logo

иҷтимоиёт

ИСТАРАВШАН. ДАР МАСИРИ РУШД

Ба шарофати соҳибистиқлолӣ дар Истаравшани бостонӣ сол ба сол корҳои бунёдкориву созандагӣ вусъати тоза гирифта, шаҳр ободтару зеботар мегардад. Дар натиҷаи аз ҷониби масъулин андешидани тадбирҳои мушаххас, тайи ин солҳо тамоми соҳаҳои хоҷагидорӣ рушду нумӯ карда, нишондиҳандаҳои макроиқтисодӣ беш аз пеш афзуда истодаанд.
Ба гуфтаи раиси шаҳр Баҳром Иноятзода дар ёздаҳ моҳи соли ҷорӣ аз ҳисоби тамоми сарчашмаҳо даромади буҷети ҷумҳуриявӣ 101,2 дарсад таъмин гардид, ки нисбат ба ҳамин давраи соли гузашта 13 милион сомонӣ зиёд мебошад. Ҳаҷми савдои чакана ва хизматрасониҳои пулакӣ сол ба сол меафзояд  ва дар ин давра мутаносибан беш аз 1 миллиард сомонӣ ва  наздики 247 миллион сомониро ташкил дод, ки ин омил дар рушди соҳаҳои иқтисодию иҷтимоӣ нақши муассир мегузорад.

ИСТЕҲСОЛИ МАҲСУЛОТИ КИШОВАРЗИВУ САНОАТӢ МЕАФЗОЯД
Роҳбарияти шаҳр ба рушди соҳаи кишоварзӣ, ҳамчун омили асосии расидан ба яке аз ҳадафҳои Ҳукумати мамлакат – таъмини амнияти озуқаворӣ тадбирҳои зарурӣ меандешад. Тавассути гузарондани ислоҳоти соҳа, амалӣ намудани барномаҳои рушд, беҳтар кардани ҳолати мелиоративии заминҳо, ба гардиши кишоварзӣ ворид намудани заминҳои бекорхобида  ва зиёд кардани майдони боғу токзор соҳа беш аз пеш рушд ёфта истодааст. Дар ин давра ба маблағи қариб 1 миллиард сомонӣ маҳсулоти кишоварзӣ истеҳсол шуд, ки нисбат ба ҳамин давраи соли гузашта беш аз 204 миллион сомонӣ зиёд мебошад.
Имсол бо мақсади афзун намудани ҳаҷми истеҳсол, таъмини бозори дохилӣ бо маҳсулоти кишоварзӣ ва коркарди он  зиёда аз 3000 гектар замини мавзеи “Зарнисор” обёрӣ шуда, беш аз 800 гектар замини бекорхобида ба гардиши кишоварзӣ ворид гашт.
Солҳои охир иқдомҳои масъулин барои аз минтақаи аграрию саноатӣ ба саноатию аграрӣ табдил додани шаҳр  равона гаштаанд. Аз ҷумла, дар баробари корхонаҳои мавҷуда, соли ҷорӣ корхонаҳои нави  “Се стандарти кӯҳкорӣ”, “Авангард-213”, “Нур принт”, “Меҳри Хуҷанд”, “Ҳаёт Ҳ”, “Рахшон” ва сехҳои дӯзандагию халтабарорӣ ва мӯзабарорӣ таъсис ёфта, филиали коргоҳи маҳсулоти шири “Асил”-и шаҳри Душанбе ифтитоҳ гардид. Инчунин, бо ҷалби соҳибкорон то соли 2020 бунёди корхонаҳои коркарди шир, истеҳсоли санги мармар ва оҳаксанг, қуму шағал, шлакоблок, макарону кулчақанд ва ҳасибу маҳсулоти гӯштӣ  дар назар аст, ки садҳо нафар бо ҷойи кор таъмин хоҳанд гашт. Ҳамчунин, давоми солҳои 2019 – 2020 дар шаҳраки «Баҳористон» ташкили минтақаи саноатӣ ба нақша гирифта шудааст.
Дар ин давра корхонаҳои саноатии шаҳр ба маблағи беш аз 390 миллион сомонӣ маҳсулот истеҳсол карданд, ки аз нақшаи пешбинишуда 31 миллион сомонӣ зиёд аст. Корхонаҳои «Оби зулол», «Ноҳид», «Нексоз», «Умаров С», «Раҳимӣ Т», «Аъло 7», «Саддам», «Камолҷон - 2013», «Автошина», «Авангард - 2013», «Дизайн», «Бунёдкор Б», «Садаф» ва ғайра фаъолияти пурмаҳсул намуда, иҷрои нақшаро то 313,4 дарсад таъмин намуданд.      

