logo

сафарҳо

Конфронс оид ба тағйирёбии иқлим дар Копенгаген баргузор гашт

16- 17 декабри соли 2009 Президенти Ҷумҳурии Тоҷикистон Эмомалӣ Раҳмон баҳри иштирок дар Конфронси 15 - уми ҷонибҳои  Конвенсияи қолабии Созмони Милали  Муттаҳид оид ба тағйирёбии иқлим дар пойтахти Шоҳигарии Дания - шаҳри Копенгаген қарор дошт.Баҳри иштирок дар ин ҳамоиши бузурги ҷаҳонӣ сарони зиёда аз 100 кишвари ҷаҳон ба шаҳри Копенгаген ташриф овардаанд, аз ҷумла роҳбарони аксари давлатҳои абарқудрати ҷаҳон низ.
Сардори давлати Тоҷикистон Эмомалӣ Раҳмон дар ин конфронси ҷаҳонӣ ба ҳайси роҳбари яке аз давлатҳои ташаббускори олам оид ба ҳаллу фасли масоили вобаста ба ҳифзи иқлими сайёра ва таъмини дастрасӣ ба оби тозаи ошомиданӣ даъват шудааст.
Президенти Ҷумҳурии Тоҷикистон Эмомалӣ  Раҳмон зимни суханронии худ, аз ҷумла таъкид дошт, ки тағйирёбии кунунии иқлим ба Тоҷикистони дорои шароити мураккаби ҷуғрофӣ осеби зиёд мерасонад.
Сардори давлати Тоҷикистон Эмомалӣ Раҳмон ба Созмони Милали Муттаҳид ва сохторҳои марбутаи он муроҷиат намуд, ки баҳри таъмини амнияти об дар Осиёи Марказӣ таъсири низоми бесамар ва куллан кӯҳнашудаи истифодаи оби минтақа, инчунин теъдоди зиёди обанборҳои кишварҳои поёнобро ба вазъи экологӣ ба таври маҷмӯӣ мавриди ташхису арзёбӣ қарор диҳанд, то ки дар шароити афзоиши босуръати демографӣ  пеши роҳи азхудкунии беназорати заминҳои нав ба нав ва исрофи бенизоми об дар минтақа гирифта шавад.
Ба андешаи Эмомалӣ Раҳмон, «маҳз истифодаи ғайриоқилонаи захираҳои об барои обёрии заминҳои кишт ва сохтмони обанборҳои азим дар поёноб, ки ғунҷоишашон аз худи Арал дида якуним маротиба зиёд аст, ба нобудшавии ин баҳри дар гузашта бузург боис гардид».
Сардори давлати Тоҷикистон Эмомалӣ Раҳмон таъкид дошт, ки анбӯҳи зиёди ғубор ва намаке, ки аз қаъри хушкшудаи баҳри Арал ба ҳаво меравад, ба обшавии босуръати пиряхҳои кӯҳҳои Помиру Тёншон то андозаи муайян таъсир мерасонад.
Баҳри наҷоти ин пиряхҳо, ки манбаи асосии об ва умуман ҳаёт дар минтақаи Осиёи Марказӣ мебошанд, Президенти Ҷумҳурии Тоҷикистон Эмомалӣ Раҳмон пешниҳод намуд, ки Хазинаи байналмилалии ҳифзи пиряхҳо таъсис дода шавад.
Президенти Ҷумҳурии Тоҷикистон Эмомалӣ  Раҳмон ҳамчунин иттилоъ дод, ки айни ҳол 70% нерӯи барқ дар кишварҳои Осиёи Марказӣ дар нерӯгоҳҳои ҳароратӣ тавлид шуда, ҳамасола боиси ба атмосфера партофта шудани миллионҳо тонна гази карбонат мегардад ва дар муқоиса ба ин афзуд, ки дар Тоҷикистон зиёда аз 95% нерӯи барқ дар нерӯгоҳҳои обӣ истеҳсол карда мешавад. Сардори давлат Эмомалӣ Раҳмон изҳор дошт, ки Тоҷикистон бо мавриди истифода қарор додани захираҳои гидроэнергетикии худ (527 миллиард киловатт-соат) метавонад дар пешгирӣ аз гармшавии иқлим саҳми намоён гузорад, зеро ин иқтидор аз эҳтиёҷоти минтақа 3 баробар зиёд аст. Ба гуфти ӯ, гузаштани кишварҳои минтақа ба истифодаи нерӯи барқи дар нерӯгоҳҳои обӣ тавлидшуда, натанҳо боиси пешгирӣ аз партови миллиардҳо тонна гази карбонат ба ҳаво, балки сарфа шудани миқдори бузурги нафт, газ ва ангишт мегардад.
Ба иттилои Эмомалӣ Раҳмон, Тоҷикистон аз лиҳози партовҳои қиёсии дуоксиди карбон дар байни зиёда аз 200 кишвари ҷаҳон ҷойи 150 – ум ва дар Осиёи Марказӣ ҷойи охирро ишғол мекунад ва сарфи назар аз ин аз гармшавии иқлим, ки асосан натиҷаи фаъолияти кишварҳои тараққикарда мебошад, зиёни ҷиддӣ мебинад.
Бо назардошти ин ҳолат, Президенти Ҷумҳурии Тоҷикистон Эмомалӣ Раҳмон аз давлатҳои пешрафтаи ҷаҳон даъват намуд, ки ба кишварҳои қафомонда ва рӯ ба тараққӣ дар бартараф намудани оқибатҳои гармшавии иқлим кӯмакҳои молиявию техникии худро зиёд намоянд.
Дар охир Сардори давлат Эмомалӣ Раҳмон аз қабули қарори Ассамблеяи Генералии Созмони Милали Муттаҳид доир ба соли оянда дар пойтахти кишвари мо - шаҳри Душанбе гузаронидани Конфронси байналмилалии Созмони Милали Муттаҳид «Об - барои ҳаёт, сулҳ ва рушд» ёдовар шуда, ҳукуматҳои кишварҳои ҷаҳон, ниҳодҳои  Созмони Милали Муттаҳид, созмонҳои байналмилалӣ ва дигар ҷонибҳои иштиёқмандро ба иштирок дар он даъват намуд.
Хотиррасон бояд намуд, ки ин конфронси байналмилалӣ дар доираи чорабиниҳои  Даҳсолаи байналмилалии амалиёти «Об - барои ҳаёт», ки бо пешниҳоди Президенти Ҷумҳурии Тоҷикистон Эмомалӣ Раҳмон барои солҳои 2005-2015 аз ҷониби Созмони Милали Муттаҳид қабул шуда буд, гузаронда мешавад.


