайёҳии кишвар саҳм гузорем.
Сарвари давлат ёдгориҳои таърихиро дар мисоли Саразм, Қалъаи Ҳулбук ҷузъи таркибии сарнавишти миллат унвон дода, гуфтанд: «Моро зарур аст, ки ёдгориҳои таърихии худро ҳифз кунем, обод гардонем ва ба онҳо ҳамчун ҷузъи таркибии сарнавишти миллати куҳанбунёдамон муносибат намоем. Ин қарзи мо дар назди таърих ва наслҳои оянда мебошад».

Анзурати Маликзод, ходими калони илмии Институти забон ва адабиёти ба номи Абуабдуллоҳи Рӯдакӣ:
- Пайки муҳиму фараҳбахши Паёми навбатӣ таъкиду тарвиҷи мақоми зан - модар дар ҷомеа буд. Пешвои миллат бори дигар ба кордонӣ, соҳибкасбӣ, малака, таҷриба, маданият ва фарҳанги оиладории зани тоҷик ишораҳо карда, таъкид намуданд, ки занҳо ҳар чи бештар ба корҳои  давлатӣ, низоми бонкӣ ва соҳибкорӣ ҷалб карда шаванд.
Президенти мамлакат аз модар сарчашма гирифтани забонро махсус ёд карда, изҳор доштанд: «Бонувону модарони мо бояд, муҳимтар аз ҳама, барои поку беолоиш нигоҳ доштани забони тоҷикӣ, ки мо онро маъмулан забони модарӣ меномем, кӯшиш карда, ба наслҳои оянда одоби муошират ва суханвариро бо ин забони ширину шоирона омӯзонанд. Дар эҳёи ҳунарҳои мардумӣ ҳамеша пешсаф бошанд, расму оин, анъанаву суннатҳо ва фарҳанги миллиамонро ҳифз намоянд».
Баҳман Муродӣ, корманди нашрияи миллии адабии «Садои Шарқ»:
- Муаррифии мавзеъҳои нодири сайёҳӣ, ҳифз, инкишоф ва истифодаи оқилонаи захираҳои табиӣ, ҳайвоноту наботот ва мероси таърихиву фарҳангӣ, ки аз тарафи Пешвои миллат таъкид гардид, мо – рӯзноманигорону адибони ҷавонро масъулияти дигар мебахшад. Зеро маҳз ҳамин қишри ҷомеа бо шабакаҳои интернетӣ равобити пайваста доранд ва тавассути матолиби ҷолиб, аксҳои диданӣ, матнҳои тарғиботӣ дар рӯнамоии маконҳои ҷаҳонгардии кишвар саҳм гузошта метавонанд.
Пешвои миллат эътимодашонро нисбат ба мо чунин баён доштанд, ки ин ҳам боиси сурур ва ҳам сарчашмаи масъулиятҳои ҷадид аст: «Ҷавонон мояи ифтихор ва сарбаландии Тоҷикистони азиз мебошанд. Мо ба ҷавонон эътимоди комил дорем, дастгирии самимонаи онҳоро аз сиёсати пешгирифтаи давлату Ҳукумат қадрдонӣ мекунем ва нақши арзишмандашонро дар ҳамаи ҷанбаҳои ҳаёти кишвар эҳсос менамоем».
Бузургмеҳри БАҲОДУР,
«Ҷумҳурият»


Баёни ақида (0)    Санаи нашр: 02.01.2019    №: 1    Мутолиа карданд: 318
10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД

ДУШАНБЕ. ТАҲТИ РАЁСАТИ АЗИМ ИБРОҲИМ ҶАЛАСАИ КОРӢ БАРГУЗОР ШУД

ШАҲРИ ТУРСУНЗОДА. КОРҲОИ ФАҲМОНДАДИҲӢ САМАР ДОРАНД

«ОВОЗИ САМАРҚАНД» КИТОБҲОИ ХУДРО РӮНАМОӢ КАРД

ВАНҶ. ОБ АСТ, КИ ОБОДИСТ

ТАБИБОНИ ЛАХШ: «ҒАМХОРИҲОИ ПЕШВОИ МИЛЛАТ БА МО НЕРУ МЕБАХШАД»

ФУТЗАЛ. БОЗИИ СУПЕРҶОМИ ТОҶИКИСТОН – 2020 КАЙ БАРГУЗОР МЕГАРДАД?

ТАЪКИДИ СИ ҶИНПИН АЗ ЗАРУРАТИ ҲАМКОРИИ ГУСТУРДАИ ЧИНУ РОССИЯ

ҶАҲОН ДАР ЯК САТР

08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"


Дар сомонаҳои дигари Тоҷикистон хонед