СИМОИ НАВИ ШАҲРИ КУҲАН
Мавриди зикр аст, ки нақшаи генералии шаҳр соли 2012 аз тарафи ҶСК «Шаҳрофар» таҳия шуда, соли 2013 бо қарори Ҳукумати мамлакат тасдиқ гардид. Дар доираи татбиқи он, иншооти гуногуни фарҳангию маишӣ, истеҳсолӣ, истиқоматӣ ва марказҳои хизматрасонӣ бунёд шуданд. Соли ҷорӣ корҳои ободонию бунёдкорӣ дар шаҳр вусъати тоза пайдо карда, майдонҳои Нишону Парчами давлатӣ ва Ғалаба, Маҷмааи фарҳангию меъмории “Қалъаи Муғ”, Маҷмааи хизматрасонии “Истиқлол” ва меҳмонхонаи “Киропол”, биноҳои нави мактабҳои таҳсилоти миёнаи умумии №№ 64 ва 65 пас аз таъмиру барқарорсозӣ мавриди истифода қарор гирифтанд. Дар ин росто, ба пешвози Ҷашни 30-солагии Истиқлолияти давлатии Ҷумҳурии Тоҷикистон бунёду навсозии 420  иншоот дар назар аст, ки 112-тои он мавриди баҳрабардорӣ қарор гирифт.

ШАҲРИ ТАМАДДУНҲО
Истаравшан аз замонҳои қадим ҳамчун маркази илму фарҳанг, ҳунар, савдо ва бозоргонӣ маъруф буда, аз мулкҳои бостонии Тоҷикистон маҳсуб меёбад. Онро шаҳри тамаддунҳо низ ном мебаранд. Сарвари давлат дар маросими ифтитоҳи Маҷмааи таърихию фарҳангии “Қалъаи Муғ” қайд намуданд, ки: “Истаравшани бостонӣ яке аз шаҳрҳои қадимтарини Осиёи Марказӣ буда, таъриху тамаддун, адабу фарҳанги дерина дорад ва тайи асрҳои зиёд дар ҳаёти иқтисодиву иҷтимоӣ ва маънавию фарҳангии минтақа нақши муассир бозидааст. Номи Истаравшан дар сарчашмаҳои куҳани таърихӣ дар қатори бузургтарин шаҳрҳои минтақаи Осиёи Марказӣ зикр гардидааст. То ба рӯзгори мо маҳфуз мондани беш аз 150 ёдгории таърихиву фарҳангӣ, ки ҳар яке аз онҳо собиқаи аз 1500 то  3000- сола дорад, гузаштаи бисёр деринаи онро нишон медиҳад”.
Дар баробари ин, Истаравшан аз давраҳои пеш маркази ҳунару ҳунармандӣ буда, то ҳол мардуми бедордилаш урфу анъанаҳои ниёгонро чун гавҳараки чашм пос медоранд. Бисёр кӯчаву гузарҳои шаҳр ба унвони касбу ҳунарҳои миллии сокинонаш, ба монанди мисгарону оҳангарон, кордгарону кулолгарон, шонатарошону дуредгарон, сангтарошону мӯзадӯзон, қолинбофону танӯрсозон, читгарону мехчагарон ва ғайра номгузорӣ шудаанд, ки гувоҳи ривоҷи навъҳои гуногуни ҳунар дар ин гӯшаи диёрамон мебошад. Ин аст, ки маҳсули дастони эъҷозофари ҳунармандони Истаравшан осорхонаҳо шаҳрҳои Душанбею Хуҷанд, Тошканд, Москва, Санкт-Петербургро зебу зинат бахшида, дар кишварҳои бузурге ба мисли Олмону Фаронса ҳаводорони зиёд доранд.
Меҳрангез ҚОДИРОВА,
Лола РИЗОӢ, “Ҷумҳурият”