Баёни ақида (0)    Санаи нашр:    №:    Мутолиа карданд: 627

10.12.2018


Вохӯрии Сироҷиддин Муҳриддин бо Томас Гремингер

Ҷамъомади тантанавӣ бахшида ба таъсиси воҳидҳои таъйиноти махсуси ВКД

Ба ифтихори солгарди Сайидои Насафӣ Конфронси байналмилалӣ доир мегардад

Вориси Ангела Меркел дар мақоми сарвари ҲНД Аннегрет Крамп-Карренбауэр шуд

Дар ОПЕК+доир ба маҳдудсозии истихроҷи нафт ба мувофиқа расиданд

Боздошти беш аз 1700 нафар дар намоишҳои эътирозӣ дар Фаронса

Беш аз нисфи аҳолии сайёра ба интернет дастрасӣ ёфт

Ҷаҳон дар як сатр

МАСТЧОҲ. Деҳаҳо симои нав мегиранд

Путин: «Дар ИИАО бозори ягонаи газ, нафт ва маҳсулоти нафтӣ мешавад»

Нахустин ҳамоиши сарони манотиқи кишварҳои СҲШ дар Челябинск гузашт

Медведев: «Россия мушкили амнияти озуқавориро ҳал намуд»

Дар Олмон кӣ Ангела Меркелро иваз мекунад?

Нақлиёти ройгони ҷамъиятӣ дар Люксембург

Ҷаҳон дар як сатр

Кишоварзӣ бахши муҳим дар ноҳияи Деваштич

06.12.2018


74 варзишгар ба Ҷоизаи Президенти Ҷумҳурии Тоҷикистон пешниҳод шуд

Иштироки муовини вазири рушди иқтисод ва савдо дар мулоқоти сатҳи баланд

Баррасии масъалаи содироти маҳсулот ба бозорҳои Аврупо

ПАНҶАКЕНТ. Ифтитоҳи 63 иншоот

Бунёди роҳи танобӣ дар шаҳри Хуҷанд

“ГАНҶИ ҲИЛОЛ”. Тадбирҳо самар медиҳанд

05.12.2018


Баррасии масоили сиёсати хориҷии кишвар

Мулоқоти Шамсиддин Орумбекзода бо Мерилин Йосефсон

Баргузории конференсияи «Нақши сайёҳӣ дар ташаккули тарзи ҳаёти солим»

Путин ва Назарбоев ҳамкориро дар доираи Иттиҳоди иқтисодии АвруОсиё баррасӣ карданд

Куртс ҳамкорӣ бо Россияро шарти сулҳу субот дар Аврупо номид

Вашингтон дар Покистон муколамаи Кобул бо "Толибон"-ро муҳокима мекунад

Трамп дар фикри баррасии мушкили мусаллаҳшавии бошитоб бо Путин ва Си Ҷинпин шуд

Ҳонконгро матлубтарин кишвари дидании сайёҳон дар соли равон хонданд

Ҷаҳон дар як сатр

ЛУКА МОДРИЧ - барандаи "Тӯби тиллоӣ"

5 медали теннисбозони тоҷик

04.12.2018


Ҳамоиш оид ба татбиқи самтҳои асосии сиёсати хориҷии Тоҷикистон


Дар сомонаҳои дигари Тоҷикистон хонед