Баёни ақида (0)    Санаи нашр: 04.01.2019    №: 3-4    Мутолиа карданд: 279

26.02.2020


ҲАМОИШИ МУҲИМ ДАР КУМИТАИ ДАВЛАТИИ САРМОЯГУЗОРӢ ВА ИДОРАИ АМВОЛИ ДАВЛАТӢ

ДАНҒАРА – МИЗБОНИ ФЕСТИВАЛИ ФАРҲАНГИИ ҶАВОНОНИ ХОРИҶӢ

КИШОВАРЗӢ. НЕСТ КАРДАНИ ТУХМИИ ВАТАНӢ ХАТОИ НОБАХШИДАНИСТ

МАЪЮБОН КОРХОНАИ ҲАМРОЗ ДОРАНД

RABAT GRAND PRIX 2020. ТОҶИКИСТОНРО 7 ПАҲЛАВОН МУАРРИФӢ МЕКУНАД

25.02.2020


САФАРИ РАСМИИ СИРОҶИДДИН МУҲРИДДИН БА РОССИЯ

БАРРАСИИ МАСОИЛИ ТАЪСИСИ КОРХОНАҲОИ НАВИ САНОАТӢ

ДИД. БАРГУЗОРИИ ҲАМОИШИ МАЪРИФАТИЮ ТАРБИЯВӢ

ВАҲДАТ БА ИНТИХОБОТ ОМОДА АСТ

СУҒД. ФЕСТИВАЛИ ВИЛОЯТИИ "АТЛАСУ АДРАС" ТАНТАНА ДОРАД

"ИШҚИ МИНӮӢ" - И КАМОЛ БО ЗАБОНИ ОЛМОНӢ

МУБОРИЗА БАР ЗИДДИ МАЛАХ. ҶАЛАСАИ СИТОДИ ҶУМҲУРИЯВӢ

ГӮШТӢ. МУСОБИҚАИ ИНТИХОБИИ ОЛИМПӢ ДАР БИШКЕК ДОИР МЕШАВАД

24.02.2020


ГАРДИШИ МОЛ. ТАНОСУБИ СОДИРОТ НАЗАР БА ВОРИДОТ АФЗУД

РОҒУН. АФВШУДАГОН БО ҶОЙИ КОР ТАЪМИН МЕГАРДАНД

ГӮШТӢ. 4 МЕДАЛ АЗ ЧЕМПИОНАТИ ОСИЁ, АММО БЕ ТИЛЛО

ОЛИМОНИ БЕЛАРУС ДАР ШАҲРИ ХУҶАНД АРЧА МЕШИНОНАНД

ИМА ДАР АФҒОНИСТОН АМАЛИЁТИ ҲУҶУМРО ҚАТЪ СОХТ

МУШОВИРИ ТРАМП ОВОЗАҲОРО ОИД БА ОҒОЗЁБИИ «ДАХОЛАТИ РОССИЯ» БА ИНТИХОБОТ БЕБУНЁД ХОНД

ГОНЧАРУК: «УКРАИНАРО СОЗИШНОМА БО РОССИЯ АЗ БОЛОРАВИИ НАРХИ ГАЗ НАҶОТ ДОД»

ҶАҲОН ДАР ЯК САТР

БОКС. РАҚОБАТИ АНВАР ЮНУСОВ БАРОИ КАМАРБАНДИ WBA–NABA

МЕРКЕЛ ВА МАКРОН БА ПУТИН ХАБАР ДОДАНД, КИ БА ВОХӮРИИ ЯКҶОЯ БО ЭРДУҒОН ТАЙЁРАНД

ЧИН БА САММИТИ G20 ДАР АРАБИСТОНИ САУДӢ НАМЕРАВАД

ДАР БЕРЛИН ДУЗДОНИ ТАНГАИ ТИЛЛОИИ 100 - КИЛОИРО СУД НАМУДАНД

ҶАҲОН ДАР ЯК САТР

20.02.2020


РУШДИ УСТУВОРИ ШАҲРСОЗӢ. ДАР ДУШАНБЕ ДОИР БА ИН МАВЗӮЪ СЕМИНАРИ БАЙНАЛМИЛАЛӢ ДОИР ГАРДИД

ҶАМЪБАСТИ ДАВРИ ШАҲРИИ ОЗМУНИ "ДАСТАРХОНОРОӢ"

ДУШАНБЕ. ОМОДАГИҲО БА ҶАШНИ НАВРӮЗИ БАЙНАЛМИЛАЛӢ

НОҲИЯИ ДЕВАШТИЧ. МУЛОҚОТИ ИНТИХОБКУНАНДАГОН БО ГУРӮҲИ КОРИИ КМИ ҲХДТ

РАШТ. ҲАМОИШИ СОБИҚАДОРОНИ ҶАНГУ МЕҲНАТ

ГӮШТӢ. МЕДАЛИ БИРИНҶИИ ПАҲЛАВОНИ ТОҶИК АЗ ЧЕМПИОНАТИ ОСИЁ

ДАР ӮЗБЕКИСТОН ҲАМА АГЕНТИИ ХУСУСИИ ШУҒЛРО МЕБАНДАНД

ҚАЗОҚИСТОН: 90 ПАРВАНДАИ ҶИНОЯТӢ БАЪДИ БЕТАРТИБИҲО ДАР ҶАНУБИ КИШВАР


Дар сомонаҳои дигари Тоҷикистон хонед